لا أعرف من أين أبدأ الكلام حاسة حياتي كلها ملخبطة
أول شي من أنا وصغيرة ومن أول ما وعيت على هالدنيا كل يوم مشاكل بين الوالد والوالدة ، الوالد الله يسامحه طبعه صعب جداً جداً وتعامله السيء معي أثر على نفسيتي وعلى شخصيتي بشكل كبير ، والله أحيانا أجلس أتذكر شو كان يعمل معي أصير أبكي ، لدرجة كان يخترع قصص وهمية ويجلس يبهدل فيني ، وأنا بطبعي حسسسسسسسسساسة جدا جدا وأحس بتعامله هذا خرب شخصيتي كلها.

ولما صار عمري 25 سنة تزوجت وزوجي والحمد لله طيب ولكن طلعت مشكلة وهو أنه عقيم ولي ست سنوات متزوجة وهذا الأمر أثر فيني أكثر وأكثر ، والله أحاول أتناسى الموضوع بس كل شي يذكرني بالأطفال حتى لو فتحت التلفزيون سبحان الله إما دعاية بامبرز أو مسلسل طلعت وحدة حامل فيه ، يا رب تفرجها علي ، وصارت مشاكل كثيرة بيني وبين زوجي كان يجبرني أروح لنبارك لزوجات أقاربه اللي ولدوا وكان نفسيتي كل يوم تتعب أكثر وأكثر وأنا مستمرة على هالحالة.

من كم يوم صارت مشكلة بيني وبين بابا وأنا نفسيتي كثير كانت تعبانة لاقتراب موعد الدورة الشهرية، والسبب في المشكلة كان قدوم عمتي لزيارة أهلي ولم أحضر وعندما ذهبت لبيت أهلي وجدت بابا معصب بشكل كبير وجلس يسألني ليش ما حضرت فصرت أبكي وأخبرته أن نفسيتي تعبانه وأنا ما قادرة أشوف حدا وصرت أبكي بس ما اهتم وراح لغرفته وأنا من يومها صرت أتذكر كل المواقف القديمة وأبكي وأثر هذا على صحتي كثير وصارت تجي عندي نوبات صداع شقيقة وأخذ إبر مسكنة والآن أشعر بخدر في الطرف الأيسر لجسمي .

وفي مشكلة كمان (معلش خبرتكم أنو كل حياتي مشاكل) إن اختي انخطبت والحمد لله وزوجي من لما انخطبت أختي صار يكره يروح عند أهلي وحتى صار يمنعني أني أروح ودائماً يتجنب لقاء خطيب أختي .

ادعولي إني أحمل قريباً والله يفرج عني