انا عضوة جديدة في هذا المنتدى
واللي شجعني اكثر اني اعرض مشكلتي هني ان المنتدى فيه آراء الجنسين
النساء والرجال
وهذا الشي اللي انا احتاجه

احتاج راي الكل
والمشكلة:
المشكلة وما فيها اني اعلامية
يعني شغلي باختصار اني اتابع فعاليات ديرتي واغطيها اعلاميا

بالفترة الاخيرة صارت فعالية حضرها مجموعة من الشخصيات المشهورة عربيا
وكنت انا وسط الحدث اشوف شغلي

وبحكم عملي هذا لازم اني التقي بالكل
واللي ما اقدر اكلمه وقت الفعالية اعطيه تلفوني حتى نلتقي بعدها

المهم
واحد من هذي الشخصيات فعلا ما قدرت التقيه لشدة ازدحام جدول عمله
فكلمني بثاني يوم انه فاضي واقدر اشوفه
رحت مع صديقتي وبنتي
وعملت له اللقاء كامل

الانسان هذا ظل يمسج لي بين فترات متباعدة حتى يسال عني انا وبنتي وكنت اشكره على ذوقه وسؤاله عنا

لكن بعد فترة تفاجئت بمكالمة خارجية منه بعد ما سافر ديرته وقال لي:
انا ادري انك متزوجة وسعيدة جدا مع زوجك، لكن كل اللي اطلبه انك تسمعيني، لان مو من عادتي اخفي شي بداخلي لاني احس نفسي مراقب، واعترف لي انه ظل يفكر فيني وايد وانه يحبني، ولو كنت مو متزوجة كان بدون تفكير تقدم لي يطلب يدي

انصدمت
قلت له: المطلوب؟؟؟
قال: ولا شي، ما اطلب منك ولا شي، غير انك سمعتي كلامي اللي حبيت اقوله بس حتى ارتاح، وكل اللي احتاجه اني اسمع صوتج على طول حتى ارتاح نفسيا

وانتهت مكالمته
وابتدا كلامه يالمني ويارقني، لاني عن جد احب زوجي بجنووووووون،


وراها على طول انقطع هو عني
صرت اتصل فيه وما يرد، امسج له وهم ما يرد، ما يرد وبشكل فظيييييييييييييييع، يعني بحياتي ومن خلال عملي الاعلامي ومعرفتي بشخصيات مهمة ورؤساء ووزراء وحكام دول بعد، ما عرفت احد فيهم اتصل فيه وما يرد، او اكتب له مسج وما يرد، هني حسيت نفسي خلاااااااااااااص تعلقت

ورا شهر واحد بس من مصارحته كلمته ورد، وصار يتكلم معاي عادي واعتذر انه كان مشغول ومو قادر يرد، وبوحدة من المكالمات سالني اياها صريحة: تحبيني؟؟
وكررها وايد وايد وايد ليما اعترفت له اني احبه

وظلينا نتكلم في الحب
وغرقنا فيه
وزوجي مو عارف من امر هالموضوع شي


لكنه اكتشف في النهاية بسبب الرسائل اللي كانت بينا
الشخص هذا مو بديرتي
لكني اشوفه يوميا على شاشة التلفزيون

وانا اعلامية يتابعني هو ايضا بنفس الطريقة ونتكلم بشكل مستمر بالتلفون

وزوجي مشهور

بعد ما عرف زوجي بحقيقة الموضوع تالم وايد وقال لي ان هذا الشخص سيء السمعة وانه ما يتورع عن الخوض في اعراض الناس وانه يعرفه زين، واصدقاء زوجي وصلوا لزوجي ان هذا الشخص اتكلم علينا وايد وقال عني اني الاحقه وهو ما يرد علي، وقلت لحبيبي هالكلام فنكر، وقال لي واجهي الاشخاص اللي تكلموا وقالوا على لساني هالكلام فيني حتى نعرف من الكاذب ومن الصادق،
المهم ان زوجي كلم حبيبي وتهاوش معاه لثاني مرة ، مرة لما اعترف لي بحبه وعرف زوجي، ومرة ثانية المرة هذي بسبب مسجاتنا
حبيبي الحين ما يرد علي نهائيا آخر مسج كتبه لي : انا مشغول بكلمك بعدين، وكان هذا قبل خمسة ايام تقريبا، وصرت كلما اتصل فيه ما يرد نهاااااااااااااائيا وانا متاكدة انه يشوف التلفون بس ما يرد

انا مو عارفة شنو اللي دار بينه وبين زوجي، وليش مو قابل يكلمني، علما اني بآخر مكالمة قلت له ان هذي آخر مكالمة وآخر مسج لان صادني حادث وهو حتى ما سال فيني، فقال لي انه ما درى عن الحادث، وقال لي : ارتاحي وكلميني بعدين
فقلت له ما راح اتكلم
لكني رديت اتصلت بس هو ما يرد

ابي ارجع مثل ما كنت
ذيج الانسانة اللي تحب زوجها وبيتها
ابي انسى هالموضوع ولا كانه شي صار

بس مو عارفة شلون
كلما اقول ببتعد احس فيه شي يدفعني مرة ثانية له
مع العلم انه ما مرة اتصل فيني غير المرة الاولى اللي اعترف لي انه يحبني، وكنت انا اللي اتصل على طول وكان بكل مرة ياكد لي انه يحبني، وحتى مسجاتي ما يرد عليها الا نادرا جدا..

حاولت انساه وما قدرت خصوصا اني اشوفه يوميا على التلفزيون ، وبنتي تحبه وايد لان القناة مخصصة للاطفال، وتذكر اسمه جدامي مليون مرة في اليوم

نصحوني
هاوشوني
زفوني
بس قولوا لي شلون اقوي ايماني ؟؟؟؟؟؟؟شلون؟؟؟

أختي الفاضلة
الاعتراف بالحق فضيلة
ما دام اعترفتِ بالخطأ فهذا جيد
والتائب من الذنب كمن لا ذنب له
الآن اقعطي علاقتك بهذا الشخص , وامسحي رقمه ولا تفكري تتصلي فيه مطلقاً
ولا عاد تفكري في هذا الموضوع أبداًً
وحاولي ما تشوفينه على التلفزيون
وزوجك طويل باله وإلا كان سوى علوم
المهم
اشغلي وقتك بما ينفعك , نحن في رمضان المبارك وفي العشر الأواخر فعليك بالقرآن اقرأيه بتدبر وستجدين اللذة وسعة الصدر ...
وعليك بالدعاء الدعاء الدعاء إن الله يصرفه عنك
وأن الله يحبب لك زوجك
وتعلقي بالله فمن تعلق بالله كفاه الله همه وصرف عنه السوء
وتأكدي أن الرجل ما دام يتطلع إلى امرأة متزوجه أنه غير كفء , (هكذا بصريح العبارة)
وتأكدي أنه ما دام قال لك هذا الكلام فهو قد قاله لغيرك ...

واعلمي أن هذه تجربة , والحياة مدرسة , وأنت أخذتي درساً , فلا تقعي في الخطأ مرة أخرى ...
لدي كلام طويل , ولكن وقت الإفطار حان
وفقك لله وأعانك وسددك ....

__________________
(..ما أجمل أن تختم يومك ويكون قلبك خالياً من الغل أو الحقد أو الضغينة على امرئ مسلم ..)

انا اعتقد ان هذا فراغ وقلة اهتمام من زوجك

ولكن ارجوا ان تتوقفى قبل ان ينتقم منك الله
ويزيل ما بك من نعم من زوج واسرة وابناء
وعمل ناجح ما شاء الله

استغلى هذه الليالى العشر فى الدعاء
والتضرع الى الله عز وجل ان يصرف هذا
الشخص عن بالك ويهديك ويغفر لك

__________________

انتي للحين ماتبتي?!!
يوه الله يهديك بس
هذي وحده من اللي ردو عليك الله يجزيها الجنه

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

سبحان الله وبحمده
سبحان الله العظيييييييييييييييييم

اختي قوي ايمااااااااااااانك بالله عز وجل

اقراي قرااااااااااان كثييييييييييييييير
وصلي وادعي ان ربي يجعل زوجك قرة عينك ويخلصك من هالحب الكاااذب


وغيري رقمك واحذفي رقم جوااااااله من عندك
وياريت بعد تحذفي تردد القناة الي يطلع فيه وكل صلة لك فيه من قريب او من بعيييييييييييييد

انتي لازم تتغيري من الداخل ..ولربي بيكون معااااااااااااك


والله يعين

__________________

اشكر الاخوان اللي ردوا وبانتظار السماع المزيد

اختي نورين احتاج اسمع راي الطرف الاخر من الرجال لتتضح لدي المزيد من الامور حول لماذا يفكر بعض الرجال بهذه الطريقة التي فكر فيها الشخص الذي كنت احادثه

ارغب في معرفة الحقيقة الكاملة

وبالتاكيد ان الاخوة الرجال ينظرون الى الموضوع من زاوية تختلف عما نراها نحن

ولا يمنع ان استمع الى راي الاخوات ايضا

عملك فتح لك ابواب كثيره انتي في غنى عنها

الله يهديك ويرزقك ايمانا يباشر قلبك ويجعلك مفتاح خير مغلاق شر

__________________

استغرب من أن إمرأة اعلامية و مثقفة في هذا الزمان ولديها علاقات واسعة وتسأل هذا السؤال البرىء جدا في مظهره ؟

مآرب هذا الرجل واهدافه الاستراتيجية من هذا التعارف واضحة ولا تخفى على ذكر او انثى

توبي الى الله عز وجل هذا افضل حل لكي

والاعتراف بالحق فضيلة والندم على مافات من علامات التوبه الصادقه

والله يكون في عونك ...

اخووك بالله

يعني وش تبين يقولون لك بالظبط!!!

تبين يقولون لك انه الرجال صادق في كلامه.. وهذا إن دل فهو يدل على شدة حبه لك..
ولأنه مو قادر يعيش بدونك قالك هذاك الكلام.. والدليل على تعلقة الشديييد فيك هو هروبه من لصقتك وابتلش فيك(( لا هو ولا هذيك الكلمة))
وأكبر علامات الحب هو تطنيش الإتصالات والمسجاااااات..

يا اخت انت وش فيك!!
إن كنت فعلا أعلامية مثل ما تقولين ما أعتقد بيكون عندك وقت كافي لمناقشة موضوع في منتدى ما تعرفين شنو فيه وشنو عليه!!

وبعدين مجتمع فيه اختلاط محرم شنو تتوقعين يجيك من وراه..


ان كنت صادقة في مشكلتك .. لا تخسرين سمعتك وبنتك..

ولا زوجك هذا حنا خالصين منه المفروض لو كان سوي ما خلاك في بيته بعد ما أكتشف خيانتك ولا يأمنك على بنته..
لكن الظاهر الطيور على أشكالها تقع..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))