انا واخوي كانت علاقتنا مع بعض اكثر شئ في اخواني نفهم بعض ونمزح وسوالف يعني مرره اقررب واحد ليه
بس اخووي تزوج وبعد عني ماعاد يمزح معي ولا عاد نسوولف وانا برضه صرت استحي منه مو زي اول يعني مااتجرا عليه حتى اخر شئ صرنا بس كيف حالك ؟ طيب اللي بيننا وانا الحين سافرت ولي عنه 4 شهور تخيلو مادق علي غير مره وحده ولا دق علي وزعلني يقول لي انتي خلاص نسيتيني ماتدقين علي طيب المفروض هو يدق علي انا في غربه والاتصالات غاليه عندي والله ليلتي كانت كلها بكاء والله انا اعزه واغليه ونفسي نرجع زي اول والله ماكانا اخوان وكل مره اقول بكلمه وبساله ليش تغير بس اخاف هو اكبر مني بعشر سنين وقررت اني اكتب الكلام اللي عندي كله وارسله عليه بالايميل ايش رايكم والله حابه نرجع زي اول امانه لاتبخلو علي برايكم وانصحوووني ................

غاليتى أنتى حساسه شوى وأخوك ماتغير ولا شىء
لكن طبيعى داخل حياة جديده وشعرتى هذا الشعور
بالعكس لا تجعلى الفجوه تكبر بينكم ولا تحسبيه أنتى
أسأل عنه ولا تجعلى الشيطان دخل بينكما لكن أنصحك
أنك ما تمازحين معه أمام زوجته لان بعض النساء تغار
وأخاف تؤئر على العلاقه بينكما لانى شفت كثير من هذا
النوع وخاليك أمامه رسميه شوى لكن أخوك قوى علاقتك فيه ولا تجعلى الشيطان
يدخل بينكم أتمنى لكى التوفيق

السلام عليكم ...


انتي نفسك قلتيها أحس اني ما عاد اتجرأ عليه ...


البداية يجب أن تكون من عندك لأنك في نظره انتي اللي تغيرتي ...ولا أستبعد هذا الأمر خصوصا عندما تكونين متوقعة أو سامعة ان الاخوان بعد الزواج يتغيرون ... فكأنك اللي جهز العصابة قبل الفلقة وتغيرتي قبله ...

فبادري انتي وخلي الأمور طبيعية وامزحي وواصليه بالهاتف مع مراعاة أنه عنده مسؤولية الآن فطبيعي ما يكون فاضي لأهله زي أول ....


وخلي عنك الحساسية ناحيته

ماشاء الله تبارك الله ..

مشاعر أخوية جميلة ..!

لكن ما طرأ عليها أعتقد طبيعي ..

هو بدأ حياة جديدة .. وأنتِ كذلك ..!

إياكِ أن تقولي له لماذا تغيرت ..؟

فربما يفسرها بأكثر من تفسير .. وتبدأ الهواجس في رأسه أو لعله يظن أمور لم تحدث ..!

اتصلي عليه وكوني أنتِ من تبدأين .. ولتكن مكالمتكِ مختصرة ..

مرة .. اثنين .. ثم يبدأ هو .. وتعود المياه الى مجاريها .. !

صدقيني ربما نحن الرجال لا نشتاق بقدر ما تشتاق النساء .. أنا دائماً ملام من أخواتي

وأنا دائماً المقصر .. وفي كل مره أواعدهنّ على أن أتصل لاحقاً فيمضي الاسبوع تلو

الآخر .. ثم نبدأ حكاية اللوم من جديد .. ربما مشاغل

الحياة للرجل أكثر منها للمرأة ربما ..

وفقكِ الله .

__________________
كيف اقاوم الهم والألم. بالسجود راحة واطمئنان.

نهاية نوال..!

لالالا اخواني والله مو انا بعدت عنه بس هو مرررره تغير علينا يعني حتى اهلي لاحظووا عليه وانا ماصرت اتجرا عليه غير لما شفته كله معصب عندنا لما يجي في بيتنا والله صرت نفسي اشوفه يضحك مرره مايضحك بس لما احنا نروح له في بيته انسان ثاني مدري ليه ياررربي واحيان يغلط على اخواتي بكلام ماله داعي واخواتي مرره مساكين مايردوو فانا قلت اكلمه احسسن يمكن هو مو ملاحظ على نفسه مااحب اخلي شئ في قلبي عليه مهما صار هو اخووي

عزيزتي

طبيعي اللي يحصل مع اخوك

لانه صار له بيت ومسؤليات ومشاغل جديدة من زوجة وواجبات تجاهها وزيارات وتادية واجب لاهلها وهكذا بالاضافة لوظيفته واهله ومعارفه واصدقائه

وين الوقت يلحق على كل هالاشياء..

صدقيني كل وحدة يتزوج اخوها تلاحظ انه يتغير (وانا اولهم ) لكن بمجرد ما يستقر ويتعود على حياته الجديدة ويوفق بين مسؤلياته يبدا يرجع زي اول

انتي طولي بالك وخليها للوقت بس مو معناته انك ماتتصلين فيه وتسالين عنه بالعكس تكلمي معه واتصلي عليه بس لاتطولين ولاتلومينه وتنكدين عليه وتزيدين همه

اكيد هو حاس باللي صاير وهذا يضغطه اكثر

ولو عاتبتيه ولمتيه بينضغط اكثر واكثر وبيحس انك ماتقدرين ويشيل بخاطره

وترى كثر الضغط يولد انفجار

الله يوفقكم ولايفرق بينكم

__________________
حمداً لله على نعمه وفضله

مشاء الله عليكم ((ياحظكم ))

اختي هذا احسن حل انك تكتبين له رساله وتضحين كل الي في قلبك

تقبلي مروري