تعالو شوفو وش صار لي والله قصتي تقطع القلب - منتدى عالم الأسرة والمجتمع

28-06-2010, 04:17 PM

قلبي مملكه

عضو جديد

تاريخ التسجيل: Jun 2010

المشاركات: 36

تعالو شوفو وش صار لي والله قصتي تقطع القلب

السلام عليكم ورحمة الله وبركاته

راح اشكيلكم لان ماعندي بعد الله سبحانه الا انتو

انا متزوجه من سنتين وعندي ولد زوجي وحيد امه وابوه وهو ولد عمتي المهم من بداية زواجنا مشاكل تشيب الراس يمسكني مع شعري لا ويقول يحبني ويموت فيني بس انا احس ان بينا عين او حسد المهم اخذني من الرياض ورحت لا اهله بالديره وانا ماني متحمله الروحه هنا وكنت طالبه بيت لي بروحي بس ماكتبناه بالعقد قعدت 6 شهور اطبخ لا اهله وبرمضان افطرهم اشكال وانواع الاكلات حتى اذا عندهم ضيوف المهم نفسيتي تعبت ما اعرف احد هناك وينامون الساعه 10 الليل وانا متعوده بالرياض 1 او 2 انام مليت وزوجي يطلع مع ربعه المهم كانت تصير مشاكل بس على خفيف ابوه اذا جينا بنطلع لسوق او نتمشى يرفض ويترجاه زوجي ليييييين يسمح وامه تزعل اذا ماشافت اغراضي وكنت مره ارتب غرفتي شاف زوجي زيت باراشوت وزيت شعره وطلع لامه وقالت وش حاط على شعرك قال زيت من عند زوجتي قالت وش شكله وعلمها وقامت تبكي
جاني معصب ويهاوش قال ليش ماعلمتي امي في الزيت امي تبكي زعلانه روحي اخذي الزيت وراضيها رفضت والله استغربت من العايله هاذي على انها عمتي بس مادريت انها كذا المهم اخذنا شقه بالرياض وصارو يجون عندنا كل عطله او نروح لهم وكنت استقبلهم زين مافي خاطري شي بس اذا انعزمت واهله عندي مستحيل اطلع ويضيق صدري وكنت واطفش من نفسي بس اجامل علشان زوجي احبه واموت فيه المهم ولدت رحت اهلي ونفاسي زفت محد اهتم فيني امي تاخذ الفلوس اللي تجيني وتروح لسوق وتقضي لبيتهم يعني محد يمي والتهبت علي الخياطه وتعبت ماقدرت امشي بس طايحه بفراشي وامي تقول سوي فطورك انتي انا يالله في اخوانك وابوي كان يسكر واخواني ياخذون اي شي اشتريه وامي عطي اخوك عشره عطي الثاني خمسين عطيني ميه انتي جايه عندي ومتحملتك المهم رحت لزوجي وانا ماطلعت من النفاس من اللي شفته عند اهلي كانت حالتي مستقره من زوجي اكتشفت بعدين انه يراسل بنات ويكلم تحطمت بالمره تدهورت نفسيتي من داخل وكتمت بنفسي المهم تهاوشت انا وياه وحلف يترك هالشغلات المهم رجعلها مره ثانيه وارتفع علي الضغط بغيت اموت ياناس اتحمل مين المهم انا كنت ساكنه قريب من عند اهلي كان يطلع مع ربعه واقوله ودني لااهلي يوديني احيانا" ومرات لا اهملت البيت وولدي وماعاد اطبخ والله ما انلام من كثر ماشفت المشكله انا حساسه بزياده واشيل بنفسي المهم تهاوشت معه يوم السبت كنت طفشانه وابي احد اسولف معه ضايق صدري وولدي توه يحبي طفش بس يبكي يبي بزران دخلت عليه بالغرفه لقيت يكلم واحد ويضحك ويسولف وقلتله بروح لا اهلي وهو يتلفظ علي الفاظ بذيئه رحت وجلست وانا خاطري مكسور ليش مع ربعه سوالف وضحك وانا لا المهم راح له ولده طق الباب عليه وجلس يناديني يبيني اخذه ومارديت وجاء قال ماتسمعين قلت لا ماسمعت قال خلاص خلي اخوك يجي ياخذك ما قالي لاترجعين المهم جاء اخوي بياخذني وانا طالعه قال لا عاد اشوفك راجعه للبيت وسكر الباب المهم رحت لا اهلي وشوي جاب اغراض لولده
وارسل رساله يقول تعالي اخذي اغراضك المهم يوم جاء من بكره العشاء دقيت على اخوي يوديني لبيتي
قالت امي بروح معك امي طايره من الفرح تبيني اتطلق ورحت وطقيت الباب وفتحلي ودخلت اخذ الاشياء المهمه بس وامي ماخلت شي ماشالته المهم عبيت سيارة اخوي وحنا بالطريق طلب مني فلوس يبيها للحشيش والدخان رفضت مابي اخذ ذنب المهم قامت امي معه وقالت عطيه ولا نزلناك بالشارع رفضت قال اخوي انتي بتجلسين عندنا شوفي وش اسوي فيك نزلني عند الباب واخذ جوالي واغراضي وانحاش يقول ببيع الجوال وبقط اغراضك بالشارع والروحه هي الروحه ياناس احد يوقف معي يساعدني انا مظلومه من الطرفين

التعديل الأخير تم بواسطة قلبي مملكه ; 28-06-2010 الساعة 04:30 PM

28-06-2010, 04:35 PM

ام جمون

عضو نشيط جدا

تاريخ التسجيل: May 2008

المشاركات: 355

حسبي الله ونعم الوكيل
الظلم ظلمات يوم القيامه
الله يكون بعونك اختي

__________________

اللهم إني أعيذكم بكلماتكـ التامهـ

[glow1=CC6600][من كل شيطان وهامه ومن كل عين لامهـ.

28-06-2010, 04:40 PM

جداوية و أفتخر

عضو مميز

تاريخ التسجيل: Feb 2008

المشاركات: 2,089

يوووووووووووووووووووووووهـ ما أقول إلا الله يعينك و يفرج همك و ينصرك
جد مأساة من جميع الأطراف الله يكون بعونك !! حزنتيني
طيب ما تقدرين تكلمين أحد عاقل يوقف معك و يضع حد لهذه لمهزلة و هذا الظلم

__________________
ليتني طفلة أكبر همي لعبتي

28-06-2010, 04:40 PM

قلبي مملكه

عضو جديد

تاريخ التسجيل: Jun 2010

المشاركات: 36

جزاكم الله الف خير

المشكله محد يسمعلي مافي احد معي

ملييييييييييييييييييييت انقهرت حياتي تدمرت

ادعولي الله ينصرني على من ظلمني

التعديل الأخير تم بواسطة قلبي مملكه ; 28-06-2010 الساعة 04:45 PM

28-06-2010, 04:47 PM

ام لؤي34

عضو نشيط جدا

تاريخ التسجيل: Feb 2009

المشاركات: 1,616

فرج الله همك والله انك مسكينة مااملك غير اني ادعيلك حبيبتي الله يفرج همك ويرزقك بزوج تقي يخاف الله فيك والله يعينك على مابلاك

__________________

28-06-2010, 04:55 PM

قلبي مملكه

عضو جديد

تاريخ التسجيل: Jun 2010

المشاركات: 36

امين الله يجزاك الف خير

28-06-2010, 04:56 PM

noriin

عضو مثالي

تاريخ التسجيل: Aug 2009

المشاركات: 2,528

بسم الله

الله يفرج همك ويسخرلك زوجك

الله يهديهاا امك من جد انقهرت

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

28-06-2010, 05:28 PM

روعة هدب

عضو جديد

تاريخ التسجيل: Apr 2008

المشاركات: 11

من جد شي يقهر الله يكون في عونك ويصبرك على ما ابتلاك احتسبي يا اختي

28-06-2010, 05:37 PM

قلبي مملكه

عضو جديد

تاريخ التسجيل: Jun 2010

المشاركات: 36

الله يعطيكم الف عافيه

والله ماتقصرون بوقفتكم معي ومواساتي

28-06-2010, 06:37 PM

#10

شوكه بين ورد

عضو مثالي

تاريخ التسجيل: May 2010

المشاركات: 1,120

يااختي الله يصبر قلبك مالك الاربي هو اللي بيساعدك والله محد بيساعدك غير الله صلي وادعي ربك والله يفرج همك

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه