السلام عليكم

تحيه طيبه لاعضاء صررح هذا المنتدا

وجعل ماتكتوبنه وتقدمونه من حلول في ميزان حسناتكم
بدخل بالمشكله ع طووول

ولد اختي عمره 3 سنوات وعليها صارت عقدته الحمامات وانتم وبكرامه

من يوم شاف ابووي قتل فار بحمام امي << عقدتها هي كمان

مايدخل حمام لحاله لو يجلس يتعصرر سنه

لين احد يدخل معاه

ومايخليه يخرررج لين يخرج معاه


صارت امه تجيب له قصص قبل لا ينام ان القووي اللي يدخل الحمام لحاله

بس مااش

صارت تقووله ان خلاص الفار مات مافيه فار

لاكن مايرضى ويجلس يبكي يبي احد يدخل معاه يقوول فيه دودو كبيررر

وش الحل ...؟؟؟


اختي معاكم وحده بوحده لحل المشكله

ماراح تنساكم من الدعا لانه تعبهااا وطلع عيونها بعزز اشغالها و نومها يقومها

ولكم الشكرر

معقووله ولا رد تحطيم

السلام عليكم ...


كم مضى على حالته هذه ؟؟؟


وعموما هي حالة مؤقتة جدا طبيعية ...

فما عليكم الا مطاوعة رغبته والدخول معه لتطمينه .... وبعد فترة يرى خلالها خلو المكان وامانه ...تبدا امه بالاعتذار منه بالخروج لاحضار مناديل مثلا وتعود ... وتستمر على ذلك لفترة أيضا .... ثم تبدأ في اطالة فترة غيابها ...

ثم بعد ذلك تدخل في مرحلة ان تطلب منه الدخول وحده مع بقائها عند الباب مع ابقائه مجافى وليس مغلقا ولا مانع من التحدث معه من خلف الباب في البداية ليطمئن ... وبعد فترة أيضا ...سيبدأ باذن الله بالذهاب وحده ...


ولكن لا بد من امرين لنجاح الخطة :

1- عدم الاستعجال عليه بالانتقال بين الخطوات ...والصبر ثم الصبر ..

2- المصداقية في التعامل معه ...فعندما تقول له سأحضر مناديل واحضر فلتذهب وتحضر مناديل وتعود ...واذا قالت سأنتظر عند الباب فعليها الانتظار عند الباب ... حتى لا يفقد ثقته في والدته مما يحبط العملية بكاملها ...


الله يخليه لكم ،،،

و الله من حقه .. أنا لو بمكانه نفس الشئ ..

الحل : تخصيص حمام آخر له ,, و تقول له : هذا الحمام ما فيه أي حشرات ,, أنا نظفته أبدا شوف لا يوجد به شئ ,,و ليس نفس الحمام اللي قتل فيه الفار .. مؤقتا .. + بعد فترة أسبوع تأمره بدخول الحمام الأول لغسل يديه و ماشابه .. بعد ذلك .. يمكن يعتاد امر دخول الحمام و تنتهي العقده ,,

و يمكن تدخل معاه في البدايه و من ثم ثخرج ,,

الله يحفظه رد فعل طبيعي ,,

اشكرك رسيل ابدعتي بالحل

مو كثير

بدايه الا جازه

الله يجعل كل كلمه في ميزان حسناتك

راح اخليها تجربه

ويارب تنفع بارك الله فيك ويحقق لك كل اللي تتمنيه

وراح ابشرك وش صار معاها

اهلن الله كريم

هو له حمام خاااص في بيتهم يعني هي جات زياره عندنا << وطلع له فار الهنا

ونادر تحصل لان بيتنا دور ارضي ونظيف بس بعد كل فتره تتطلع لنا ام الخبايث الله يكفينا الشررر


مو بس كذا

سافروو معانا ابها وكانت الصاله قدام الحمام وانتي بكرامه

وكلنا جالسين بالصاله ويشوووفنا ومع هذا مارضى لين احد دخل معاه

بصفتي اختصاصية بتعديل سلوك الاطفال وحل مشاكلهم
احضرو له لعبة على شكل فار يلعب فيها وحطوها بالحمام ووخليه يرميها ويمسكها ويلعب فيها لفترة وبينتهي الموضوع وخبرووه انه هذا هو الفار كان نايم ورجع

تجرب له عن طريقه الحكايه .. أسلوب الحكايه مؤثر جدا للكبار كيف الأطفال ؟؟

حكايه ملخصها أنه طفل قوي اسمه فلان .. مغامرات .. بعد ذلك يدخل الحمام بنفسه و ما يخاف .. بس .. قبل النوم
ليكون لها تأثير أقوى .. لأن العقل الباطن يشتغل أثناء عمليه النوم .. و إن شاء الله خير ..

إذا عنده أخ أكبر منه يمكن هالطفل يأثر فيه أكثر.. حتى اي طفل بالعائله ..
طفل يفهم من الطفل مالا يفهمه من الكبار ..

عن طريق أيضا المحاورة عن طريق عرض أسئله ملخصها يفيد في عدم خوفه من الحمام ..

شكرا لك مرمره

برضوو هذا حل

الله يسعدك

الله كريم اشكر مرورك للمره الثانيه

وهي استخدم معاه الا سلوب كما ذكرت بعرض المشكله ومافاد

شكرا لك