السلام عليكم ورحمة الله وبركاته
حبيت اخذ رايكم وياليت كل من يقرأ الموضوع يشاركني باقتراحاته
انا زوجي متخاصمين من تسعة اشهر تقريبا الثلاث الاشهر الاولى لم يسئل عني ولا عن اطفاله ابدا وانا اغلقت جوالي علشان ما اسمع صوته وبعدين جاء للبيت و لعملي واحرجني وطلعت وكلامته و تأسف لي و وعدني انه راح يصلح من وضعه ومن هالكلام مع العلم انه لازال مصر اني غلطانه ماكان الخطأ عليه مية بالمية انا سكتت وقلت امشي الموضوع ,بالفترة هذي ما اخذني من بيت اهلي لان بيتي يحتاج ترميم فاتفقنا اني اجلس عند اهلي لين يخلص البيت من ذاك اليوم وهو يتردد علي اول الوقت كان متحسن قليلا لكن بعدين رجع لطبعه يخانق ويهاوش من غير سبب هو من نفسة يحط مشكلة ويورطك فيها لما تحاولين تدافعين عن نفسك يعتبرك طويلة لسان وقليلة ادب ويمكن يوصلها لضرب وللاسف احيانا بالشارع
متى يعمل المشاكل هذي اذا حس انه لازم يعمل شيء وهو ما يبغي يعمله يسبب مشكلة و بعدين يخليك انتي السبب بالمشكله وهو معذور ما يعمل واجباته لانه زعلان اصلا والناس واهله يعذروه خلال الستة الشهر الباقية خاصمني يمكن ثلاث مرات اخرها قبل رمضان جاء وعمل مشكلة وهاوشني وانا بالسيارة وبالشارع ومرة ثانية وانا خارجة من البيت ما حسيت الا وهو سئل السواق واين مكاني وهاوشني لاني ما استأدنت شر البلية ما يضحك استئذن منه وهو ما يسئل عنا بالشهور يوم كنا ببيته انا قلت خلاص اتطلق افضل لانه ما عمل ولا شيء من الاشياء الي وعدني فيها وبعدين الفاظة جارحة ويده طويله ولا يستحي حتى قدام الناس خلاص انا عزمت على الطلاق افضل لي ولاطفالي ليلة العيد وحنا عاملين حفلة عند وحدة من قريباتنا دعوا ولدي واعطاه هدية قل عطها امك وراح, المهم هو عجز وهو يتصل علي و يرسل رسايل ويكلم على جوال ولدي يقول عطني امك وبصبح العيد جاء واستغرب اني حزينة و اني ما فرحت بهديتة وانا عارفة ايش مقصده منها علشان ارضا قبل ما يكلمة احد بالموضوع لما قلتله انا مالي كلام معاك كلامك مع الرجال لاني ماني قادرة افهمك ولا انت قادر تفهمني عادي لو كلمت احد يصلح بيننا زعل وعصب وتهددني انه راح يتزوج الثانية قريبا انا ما ادري وش تفكيرة يحسبني انسى كل اهاناته بهدية وياليتها قيمة بعد قسما بالله اني احسها اهانة لي .
ابغي رايكم ارجعها له ؟ ولا اخليها واطنش لين هو يجي يكلم الرجال ؟ مع العلم اني لن استفيد منها ابدا
وابغي رايكم في المشكلة عامة هل اتطلق واعيش حياتي بعيدا عن الخوف وعدم الأمن الي معيشني فيه زوجي ؟او اصبر مع اني جرب فيه كل شيء رافض انه حتى يقوم بواجبته اتجاة اطفالة واتجاهي ؟

عزيزتي ,,,,

شوفي قرار الطلاق اكيد بيكون صعب و خاصة بينكم اولاد .... و انتي كمان ما تبحرتي في نوع المشاكل اللي بينكم و اسبابها !!!!!

انا اقولك

بينك و بين نفسك عددي مميزات زوجك ( اللي تقدري تتعايشي معاها) و عيوبه ( اللي ما تقدري تتعايشي معاها)

و شوفي الكفة لايش تميل للمميزات او العيوب

و بعدها شوفي نفسيتك تتقبل هذا الشي او لا

و استخيري ,,,,

و الله يكتبلك اللي فيه الخير و يهدي زوجك

اشكرك على ردك الجميل
انا كتبت مميزاته وعيوبة طبعا العيوب اكثر بس هذي ماهي المشكلة عندي استعداد اصبر على عيوبه لو كنت حاسة انه مقدر او عنده استعداد يتغير هو رافض اصلا يتحمل اي مسئولية ورافض انه يعطيني مجال احاول حتى بالكلام دائما خارج البيت واذا جاء كسر الدنيا على روسنا و طلع بأي موقف يتخلا عنك يعني ما احس معه بالامان ابدا غير المكالمات و النت وهالسوالف انا صراحة عارفة ان الطلاق هو الافضل لي و لاطفالي لكن اجد ضغوط شدية من الاهل لانه من اقاربنا.

المشاركة الأصلية كتبت بواسطة رولادا أكثر كلمة قريتها في المنتدى على لسان النساء الطلاق عزيزتي الطلاق مو شي هين هذا هدم للاسرة تحملي عشان عيالك عزيزتي زوجك مايسوي كبيرة من كبائر الذنوب كل مافي الموضوع عنده سلوكيات خاطئة ممكن مع الوقت تتغير وحتى لو ماتغير اتحملي عشان عيالك الحين اخترتي الطلاق يعني اخترتي اقصر حل وابشع حل لحياة اولادك ونسيتي انو العلم تطور ويمكن يقدر يعالج سلوكيات زوجك الخاطئة وتخلين اولادك يتربون عند ابوهم وانتي بدل ماتكوني مطلقة لا تكوني عند زوج يستر عليك ولكل رجل مفتاح انتي بس اصبري وتعاملي معه بتفكير السليم مو تخلين زوجك ند لك واشوف مشكلتك عادية ماتستاهل تفكرين بطلاق بسببها متى انصح النساء بالطلاق اذا بداء يسوي الحرام يعني يبلك وقت وشوية تعب عشان زوجك يتغير تحياتي

المشاركة الأصلية كتبت بواسطة مباديء الله يعينك ويفرج همك انا توقعي ان زوجك قابل للتعديل طالما ان ارسل لك الهدية>>>>الله اعلم ولكن طبعا ببطء شديد واتوقع ان راااغب فيك ومايبي يتركك>>>هذه ميزة اخرى وضروري جدا تدخل الرجال فالموضوع فمن الخطأ بعد هذه المدة يتم حل المشكلة بصورة تلقائية وبسيطة لازم ترجعوا تحطوا النقاط عالحروف الله يفرج همك ويكتب لك الخير