ماعندي اهتمام او ماعندي همه - منتدى عالم الأسرة والمجتمع

10-07-2010, 01:57 AM

ابو البنادر

عضو جديد

تاريخ التسجيل: Jul 2010

المشاركات: 39

ماعندي اهتمام او ماعندي همه

السلام عليكم ورحمة الله وبركاته
جراكم الله خير الجزاء على هذا الموقع الرائع والمفيد اسأل الله ان يبارك فيكم

,,,,,,,,,,,,,,,,,,,,,,,,,,,,,,
عندي مشكله بس مدري هذا مكانها او لا
على كلن
مشكلي اني انسان ماعندي اهتمام تقدر تقولون اني بااارد
مدري كيف اشرح مشكلتي
واحس اني انسان ماعندي جدول في حياته

طلبات اهلي طبعا اقوم فيها ولله الحمد ماقصر فيها ابد
بس شي لنفسي اتكييسل فيه
مع العلم اني اول قبل تقريبا 5سنوات كنت احسن من كذا بألف مره
مثلا بارد في عملي مع ان عملي هو عملي الخاص اجي كل يوم متأخر وعلي ديون وحالتي حاله مابتكر مافكر يعني ماشي على نمط واحد
برضز احس اني انسان اتكاااااالي مرره
مثلا بعض الاحيان ابي اسوي شي اقول ايه خل فلان يسويه وان ماسواه اقول ايه بكيفه موب لازم
وان فكرت بشي يفيدني بعملي اتكييييسل ولا اسويه
ودي اشد على نفسي والله تعبت تعبت تعبت احيان احس اني ابي ابكي من حالي
بس ماقدر اسوي شي كل مانويت اسوي شي اتكيسل اقول موب لازم
يعني مثلا لاجاء فتره شديت على نفسي اتحمس لي اسبوع وابرد واصير اردا من اول
في قلبي كلالالام كثير بس مدري شلون اوصله
لاتقلولون الحل بيدك انا عارف انه بيدي بعد الله بس برضو مدري كيف اطلع الحل اني اصير انسان مهتم وحار وانتج واسوي
مشكله اني مثل ماقلت اتحمس لي فتره وارجع اردا من اول
احيانا تجيني احس بطاقه قويه افكر وانتج واسوي شغلات يعبجون فيها كثير من الناس بس يمكن تجيني ذا الحاله بسنه مرتين
شغله ثانيه تذكرتها اني مثلا ودي اتزوج والزواج يبي له فلوس مفروض اني اجمع لكن احس ودي اتزوج لكلن بنفس الوقت مافيه همه مابي اني اكون بارد
شغله ثانيه اني احس اني ضغيف شخصيه امممم ربما اقول ان احس مالي كلمه مدرري كيف اوضحها
ماقول هذا الي عندي كله بس يمكن مع الحل او المناقشه يمكن اطلع الي في قلبي كله
صراحه انا تعبت من وضعي ذا لكن الله ان شاء الله يساعدني
ابي من الله ثم منكم المشوره والحل
على فكره انا شاب عمري22 اعزب
والسلام عليكم ورحمة الله وبركاته

10-07-2010, 08:08 AM

دانا محار

عضو نشيط

تاريخ التسجيل: Jul 2010

المشاركات: 143

اشوف انك اولا تسوي جدول وتكون عالي الهمه يعني تنسق جدول وتكون جااااد انك تنجز كل شي في الجدول
بالنسبه لعملك لازم تتعود انك تصحى من بدري حتى لو تتكاسل اجبر نفسك وشجع نفسك على حب العمل وسداد الديون
وحدد اهدافك مثلا:
1_الزواج
2_تكوين مبلغ
3_شراء سياره مثلا حسب اولوياتك واحتياجاتك وهكذا

حاول تكون جااد و ااي شي يخصك لاتتكاسل واتكل على واكثر من الدعاء

بالنسبه لشخصيتك حاول انك تكون حازم ولاتخجل من ابداء رايك

رتب حياتك ونظم وقتك وانا ارى الحل بيدك؟
يعني مشكلتك مو صعبه او مافي مشكله من الاساس غير انك كسوول

10-07-2010, 09:30 PM

رسييل

عضو جديد

تاريخ التسجيل: Jul 2010

المشاركات: 3

ياخي

تعوذ من الكسل

واد الصلاة في وقتها

وعليك بالأستغافر اكثر منه

وتوكل على الله في جميع امورك

وخل عندك عزيمه والصبر على الشغله راح تنتهي المشكله

مع التكرار وعبدين راح تبحث عن الشغل إذا كان عندك وقت فاضي

وبتقول اليوم طفش لأن ماكو شغل

10-07-2010, 10:05 PM

ندى_1406

عضو المنتدى الفخري

تاريخ التسجيل: Jul 2004

المشاركات: 5,618

شوف ياخوي هذا طبع صعب في الأنسان انت توك صغير لازم تغير من نفسك اذا خليت الامر على ماهو عليه بتتعب كثييييييييير
والله اعرف واحد كذا بس هو الحين عدا الثلاثين يعني الانسان كلما كبر صعب يغير طباعه
بس والله هالانسان اشكثر متضايقه منه زوجته لحد الجنووووووون
متزوجين لهم تسع سنين وتوهم ماخلصوا اثاث بيتهم
انا اقولك كذا مش علشان احطمك بالعكس علشان اعطيك همه ودافع قوي للتغير
وبعدين ترى الكسل والله من الشيطان
الله يساعد لتحقبق هدفك

__________________

هل تتعرضين للأبتزاز ؟؟ أدخلي هنا

مفضلة المتزوجين 2011-2014

مفضلة المقبلين على الزواج 2014

.

10-07-2010, 10:10 PM

عزوبي بس رجل

من كبار شخصيات المنتدى

تاريخ التسجيل: Feb 2007

المشاركات: 4,570

وعليكم السلام

وش رأيك تجرب تصلي الفجر في جماعة وتجلس بعد الصلاة لمدة نصف ساعة في المسجد تستغفر

وكذلك قبل لا تنام ردد سبحان الله 33 مرة والحمد لله 33 مرة والله أكبر 34 مرة

وكذلك اكثر في دعائك وسجودك من دعاء اللهم أعوذ بك من
الهم والحزن والعجز والكسل والجبن والبخل وغلبة الدين وقهر الرجال

أكثر من الصدقة حتى لو تصدقت بمبلغ قليل المهم المداومة والتكرار وبتشوف أثرها

وأقرأ بكتب أو استمع لإصدارات صوتية في تطوير الذات ووضع الأهداف

وكل شيء يجي بالتدرج فأنت لا تستعجل لأن العجلة هي التي تثبط وتكسل صاحبها

فإما أن تكون النتجية الآن أو يتكييييييييسل عن العمل

والله يوفقك ويرزقك الزوجة الصالحة ويوسع لك في رزقك

عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

11-07-2010, 01:06 AM

ابو البنادر

عضو جديد

تاريخ التسجيل: Jul 2010

المشاركات: 39

امين يارب
الله يجزاكم الجنه ويوفقكم لما يحب ويرضا سبحانه
صراحه كلامكم تقريبا رفع معنوياتي
بس يارب اني اقدر انفذه وبحاااول

11-07-2010, 09:09 AM

ابو البنادر

عضو جديد

تاريخ التسجيل: Jul 2010

المشاركات: 39

انتضر مشورات وحلول الاخوان والاخوات

17-07-2010, 07:54 AM

بنت ناس^_^

عضو متألق

تاريخ التسجيل: Dec 2009

المشاركات: 1,050

لابد ان تشد على نفسك!!
محد بيساعدك الا انت مارس هواياتك وعليك بالرياضه
وساعه وساعه
ساعه لله وساعه لك

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

19-07-2010, 12:09 AM

آه ياقلب

عضو جديد

تاريخ التسجيل: Jul 2010

المشاركات: 49

أخي الكريم .. أنواع الرجال ثلاثه ..
رجل رجل ، ورجل نصف رجل ، ورجل لا رجل .. كيف .. ؟
الرجل الرجل : رجل له رأي ويستشير .
والرجل نصف رجل : رجل لا رأي له ويستشير .
والرجل بلا رجل : هو الذي لا رأي له ولا يستشير .
فجميل منك أن وقفت أمام معضلتك تلك التي تعاني منها طالبا المشوره . ولكن يظل الحل بيدك بأن تحب كل شيء يخصك .. عملك ، حياتك ، أهلك .. بالإضافة وبالدرجة الأولى كثرة الدعاء لنفسك بالثبات في ما أنت عليه من همه وكثرة الإستغفار .
عذرا .. على الإطاله

24-07-2010, 07:06 AM

#10

كل القلوب أطفال

عضو جديد

تاريخ التسجيل: Jul 2010

المشاركات: 9

أخوي انت مافيك شي ابد
كل السالفة ان الشيطان متغلب عليك و يمشيك ع هواه
ابدأ أول شي بنفسك من داخل و حارب الشيطان >>>لا تقول اني هبلة
تصدق بالله تجيلي فترات أكلم الشيطان و اهاوشه وأتغلب عليه
آسفه ع الأطالة والكلام الغير منمق
بس متفاعلة
ههههههههههه
أخوي عزوبي من جد كيف عرفت بالي أصابوك بعين أرجوا الإجابة لأفيد خالتي المريضة بالسرطان
دعواتكم لمرضانا و مرضى المسلمين

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه