:

السلام عليكم ...

مشكلتي اللي بقولها لكم صارت لي مع أعز الناس ( أمي الغاليه ) اللي أحبها .

للأسف أمي ما عطتني مجال اني أعطيها حبي وحناني لها

طبعا ً أنا البنت الكبيره من البنات والأولاد ودائما ً وجهات النظر والتفكير مختلفه تماما ً بيني وبينها ..!

مع ان فارق العمر ( قريب ) من امي لكن للأسف وجهات النظر مختلفه وكل واحد له تفكيره ..

مهما اسوي لأمي من بــر وخير وخدمه تشوف اني مقصره بحقها ..!

واختي اللي بعدي تشوفها احسن مني وتفرق بيني وبين اختي وتقول لي : اختك اطيب منك وقلبها حنون علي ..وانتي ( قطع منك ومن قسوتك علي )

مع اني والله احبها احبها يا ناس بس هي ما حست بهذا الشيء

أنا استغرب أبوي يحبني و يحس فيني ويحس بحبي له وبحناني ،
وهو اذا شافني معه كذا يعبر عن مشاعره لي انه يحترمني و يوجهني وينصحني ويتقرب مني انه يسأل عن اهتماماتي .

واذا صرت في مشكله يكون قلبه قلب أب لبنته .


لكن امي عكس ...! اقول في نفسي وش لون تفكيري وتفكير ابوي ( متطابق مع بعض ) وامي تفكيرها في الغرب وانا في الشرق ...؟؟

لا حظت ان اغلب مشاكلي مع امي من ناحيه :

- تدخلها في خصوصياتي وتاخذ اغراضي اللي في غرفتي .

- تستخدم لاب توبي أكثر مني .

- تفتيشها لمكتبي و شنطتي .

- ( تفقد ) لغه الحوار الهين اللين الحنون في اسلوب الحوار بين الأم وبنتها .

- عصبيه وتغضب لأتفه الأسباب ولسانها يأخذ بالسب واللعن والدعاء علي .

- اذا شافت مني خطأ أو تصرف غير صحيح ما توجهني بطريقة إجابيه إنما تكتفي
بالإنتقاد السلبي ، مثل ( انتي فاشله ، انتي مسكينه ، انتي عديمه التصرف ، انتي قاسيه ، ...الخ )



وكل هالنقاط اللي ذكرتها اذا صارت لي مع امي نتهاوش مع بعض و تعصب واعصب انا
واصيح في غرفتي وهي تدعي علي و للأسف كل طرف خسر الثاني



الحين امي زعلانه وما تكلمني بسبب انه حصل بيني وبينها موقف تافه جدا ً وصارت هالنتيجه ..!

والله اني ما غلطت هي اللي غلطت علي ، وسبتني ودعت علي .

انا الحين اصيح بحرقه من قلبي لأن زعل امي معذبني واحس بألم وكأني بدون امي مثل شخص غريب أوطان في دنيا غريبه

انا ودي اراضيها واحب راسها بس انا عارفه تصرفها اذا راضيتها وحبيت راسها راح تمسح وجهي في الأرض وتذلني
يعني ابوي اذا تضايق بشيء على طوووول اراضيه واحب راسه ويقول لي ما حصل الا الخير وأجلس معه وكأن ماصار شيء .

بس امي ( لا ) اذا حبيت راسها تجلس تعايرني و تمد بوزها
وتتغلى ولا بعد فوق هذا كله تزعل علي مره ثانيه وتتجاهلني يعني يصير الزعل زعليـن





انا الحين ابيكم توجهوني ابيكم تنصحوني من الغلطان انا ولا امي ...؟؟

وش لون اتصرف ...؟

الحين هي زعلانه مني ولا تكلمني كيف اراضيها ....؟

كتبت هذا المووضوع وانا دموعي بحر لأن ما لقيت احد يوجهني

.



.

.

لوكانت-غير-امك-لقلنا-هي-غلطانة
لكن-مادام-انها-امك-انتي-الغلطانة
مهما-تنتقدك-ابتسمي-ولا-تغضبين-عليها-اذا-تفتش-اغراضك-عادي-اذا-تريد-اللابتوب-اعطيها-الالويةهي-ولاتحسسينها-انك-تريدي-الجهاز
لو-تغير-شعورك-السلبي-تجاه-لتغيرت-معاملتها-لك
حبيها-من-كل-قلبك

قرأت قصص مثل قصتك و كان تحليلها من متخصصين ان الام تكون عندها غيرة من حب الاب لك... و هذه مشاعر موجودة بين امهات كثيرات فعليك برها و مراعاة مشاعرها فيمكنك اهدائها بالهداية كل فترة و حث والدك علي اهدائها ... و الاهتمام بمشاعرها.. و عن تجربة ادعي في كل صلاة اللهم ارزقني بر أمي.. و أصلح ذات بيننا..

عزيزتي ممكن يكون في اشياء بشخصيتك ماتعجب امك
ممكن صفة العناد عندك اكثر من اخواتك طبعا انت تشعري انك بتبريها اكثر لكن عنادك معاها ياثر واسمك البنت الخجوله هل انت فعلا كدا الام ماتحب بناتها يكونوا خجولين زياده
اكيد هي تحبك وحاسه بكل شي مافي ام ماتحس ومافي ام تفرق بالحب من جهة الحب تحبهم كلهم بنفس المستوى
واحسني الظن في امك
انا بقول هالكلام لاني ام وعندي بنات وكثير مشاكل تسير بيني وبين بنتي الكبيره لانها تسيئ الظن فيني
ودمتي بتوفيق الله

__________________
اللهم لا اله الا انت سبحانك اني كنت من الظالمين

أنا استغرب أبوي يحبني و يحس فيني ويحس بحبي له وبحناني ،
وهو اذا شافني معه كذا يعبر عن مشاعره لي انه يحترمني و يوجهني وينصحني ويتقرب مني انه يسأل عن اهتماماتي .

واذا صرت في مشكله يكون قلبه قلب أب لبنته .



البنت لابوها والولد لامه هكذا يقولون في الامثال الله يحفظهم لك وانا مثلك كنت قريبه جدااا لابي اكثر من امي ,امي كانت جافه كثيرا معي وتحب اختي اصغر مني ولكن وقت سافرت وهاجرت فقدت لي وبدءت احس بحنانها ولمتها كثيرا لانها لم تكن ترضى ان اغمرها واقبلها بعكس والدي

لكن امي عكس ...! اقول في نفسي وش لون تفكيري وتفكير ابوي ( متطابق مع بعض ) وامي تفكيرها في الغرب وانا في الشرق ...؟؟

مثل ما ذكرت البنت لابوها والولد لامه


لا حظت ان اغلب مشاكلي مع امي من ناحيه :

- تدخلها في خصوصياتي وتاخذ اغراضي اللي في غرفتي .


انا ضدك في هذا ,هذه امي تاخذ اللي تبيه اعطيها عيوني وفداها كل ما املك

- تستخدم لاب توبي أكثر مني .


ادخر واشتري واحد احسن من االلي معي واهديها اياه في ليله هادئه واغمرها مع بطاقه مكتوب عليها لاغلى ناس فداهم روحي وقلبي وكل ما املك ,ما يغلى عليها غاااالي

- تفتيشها لمكتبي و شنطتي .

فداها يكفي انها لمستهم باناملها الطاهرتين ,يكفيني انها مرت من قربهم

- ( تفقد ) لغه الحوار الهين اللين الحنون في اسلوب الحوار بين الأم وبنتها .


الاب متفهم والام الله يعينها اكيد عندها مليون مسؤوليه فوق راشها وتقول في نفسها :بنتي الكبيره اذا فشيت خلقي فيها تستحملني

- عصبيه وتغضب لأتفه الأسباب ولسانها يأخذ بالسب واللعن والدعاء علي .

هذا الغلط ولكن اكيد عندها ضغوط وتتكلم من ورا قلبها

ا - اذا شافت مني خطأ أو تصرف غير صحيح ما توجهني بطريقة إجابيه إنما تكتفي
بالإنتقاد السلبي ، مثل ( انتي فاشله ، انتي مسكينه ، انتي عديمه التصرف ، انتي قاسيه ، ...الخ )

عندها ضغط من كل شيء وانا الومها على ذلك حاولي تغيري قليلا من طباعها

وكل هالنقاط اللي ذكرتها اذا صارت لي مع امي نتهاوش مع بعض و تعصب واعصب انا
واصيح في غرفتي وهي تدعي علي و للأسف كل طرف خسر الثاني

وسوسة شيطااان هذه امك وتحبك وتحبيها وهي تكره فيكي الدموع لذلك تعصب ,اكره ما عندي وقت ارى دموع ابنتي اجن عليها ,الدموع لا تجلب الا الغم

الحين امي زعلانه وما تكلمني بسبب انه حصل بيني وبينها موقف تافه جدا ً وصارت هالنتيجه ..!

والله اني ما غلطت هي اللي غلطت علي ، وسبتني ودعت علي .

انا الحين اصيح بحرقه من قلبي لأن زعل امي معذبني واحس بألم وكأني بدون امي مثل شخص غريب أوطان في دنيا غريبه

انا ودي اراضيها واحب راسها بس انا عارفه تصرفها اذا راضيتها وحبيت راسها راح تمسح وجهي في الأرض وتذلني
يعني ابوي اذا تضايق بشيء على طوووول اراضيه واحب راسه ويقول لي ما حصل الا الخير وأجلس معه وكأن ماصار شيء .

بس امي ( لا ) اذا حبيت راسها تجلس تعايرني و تمد بوزها
وتتغلى ولا بعد فوق هذا كله تزعل علي مره ثانيه وتتجاهلني يعني يصير الزعل زعليـن

عرف الحبيب مقامه فتدللى

تتدلل على كيفها اجلس تحت رجليها تترضى وانا اكون سعيده في الجنه , الجنه تحت اقدااام الامهااات


اجلس ولا اقوم الا لما ترضى ولو دفشتني برجليها



انا الحين ابيكم توجهوني ابيكم تنصحوني من الغلطان انا ولا امي ...؟؟


انتي الغلطااانه انا الوم امك بشي واحد ولكن كبير جدااا وهو الدعاء السلبي للاولاد بدل الدعاااء لهم بالخير

وش لون اتصرف ...؟



الحين هي زعلانه مني ولا تكلمني كيف اراضيها ....؟



اكتب رساله واجلس تحت رجليها واذا اقدر اشتري ورده واكتب في الرساله :الورد للورد عساه الورد دايما في عز صباه فداها روحي ولا اقوم من مكاني الا وهي راضيه


والزق لها كيف ما تحركت

ومن ثم انا كنت مع امي اتبع هذا الاسلوب وخصوصا بعد ان اجتمعت بها في الغربه

اذا اشتريت شيء لنفسي اطلب منها ان تلبسه قبلي وبعدها البسه انا لاني اريد رائحتها فيه


طبعا اخصص لها الهدايا ووقت تحضر لي او ترسل لي هديه اطلب منها ان تلبسها اولا وانا بعدها والا ما البسها



هذا انا وهذه قناعاتي خذي منها ما يناسب طبعك واعملي به

__________________
http://live.gph.gov.sa/
اللهم اني استودعك اولادي

السلام عليكم...............

اسمحيلي ابدي وجهت نظري..امكن اكون على صواب او على خطأ....

اخــتــي امــكــن امـــك تــغار من تعامل ابوك تجاهك...

وما احد يلومها ......


حاولي تتقربي من امك ....وحاولي في يوم من الايام وهي راضيه عليك تصارحيها بكل شئ ..امنك تكون عندها كلام تاني


...........أسأل الله ان يجمع شملك مع امك ع كل خييييييير...

اكتبي الي بخاطرك كله على ورقة وضعيها تحت المخدة والله انها تقطع من البكاء من كلامك وشوفي كيف بتتغير بس لازم توصليلها انها زعلانة وانك محرومة الحنان منها بذوق وعبارات تذرف بها دموع القلب قبل العين صدقيني طريقة موثوق بها جدا الله يحنن قلبها عليك واعرفي مافي ام تدعي على ولدها من قلبها بس يمكن انتي بسن مراهق وهي خايفة عليك من الزمن الي احنى فيه انا كدة اسوي مع بنتي افتش واطالع لكن دون ان تنتبه اكتبيلها بالرساله اني اشوف الحنيه كلها فيك لكن متل النار لااستطيع لمسها ولاتنسي برها لانه سبب في دخولك الجنة ولاتنيس المقولة ادعي على ابني واكره الي يقول ااااااامين

__________________

اعتقدوالله اعلم ان امك تغاااارمن تعامل ابوك معك....

__________________

ابحثي عن السبب
احتمال كبير تغار من تعامل أبوك معك وتفاهمه معك ، أنتي بيني لها انها الأعز والأغلى ترى حقها 3أضعاف حق الأب،، وحاولي ماتحطين نفسك بمواقف مع أبوك يبين حنيته لك ورحمته لك ، عالأقل قدامها ..احترمي مشاعرها.

فعلا وجهة النظر هذي اللي قلتوها انا حاسه فيها .

بدليل ان أمي الله يحفظها كذا مرة قالت لي : ( شكلك جارتي - ضرتي ) .

لدرجه ان مره من المرات كنا طالعين ( للبر ) واحنا جالسين ، كانت تقول شكل اللي يشوفنا يبي يقول هالرجال ما خذ حرمتين ....!!!

انا سمعت هذا الكلام من امي و انصدمت ...!!

و حسيت بإحراج وسكت وانا كاتمه الصدمه اللي سمعتها ..!

لأني ما توقعت ان امي تفكيرها كذا ..؟؟

واللي أكد لي ان أمي فعلا ً تغار ، اذكر انها عصبت مني وراحت لأبوي تقوله : بنتك هذي تسوي نفسها ( معك ) انها وفيـــه و حنونه وهي ولاشيء ....!!

وبعد هالمواقف حاولت ابعد عن ابوي وما احـتــــك فيه كثير لدرجه لو يجلس جنبي قمت بهدووء وغيرت مكاني

واسوي هالشيء هذا ، كله عشان أراعي شعور امي بس للأسف حرمتني من قربي لأبـوي

.

.