صباح الخير جميعا.........

أبدخل بالموضوع على طول أنا كد استشرتكم بموضوع خطوبتي واني خايفه من أهله لأني سمعت عنهم كلام مايطمن لكن الولد مره رجال محترم و و و لكن بيسكني فوق أهله


طبعا أنا استخرت ووافقت وقلت أبشوف وش راح يصير وجا الولد وشافوووه الرجال وأعجبووووووووا فيه مرررره ماشاءالله ودعيت ربي واستخرت ووقت أقول خلاص أبكمل ووقت أتراجع أهم شي بعد الاقناع من الاهل وأنا قناعتي فيه من اللي سمعته أكدت موافقتي بعد ماشافوه أهلي وكملت اجراءات الزواج


طيب بتقولون وين المشكله؟؟؟؟؟؟

المشكله اني تعبت وأبغى أهون أخاف ماتحمل أهله أخاف يتدخلون بيني وبينه ومارتاح وقسسسمن أحس بقلق نفسي وقت أنسى وقت أقول خلاص أبقول لأهلي قولوا انها هونت خصوصا اني انسانه حسااااسه وأمي تقول أنتي طيبه ماكد صلحتي بأحد شي باذن الله ماراح أحد يضرك

أحس بخوف ماأدري وش راح يكون مصيري معه ومع أهله عجزت أفرح زي البنات عجزت أفكر بشي !!!

صح نسيت أقولكم جو أهله وشفتهم أمه كانت هااااديه يعني ماأدري وش وراها بس خفت منها ماأدري ليه

وأخته اللي بالبيت أبد مارتحنا لها كانت تكلم بأخوها وتدلع ماأدري هي تصلح دعايه لأخوها أو انها من جد متعلقه فيه........الشي الوحيد اللي محيرني ان الرجال مررره عاجب أالرجال وانه ماراح أحد يجي ماشاءالله بمواصفاته.............بنفس الوقت أشوف بعيون أهلي الخوف علي............الله يوفقكم شيروا علي ممكن واحد منكم يرشدني لشي أنا غافله عنه..

__________________
ربي لا أعلم بما تحمله لي الأيام لكن ثقتي بأنك معي تكفيني ~

السلام عليكم


بعد الاستخارة طبعا .....


وازني الأمور أختي جمال الروح .... هل تضمنين رجل بمثل صفات هذا الرجل اذا صح ظنكم فيه ؟؟


هل تتركين صلاح الرجل لأجل مخاوف قد لا تحدث ؟؟؟ وحتى إن حدثت فالانسان بأخلاقه يحتوي أقسى القلوب ...

وهل تفضلين أن تسكني بعيدا عن أهله مع رجل لا يخاف الله فيك ؟


استخيري ثم استخيري ...والله ييسر لك الأصلح لأنه الوحيد العالم بما في غيب عمرك



الله يقدم لك اللي فيه الخير والصالح

جمال ... حساسيتك الزايدة هذه بتضيع عليك اجمل اللحظات

حبيبتي انتي استخرتي و لله الحمد

و اهلك اعجبوا بالشخص و باخلاقه .. خلاص اتركي الخلق للخالق

امه اذا عاملتيها بالطيب راح تعاملك بالطيب .. و ان شاء الله بس تتزوجي امسكي
العصا من النص.. فلا تكوني رسمية معاهم للاخير و لا تفتحي الباب معاهم عالاخر
و ان شاء الله بيحترموك و يحبوك .
و اخته ان شاء الله نصيبها جاي ..

يمكن عندك ترسبات من خلال ما سمعتيه عن امه انها قوية صح ؟؟؟
بقولك عن تجربتي ..

حماتي ماشاء الله عليها قوية ... و كلمتها مسموعة .. و هي من عايلتنا
ومعروف عنها بين الحريم بالقوة و القسوة كمان.. و من صغري ما احبها

و سبحان الله حصل النصيب و تزوجت ولدها البكر .. اتخيلي البكر يعني كم كانت متعلقة فيه.. و كانت عندي مخاوفك ..
بس الحمدلله ..مادخلت نفسي بامورهم و بنفس الوقت اودهم .. فا صارت معتبرتني زي بنتها
ووالله دايم توصي زوجي علي ,,,


و صدقيني اذا الرجل اخلاقه تمام ... ماراح يسمح لحد يضرك ...

اتوكلي على الله و عيشي اجمل لحظات الملكة و الزواج

الله يوفقك يااارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

بالاضافة الى ما قالته أختي الفاضلة نورا ....


تذكرت أيام الخطبه قبل الملكة ...جاءت من تحذرني من والدة زوجي وأنها قوووووووية الشخصية .... وقد تؤثر على حياتكم ..


بعد الاستخارة مضيت في الأمر ...

يوم الملكة دخلت عند أهله وأنا أرقب والدته ...وفي رأسي كل التحذيرات السابقة ... وأنا أقول لنفسي : فعلا شكلها قوية ...كانت صامتة مما زاد من هيبتها ...


بعد الزواج ...الحمدلله ...انسانة راااائعة .... مالها من احد ولا في أحد ...اللي يجي حياه الله واللي يروح الله يستر عليه ..

تحب زوجات عيالها زي بناتها وتخاف علينا وتنصحنا بدون ضغط ....مجرد ابراء لذمتها ...

والسكن كان بمجمعهم .... يعني الاتصال جدا قريب

كلامك هذا كله يدور بالي أفكر أقول هل من المنطق أرفض الرجل على شان أهله!!وبنفس الوقت كيف أخذ الرجل وأهله كذا خايفه انهم مايحبوني لانهم واضح انهم يحبون ولدهم

مشكووووره أختي رسيل على ردك الله يكتبلك بكل كلمه كتبتيها لي الاجر والثواب

__________________
ربي لا أعلم بما تحمله لي الأيام لكن ثقتي بأنك معي تكفيني ~

ياحبيبتي يانورا زين شفتي مستجداتي...بس اللي ذابحني يانورا اني أبسكن بدور فوقهم طبعا دور منفصل يعني الباب مسكر بس خايفه يقولون طلعت جت تأخرت!!!بنفس الوقت كيف بيكون وضعي أنزل لهم يوميا أو يومين بالاسبوع أو يوم واحد؟؟؟؟؟؟؟؟؟؟

وخايفه انهم يغارون مني علشان ولدهم

والله جنيت من الوسواس

__________________
ربي لا أعلم بما تحمله لي الأيام لكن ثقتي بأنك معي تكفيني ~

رسيل الله يوفقك ويتمم عليك والله طمنتيني صح يمكن الناس مايتركون أحد ويخوفون الواحد أنا خوفوني منها

الناس

والله انكم ريحتوني تخيلوا جالسه أنتظر أمي تصحي أبقولها اني هونت الله يكتبلي الخير ويسعدني

__________________
ربي لا أعلم بما تحمله لي الأيام لكن ثقتي بأنك معي تكفيني ~

اقتباس:

المشاركة الأصلية كتبت بواسطة جمااال الروح ياحبيبتي يانورا زين شفتي مستجداتي...بس اللي ذابحني يانورا اني أبسكن بدور فوقهم طبعا دور منفصل يعني الباب مسكر بس خايفه يقولون طلعت جت تأخرت!!!بنفس الوقت كيف بيكون وضعي أنزل لهم يوميا أو يومين بالاسبوع أو يوم واحد؟؟؟؟؟؟؟؟؟؟

لا ياقلبي لا توسوسي .. بالعكس فكري فيها من ناحية ايجابية

قولي لنفسك على الاقل بيونسوني لما يكون زوجك مش موجود

لو احتجتي لشي او حصل طارئ و انتي لحالك لاقدر الله بيكونوا جنبك ...


اما عن التواصل .. فا اسالي زوجك .. هو الادرى فيهم

بعد الزواج اساليه بهدوؤ .. حبيبي انا توني اعرف اهلك فياليت توضح لي

انزل لهم يوميا و لا هم يتضايقون .. كيف طباعهم .. عمتي ايش تحب و ايش تكره

خليه يعطيك الخطوط العريضة و الباقي بتتعرفي عليه لحالك ..

ممكن تتصلي بعمتك يوميا مثلا تسلمي عليها و تسالهيا انزل اساعدك بشي

و تنزل لهم كل يومين مثلا الصبح تشوفي حابين مساعدة بشي

ولا العصر تنزلي تسولفي معاهم... او تتصلي تعزميهم العصر على حلا عندك

وهكذا .... اهم شي خلي لسانك حلو دايما مع عمتك

صدقيني الكلمة الطيبة تعمل العمايل

احترميها و قدريها و فوتي لها اي كلام ما يعجبك او تعليق ما يعجبك

و خلي على لسانك كلمة و لايهمك و ان شاء الله و حاضر

.. اذا طلعتي للسوق ارجعي لها بهدية بسيطة

اذا رحتوا تتعشوا بمكان ممكن تعزميها معاكم مرة ..

لا تنسي تهديها بالعيد و تتصلي فيها و تهنيها بقدوم رمضان و العيد

و اياك تتكلمي عنها لاي حد حتى لو مع اختك لانه الكلام ينتقل ينتقل و مبهر كمان

خلي علاقتك بزوجك رسمية قدامهم .. فلا تضحكي و تتمايلي و تتمايعي معاه

و حتى لو عنده عادي بيني له انك ما تحبي هذه الاشياء قدامهم لانها هذه الحركات
هي اللي تنشأ الغيرة بين الحماة و اخت الزوج و الزوجة ..

مش كل حاجة يشتريها لك تروحي توريهم ... لانه برضو ممكن تزرع الغيرة فيهم
وتوصي زوجك يكون يهدي امه و اخته من وقت للثاني ولو كانت هدايا بسيطة

صدقيني .. تعاملك الطيب مع اي شخص عاقل راح يغيره ..

و انتي توسمي الخير .. و حطي ببالك انها ام بالنهاية و غرضها بالنهاية تشوف

ابنها سعيد مع زوجته.ز و لا تخلي ببالك انك داخلة حرب معاهم بالعكس
انتي رايحة للناس جدد راح يكونوا اهلك و اهل اولادك باذن الله

الله يوفقك يارب و يسعدك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ياقلبي أنتي تعبتك معاي وكلامك والله أبسطني حسيت خلاص اني الحين أباخذ شنطتي وأبروح لهم

باذن الله أبتبع نصايحك كلها وأبحفظها

والله من جد مشكلتلتي الوسواس ذبحني ساعات أقول وش جابرني على العذاب النفسي نفسيتي صااارت زفت ماأبغى أحد يذكرني بشي ,,,,,,,,

خلاص ان شاءالله أبعقل وتحملوني يمكن بعد كم يوم أجيكم أصيح مادري وش فيني صايره مهزوزه أي كلمه تأثر بي واذا شفت أمي تدعيلي وهي خايفه قلت أبهون ليش أمي خايفه !!!واذا شفت خواتي يطمنوني قلت أكيد هم يطمنوني علشان حاسين ان فيه شي

الله يعيني يارب وأنتم ربي يوفقكم ويسسعدكم حبابيبي وماتشوفون ولاتسمعون مكروه يااارب

__________________
ربي لا أعلم بما تحمله لي الأيام لكن ثقتي بأنك معي تكفيني ~

عاادي ياقلبي كلنا مرينا بهذه الفترة

الخوف من شي جديد و من مرحلة جديدة ماتدري ايش فيها

اتذكر كنت اقضي ليلتي ابكي اقول لامي ما ابي ابعد عنكم خلااص لا تزوجوني


بس الحين لما اتذكر اضحك على نفسي و اندم اني تعبت نفسي و اهلي معي

عشان كدا ما ابيك تمري بنفس الشي .. ارمي حمولك على الله

و ربي ان شاء الله بيجازيك كل خير ...

عقبااال ياربي ما تجي تكتبي لنا بعد الزواج زوجي طييييب و حماتي تجننن و انا مبسوووطةو حامل

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله