بسم الله الرحمن الرحيم

لا اعلم كيف تكون البدايه ولكن مافي خاطري سانقله لكم واتمنى اجد عندكم ما يريح قلبي ويثلج صدري المكبوت والمخنوق والمحترق

خطبني رجل مواصفاته اعجبتني ولكن متزوج!!!! والمكتوب باين من عنوانه

ما احس بطعم الخطوبه
كل وقته ما يقدر يرسل ولا يدق "يخاف تدري ام العيال"
مايبي يعلم احد ومن انخطبت للحين ما شفت الا وجهه هو فقط "يخاف تدري ام العيال"
انا بسكن في مدينه وهو في مدينه "يخاف تدري ام العيال"
مافيه شي اسمه زواج وحفله"يخاف تدري ام العيال"
اووووووف من ام......

ياعالم للحين ما كلمته بالجوال اكثر من ربع ساعه ويكون اما في السياره او واقف عند محل
وبصراحه ما عجبني
ما احس انه فتى احلامي لا في شكله ولا اسلوبه

بتقولون ليه ما اتركه واريح راسي؟؟؟؟
مااقدر لانه مميز جدا وانا مطلقه وعندي عيال وفرص الزواج عندي قليله

واخاف من شي اكبر من هذا كله
اني اتزوجه ويتزوج علي لان الزواج الثاني والثالث والرابع مثل السلامو عليكو عندهم
وانا والله ما وافقت عليه الا لما عرفت وتاكدت ان في مشاكل كثير بينه وبين زوجته يعني موب انا اللي خربت عليهم

طيب حلوها لي وش اسوي وش يضمن لي عدم زواجه علي وكيف اقدر اتاقلم


موضوع ذا صله
http://www.66n.com/forums/showthread.php?t=212098

ليس الحل أن تضمني عدم زواجه عليكي , ولكن الحل أن تعلم زوجته بزواجه , لكي لا تكوني ضحية حماقة رجل غير مميز وتتطلقي مرة أخرى .

سبحان الله
والله إني داخل أبقول نفس الكلام بس لقيت أبو حكيم سابقني
المشكلة ليست في زواجه بالثالثة
المشكلة في أنك يمكن تكونين ضحية لأدنى اعتراض من زوجته
وبعدين فيه شيء ثاني :
مادام يخاف كل ها الخوف وانتِ ما زلتِ مخطوبة فكيف لو تزوجتِ وعشتِ معه كم سنة كيف بتتحملين وكيف هو راح يخفي زواجه ؟
أنا من رايي أن يتشجع ويخبر زوجته بطريقة أو بأخرى
وبصراحة : من يريد الزواج بالثانية المفروض يكون فيه شجاعة ويظهر الحق
وما دام فيه مواصفات حلوة فلا تفرطي فيه بسهولة , وأنا ما أقول اتركيه , لكن بعد إصلاح هذا الخلل , لأنه ممكن يؤثر عليك في المستقبل ..
وكلامك فيه غرابة
مرة تقولين مميز جداً
ومرة تقولين أحس أنه مو فتى أحلامي لا في شكله ولا في أسلوبه ؟!!
طيب وازني بين مساوئه ومميزاته
وفقك الله ويسر أمرك وكتب لك الخير

__________________
(..ما أجمل أن تختم يومك ويكون قلبك خالياً من الغل أو الحقد أو الضغينة على امرئ مسلم ..)

اخي الفاضل ابو حكيم شكرا على ردك وعسى ان يكون في موازين حسناتك

ان اتطلق مره اخرى فانا متاكده بان هذا الشيء بيد الله
وقد اتزوج غيره "واتطلق "

وانا بالنسبه لي فضلت ان لايخبر زوجته لانه قد يقع في مشاكل معها ولسنا في وقتها الان
الرجل مميز في مواصفاته وكما سمعنا عنه انه مميز في اخلاقه وشخصيته وهو اكدلي انه بيخبر زوجته بعد فتره من زواجنا

انا متضايقه فقط وهذا اللي يعذبني

تصدق اني اليوم اسال نفسي :كيف شكل الانسان اذا فرحان؟؟
ودي اعرف وش معنى فرحه من القلب او ان الانسان يظحك من قلبه بدون ما يذكر شي مؤلم في نص ظحكته وتخرب عليه

الله يفرجها بس

هذا اللي خايفه منه كيف بعيش معاه اخاف يسحب علي ولا عاد اشوفه

وانا اقصد بكلمة مميز انه حالته الماديه جيده وبالنسبه لاني مطلقه يعتبر مميز
واذا على فتى احلامي عز الله ما تزوجت لانه في الخيال فقط ومستحييييل يكون موجود في الواقع المرير

الله يعينك مالقيتى غير رجل متزوجشكلك حاتندمى بعدين من الان خايف بعد الزواج ايش راح يسير يمكن تشوفي ساعه في الاسبوع

احس اصعب شي الزواج من متزوج الله لايبتلينى ياارب

__________________
ياررب ارح قلبي وعوضني خير

ما عليك من حالته المادية
الماديات اجعلها آخر شيء
أهم شيء أخلاقه ودينه وعدله
وما دام راح يخبر زوجته في المستقبل فشيء طيب , لكن وش ردت فعله ؟ وهل شخصيته قوية ؟
لا بد تعرفين الأشياء هذي
وبالتوفيق ....

__________________
(..ما أجمل أن تختم يومك ويكون قلبك خالياً من الغل أو الحقد أو الضغينة على امرئ مسلم ..)

اللي حسيته انو شخصيته قويه بس الله اعلم

الله يوفقك وشكرا من اعماق القلب على ردك وتفاعلك معي

ياليت لو اشوفه ساعه في الاسبوع انا ادعي ربي اني اقدر اشوفه اسبوع في الشهر
لانه ساكن في مدينه بعيده شوي

والله كنت اقول الله لا يبليني واتزوج احد مثل طليقي "وتزوجته"
وكنت اقول يا ماما طلاق يخووف الله لا يبليني "وتطلقت"
وكنت اقول امووت لو افارق عيالي "وفارقتهم"
وكنت احلف اني مستحيل اتزوج واحد متزوج "ووافقت عليه وجبرت اهلي واقنعتهم بالغصب"

بس الله لا يبليك باي شي منهم

شكرا لك يا عسل

حبيبتي برد عليك بنفس ردي الاول بموضوعك السابق



ليش زوجته ماتدري .؟؟؟ انتي راح تكوني زوجته على سنة الله و رسوله فا ليش يخاف ؟؟
اذا كان كدا من اولها فالازم تخافي .. ايش ضمنك انه ما اخذك فقط تقضية وقت
و متعة طول ماهو عندك ف مدينتك ؟؟؟

ايش ضمنك .. بكرة بيقول لك مع السلامة بيتي الاول اولى فيني .. وراح تصيري بعدها مطلقة مرتين و هذا يقلل من فرصك بالزواج بعدين

حبيبتي اشرطي عليه اما زواج علني و بعلم زوجته الاولى .. ياما كل واحد يشوف مصلحته بعييد عن الثاني


و برايي الشخصي .. العلة مو في الزواج من متزوج

لكن المهم اولا تكون الاولى عارفة و يكون زواج عمر مو زواج نزوة
و ثانيا يكون بنفس مدينتك .. عشان تلاقي من يلبي طلباتك
تحسي انك تزوجتي .. يكون زوجك جنبك ليلة ايوة و ليلة لا

لكن زواج على بعد 400 كليو . كل فين و فين يجي يشوفك
طب قولي لي بالله ايشالفايدة من هذا الزواج .. لا استقرار و لا حياة علنية

اللي تمري فيه الان غيض من فيض .. هذا لسه و انتو مخطوبين
يعني اللي المفروض تكون فترة حلوة... فكيف بكرة اذا حصل الزواج

و بدا الروتين .. مااعتقد تسمعي صوته اببدا

عزييزتي لاازم الان يخبر زوجته بموضوعكم
اذا حصلت مشاكل فا تحصل من الحين و انتو على البر
احسن من انها تحصل بعدين و يسمع كلامها و يطلقك بعيد الشر

فكررري جيدا

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله