زوجتي ترد الكلمه بثنتين - منتدى عالم الأسرة والمجتمع

10-09-2010, 12:01 PM

اقرب الناس

عضو جديد

تاريخ التسجيل: Sep 2009

المشاركات: 18

زوجتي ترد الكلمه بثنتين

السلام عليكم ورحمة الله وبركاته
وكل عام وانتم بخير
كل ماقلت زانت جد علم جديد
اخواني واخواتي اعاني من مشاكل من بداية الملكه وحتى يومي الحاضر عمري 27 وعمرها 22 زوجتي ليست مقتنعه بأنها مسؤوله عن بيت وطفله ارحمها كثيرا عمرها 3 اشهر وولدها المحامي والمدافع عنها جيدا واسلوب انا اعرف بنتي انت استفزيتها بنتي مايجي منها غلط ولو فيه مشكله وانا ساكت عنها واتغاضى تجد عائلتها تبحث وتهتم لهذا الامر قبل فتره من الحمل تركتها عند اهلها شهر وعادت مره اخرى وزادت المشاكل اثناء الحمل وقلنا نصبر ونسكت ويمكن يكون هذا وحام ومشاكل من الحمل اتفاجأ ان الاخت عادي ولا همها شي اهلى اولا عندها بعدين نفسي بعدين زوجي وبنتي لاتعتذر ابدا عن خطأها مهما كان وان اعتذرت يمكن مرتين او ثلاث مافيه احترام اذا الامور صافيه ومافيه مشاكل بردا وسلاما لكن اذا فيه مشكله لا انا الغلطان وانا اللي المشكله مني وترد الكلمه بثنتين الى درجه مره قلت اوكي اسكتي وقفلي على الموضوع تقول اذا سكت اسكت مصيبه ياناس انا والله ما متعبني الا بنتي مابي اخليها عندهم ناس عندهم فكره الا بناتي وبناتنا ما يخطون بالاضافه الى ذلك انا اهلي ما يزورون اهلها لانهم عرفوا انهم ناس راعين سوالف ومشاكل فبتعدوا عنهم ويتحاشونهم للبعد عن مشاكلهم الى درجه انها اواخر حملها كانت عند اهلي بالبيت لانها كانت تعبانه تصدقون ان الاكل تجيبه لها والدتي تردها تقول مابيه حتى ماتخليه عندها مجامله الاحظ واشوف معاملتها مع اهلى اكلمها تقول هم مايجوني ببيت اهلى وقت النفاس وهم وهم وهم وانا اعرف اهلها زين طبعا بعد الزواج مع الاسف واعرف ان اهلي يتحاشونهم للاحراج والمشاكل وانا مشكلتي بنتي ولكن اتمنى تفيدوني بالحل والله والله والله هم مايعلم فيه الا الله

10-09-2010, 12:49 PM

علوالنفس

قلب المنتدى النابض

تاريخ التسجيل: Aug 2009

المشاركات: 1,326

يا حبيبي المشكلة أن زوجتك وأهلها ما وجدت من يمشيهم على الصراط ..

زوجتك وأهلها يعرفون انك ما تقدر تستغني عنها فلذا تجرأوا عليك ..

عدل من شخصيتك أولا ثم ستتعدل هي معك ..

من لا يستطيع حكم نفسه لن يحكم امرأة ..

10-09-2010, 02:41 PM

رجل حليم

عضو مثالي

تاريخ التسجيل: Aug 2010

المشاركات: 1,633

انا مع اخي "علو النفس" في رأيه ..

و ازيد عليه .. ان لم تنضبط زوجتك معك .. طلقها بلا تردد ..
أو تزوج عليها و اجعلها خادمة لتخدم ولدها ..

10-09-2010, 09:05 PM

اقرب الناس

عضو جديد

تاريخ التسجيل: Sep 2009

المشاركات: 18

قبل المغرب جلست معاها وكلمتها يابنت الناس يابنت الحلال بما اننا جايين نعيد عند اقاربنا كان الرد لوفيك خير احجز لي ورجعني وانا رحمتك يارب لاعيد زي الناس ولا فرحه زي الناس واحتد النقاش حتى قلت انا ماني شايل هم الا بنتي قالت خلها عندك واحجز لي ابرجع ؟؟؟؟؟؟؟؟؟؟؟
الحل ؟

10-09-2010, 09:32 PM

ALM7TAAR

عضو نشيط جدا

تاريخ التسجيل: Aug 2010

المشاركات: 211

الله يكون في عونك يا أقرب الناس.

__________________

10-09-2010, 10:04 PM

اقرب الناس

عضو جديد

تاريخ التسجيل: Sep 2009

المشاركات: 18

وفي عونك ياسيدي شكل مالنا نصيب بهالفرحه

11-09-2010, 12:39 AM

ذكريات لاتغيب

كبار شخصيات المنتدى

تاريخ التسجيل: Jun 2006

المشاركات: 3,830

فهمنا ان فيه مشكله

بس وضح أكثر

ما فهمت وش سبب المشاكل بينكم

11-09-2010, 12:53 AM

المغتربة 84

عضو جديد

تاريخ التسجيل: Aug 2010

المشاركات: 31

اقتباس:

المشاركة الأصلية كتبت بواسطة ذكريات لاتغيب

فهمنا ان فيه مشكله

بس وضح أكثر

ما فهمت وش سبب المشاكل بينكم

سبب المشاكل ان صاحب الموضوع مدلع زوجته ومراعي مشاعرها

لين صارت زوجته ما تحترمه و منكده عليه حتي بيوم العيد

يا رجاااااااااااااااااااااااااااااااااال مثل هالزوجااااااااااااااااااااااااااااااااات بدهم حزم ثم حزم ثم حزم

الاسلوب و الله ما يمشي معهم

زوجتك من النوع اللي تشوف ان الاسلوب يعكس عن ضعف شخصية منك

و هي كمان ما شاء الله ابوها داعمها ,,,,,, مو عارفة شو سالفة الاهالي اللي يخربون بيوت بناتهم الله يهديهم

اقتباس:

و الله لو انا رجال و كنت مكانك بذا الموقف ,,,,, لكنت قلتلها قومي لعيونك بوصلك و وديتها بيت اهلها

و اقول لها يلا اقعدي فيها للعيد الجاي

التعديل الأخير تم بواسطة المغتربة 84 ; 11-09-2010 الساعة 12:55 AM

11-09-2010, 07:46 AM

( واثق الخطوة )

موقوف

تاريخ التسجيل: Apr 2010

المشاركات: 275

اذا توكم متزوجين يعني سنة سنتين

انصحك بالصبر ... خصوصاً وبينكم طفلة

صدقني رح تتأقلمون مع بعض بس المسألة مسألة وقت

كل اللي بينكم دلع وتغلي ومن هالعلوم

اخوي الدلع الزايد صدقني بيضيع حياتك

خير الامور اوسطها

... بس لاتزعل علينا روعة المعتى

11-09-2010, 08:01 AM

#10

الورده زينب

موقوف

تاريخ التسجيل: Jun 2010

المشاركات: 379

مغتربة ، ورجل حليم : كونوا محضر خير ! : )

خصوصاً مغتربه وايد متحامله على النساء ! ليش الله أعلم ..

: ) لا تخلطون بين مشاكلكم الخاصة ومشاكل الناس

باجر راح تتحاسبون على كل كلمة

بعض الاعضاء للأسف ردودهم هداااااااامه

::

أخوي صاحب الموضوع ، شنو سبب المشاكل بينكم ؟

زوجتك على شنو اعتراضها ؟

شاللي تبيه منك حتى ترضى ؟

حاول إنكم ماتوصلون مشاكلكم عنده اهلها ولا حتى عند اهلك

خلو مشاكلكم محصورة بينكم ..

وإذا كانت زوجتك من النوع سليط اللسان كون معاها مابين شد وارخاء ..

وقت اللي تشوفها طولت لسانها خلك معاها حازم بس من غير صراخ حتى لو كانت اهيه اتصارخ

خل كلمتك أقوى من كلمتها من غير ما تصارخ

وبعد اهيه ما تهدأ لا تروح انت اتكلمها .. خلها اهيه اتكلمك وإذا كلمتك طنشها

قول لها " وقت اللي تعرفين تحترميني كلميني "

وإذا كانت هاديه وكنت معاها في حالة صفاء .. انصحها قول لها ترى إن للصبر حدود

والله يهديكم حق بعض ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه