السلام عليكم والرحمه
اتمنى اني اجد حل لما فييني بين ربوع منتداكم الطيب
وكم اتمنى اني اشوف حل للحالة الي انا فيها
انا بنت عمري 27 مقبله بان ذالله على حياه زوجيه جديده ولكن لحد الان ماصار اي شي مجرد كلام بين اهلي واهل الشاب الي مبقل على الزواج ولا اخفي عليكم بان الشخص الي تقدم لي عمره 31 سنه يعني ناضج في هذي المرحلة.
ولكن بسبب ظرف سفر للعلاج لاهل الشاب. تم تاجيل الملجه لي بعد شهر
المهم فالوقت الحالي طلبت اني اكلم الشاب قبل اني ارتبط عشان اتعرف عليه اكثر وشي مقبول في مجتمعنه وطبعا كل كلامي ولله الحمد بحدود العقل والاخلاق ولكن بعد فتره حسيت ان الشاب تفكيره طفولي لدرجه كبيره وعرفت ان كان من النوع الي مايختلط بالناس عنده جلسته بين الاهل اكثر شي وعلاقاته بالعمل مجرد زماله مع ان عمله فسي مكان مختلط واحتكاك مع اصناف واشكال من الناس واما بالنسبه لصداقاته عنده شخص واحد هو زميله وصديق عمره مثل مايقول يعني الانسان بيتوتي من الشغل لي البيت ومن البيت للمسجد وبس هذي حياته.
فوق هذا ماابي اخفي اكثر نسولف ونتكلم لكن كل كلامي معاه خلاني اكتشف ان مافيه جديد ولا احس في تفاعل والشي الي عجبني ان اول مره بحياته يكلم بنت وهو خجول بصوره كبيره وكذا مره احاول اكسر هذه الحاجز عشان ابي اعرفه اكثر وبسبب اني اول بنت يكلمها والله شاهد على كلامي ان يخاف علي ولا وده يزعلني ولا يجرحني ولا حتى يضايقني لدرجه والله يتعجب الشخص ان في الدنيا للحين اشخاص بهذي الطيبه وكل شي وحمدلله اصلي ومازلت اصلي الاستخاره
ولكن شفت ان الشخص ماقدرت اعرف شي اكثر عنه ، ففي يوم وهو يكلمني حبيت اكون جريئه فقلت له اعذرني اليوم نفسيتي تعبانه وبطني يعورني انصدمت يقولي من شنهو تعبانه قلت له عادي ازمه وتعدي اصر ان يعرف قلت له كل بنت تمر في هذه الشي ورد اصر علي قال شنهو فيج قلت له الدوره اقسم بالله خواتي اني انصدمت وحسيته بدايه ان يبي يحرجني لكن الصدمه الكبرى اني مررت الموضوع رد يقولي روحي صلي قلت له انا مااصلي قال ليش ماتصلين وربي ان يتكلم من جده اقوله يعني من جدك ماتعرف شنهو ان البنت ماتصلي ولا تقدر تلمس القران حلفلي وقال عني اني استهبل بالموضوع قلت له يعني ماتعرف ان الدوره في البنت او فتره الحيض او الطمث وذكرها القرآن قالي غيري الموضوع لان مب فاهم شي رديت عليه وقلت عيل شنهو تفهم بالحياه الزوجيه قال هذي شي بعدين نتكلم فيه يقصد بعد الملجة الي بتكون بعد شهر..

مب عارفه شنهو اقول منصدمه والله ثم والله اني منصدمه بشكل كبير ومب عارفه شنهو اقول او اسوي وشنهو نوعيه القرار طيب وحنون وكل شي وطبعا اول بنت يعرفها وفرحان ان يكلم بنت وماعمره قالي كلمه حلوه او شي بس دوم يخاف علي ومايبي يزعلني والحين شهر من عرفته وكلمته وطبعا كلامي معاه يكون بعلم من اهلي
بالله عليكم خواتي تعرفون شي او حل خبروني ماتتصورون اشكثر تعبانه وماابي اتخذ قرار اني اندم عليه طول عمري وابني سعادة غيري على تعاستي ونفسيتي الي جد متحطمه
عذروني على الاطاله واتمنه احد يفيدني