السلام عليكم ورحمة الله وبركاته

أعزائي أعضاء وعضوات المنتدى

أنا مشتركة جديدة قرأت مواضيعكم وردودكم الرائعة...

فأحببت أن أبدي مشكلتي الطويييييييييييييييييلة لعلي أجد عندكم الحل ...

آسفة سأطيل عليكم ... ولكن حتى تفهمو مني...

منذ أن تزوجت من 3 سنين وزوجي يامرني بعدم لمس جواله فاحترمت خصوصيته... ولكن لا حظت من 6 اشهر كثرة الرسائل الواردة إليه شككت في الامر وانتظرت الفرصة المناسبة وفتحت جواله وجدته يراسل فتاة وتراسله وكنت ذاك الوقت اجلس عند اهله فلما قرأت الرسائل ضعت واحترت من اخبر فأخبرت أمه (خالتي في نفس الوقت) وقالت انها لا تستطيع فعل شيء فأنا أخطأت بفتحي لجواله وهو مخطيء في أن يحادث فتاة وأخبرتني بأنه أمر عاااااااااااااادي فجميع الرجال يحادثن والا اخبر احدا من أهلي أو أهله...

المشكلة في أني الآن لا أستطيع تقبل منه أي كلمه فهو بطبعه صيااااااااااح وعصبي جداً ...

أصبحت عندما يصرخ علي أتبول (أكرمكم الله) على نفسي وهذه الحالة مستمرة معي 3 أيام فعندما أخبرته بالأمر قال لي سأدعك عند أهلك حتى بداية السنة الجديدة عشان تريحي رااااااااسك مني وانا ارتاح منك عشان هو طفش مني يقولي أنا ما افهم كلامه ولا أهتم فيه ولاأراعي ظروفه ولا أعمل له شيئا مميزا يميزه عن الرجال واني اذا لم اذهب شهرا عند اهلي سيكرهني كره الموت وانا والله اني لم اقصر في شيء من واجباتي مع أني طالبة ادرس في الجامعة ولدي طفل عمره سنة وتسعة شهور كل يوم ارجع الى بيتي انظفه واطبخ الغداء واغسل ملابسه ...

ولكن وقت الامتحانات اضطر للذهاب الى اهلي حتى استطيع المذاكرة...

ارجوك اخبروني فهو هجرني من اسبوع وحاولت اراضيه بشتى الطرق ولكن لا حياة لمن تنادي....

أأذهب عند اهلي واجلس شهراً أم ماذا ؟؟؟ اقترحوا عليّ

شوفي حبيبتي
زوجك غلطان 100%
يصاارخ عليك وفوق كذا يكلم وحده
صدق مايستحي على وجهاا
ليه لما يصارخ عليك ليه ماتهااوشينه قوليه لاتصاارخ
وخلك محترم حتى لو مد يده عليك
خلك قوويه علشان يعرف بنات النااس ماهي لعبه يصارخ عليهاا على كيفه
ولا بعد يكلم وحده كان اولا ماشفتي وهو يكلم وحده لاتطبخين له ولا تقومين بواجباته
علشان يسئلك ليه .....؟؟
في هاذي لحظه عااتبيه وعلميه انه مشاعرك واحساسك لهم قيمه
علميه عااتبيه
الحين هو مسك فيك نقطة ضعف انه لمايصاارخ عليك
تخاافين المفرووض ماتخاافين
خليك قوويه غيري شخصيتك
انا خطيبي لما يصارخ علي اسكر السماعه
بوجه علشان يتادب
انا افضل تجلسين ماعليك منه علشان ماياخذ راحته ولاتعطينه فرصه علشان يكلم
البنت لي ماتخاف ربهااو
سوي استخاره
خليه يولي اهم شي بيتك
ومستقبلك لاحقه عليه
وتوكلي على الله

__________________
قآل آلرسول صلى لله عليه وسلم
آفضل آلذكر:لآآله آلآآلله,’.

السلام عليكم اختي

الله ييسر لك امورك مع زوجك بس عندي استفسار
زوجك يضربك؟؟

فيه انواع من الرجال ما يقول لحرمته هوا ايش يحب و يعجبه لما هيا بنفسها تعرف كيف و شكله زوجك من هذا النوع
هل لما يرجع زوجك من البيت يشوفك بتنظفين و مع الطفل؟ ولا تكوني رتبتي البيت و اكل الطفل و انتي لابسه حلو عشانه؟

يمكن حس هوا من بعد الطفل انه اهتمامك صار على البي بي فتحول الى هكذا

بس مسألة انك تروحين عند اهلك او لا هذا يعتمد هوا ايش رح يسوي اذا قلتي انك ما تبغي تروحين!
ممكن تجربي و تقولي له انا ابغى اقعد معاك و تعطيه من الكلام الحلو

ربنا يوفقك

اختي ماوضحتي زوجك عرف انك عرفتي بموضوع الفتاه؟

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

اجلسي عند اهلك وريحي راسك
الرجال اذا شاف الحرمه تبي رضاه يشوف نفسه عليها الله يهديهم
حاولي تنشغلي عنه وتتركيه يعيش بدونك كم يوم
الله يسخره لك ويهديه ويبعده عن الحرام

تعبت من قصتك !!!!!
صدمت من خوفك منه !!!!!
صدمت من قوته بلكلام !!رغم خطئه !!!!
صدمت من انك تريدين رضاه على مايفعل !!
تعبت من قصتك بأكملها !!!
بعدين ارجع وارد عليك..اطرافي تعبت باااارده بعد انتهائي من قصتك وانقهرت والله ع حالك .

عجــــيب هذا الآمـــــر (يعني فوق حقه دقــــه )

الحين الحق معك .وتخافين هالخوف والرعب الغير مبرر .

للاسف انتي ياطويلة العمر شخصيتك ضعيفه وزوجك مستغل ضعف شخصيتك . ويمكن انه يرى هذا الشي فيك وعلى شان كذا بشوف هالآمــر سلبي جدااا . ويبحث عن البديل .

الحل خليكي ببيتك ولاتتركين الفرصه له . وقوي قلبك . ولا تفكرين ابدا انك ترضينه بمعنى خليييه يولي هالفتره لين يصحي وينقد على نفسه . واذا جاء مجال للموضوع قولي له كل الي بخاطرك وبطلي هالخوف .
وعلى فكره الخوف صفه جميله في النساء ولكن ليس من الزوج الي مفروض يكون هو الآمـــان والحضن الدافي لزوجته .
ادري ان كلامي قاسي واعتذر لكن مقهور منك ومن خوفك طيب كيف لو ضربك وش بيصير بك .
الحياة حلوه وانا اخوك والحياة قصيره وقصيره جداااا . فلا تضيعين عمرك بالخوف . وتاكدي انتي وانتي بس الي يحل كل هالسالفه ان تشجعتي واعتصمتي باالله , الله يخلي لك سعوودي . وسلامتك

شييييييييييييييين وقوي عيييييييييييييييييييييييين
الله على الظلم وقلة الادب
الله على الظالمين والجاحدين حسبي الله عليه
يااختي ليه الضعف ليش تراضينه اصلا هو الغلطان هو اللي يراضيك
كان وقفتي بوجهه وقلتي له وربي مااسامحك لو مابطلت حركات المراهقين
والله من جد قمه في الوقاحه
انا اقولك يااختي في الله
روحي عند اهلك واخبري احد من اهلك تثقين به
واخبريه السالفه
خليهم يوقفونه عند حده وازعلي ولا تردين على اتصالاته لو اتصل
ولاتدقين عليه ممكن ترسلين له رسائل توعيه وتذكره بالخطا حتى يعرف خطئه وييعود الى الصواب
وحسبي الله على كل رجل يخون زوجته
واتركي عنك الخوف اللي يذلك
هذا الرجل لو ظل على حالته بيضيع لك حياتك
لان المكالمات تجر مكالمات
والمكالمات تجر لقاءات
واللقاءات تجر بلاوي وامراض
اتركي عنك الذل والخوف وروحي لاهلك يعزونك ويكرمونك وينصرونك بعد الله
وعليك بالدعااااااااااااااااااااااااااااااااااااااااااااا ااء
ادعي ان ربي ينصرك ويبعد عنكم اهل الخراب
وباذن الله يرجع لك زوجك
ونصيحه((((معليش كثرت هرج والله من قهري عليك))))
لاتكن لينا فتعصر.............يعني لاترضخين له فيذلك ويعمل اللي يبغى
ولا قاسيا فتكسر.............
وانتي افهميها
والمعذره ان كان اسلوبي قاسي
والله الموفق

__________________
اللهم صلي على نبينا محمد وعلى اله وصحبه اجمعين

أختي الغاليه حزنتني قصتك كثير,لكن لازم يحترمك أنتي ام عياله إذا مااحترمك أعيالك ماراح يحترمونك ,قوليله هالكلام نفذي طلباته مو لازم يصارخ حضري الاكل من الليل إن كنت طالبه ولجيتي حميه بس,بعض الرجال لاجاع انعمى ,أقدر لك صبرك واحترامك له,لكن وصلت يقولك روحي بيت اهلك شهر بعد قويه بالغاليه ,ماتقدرين تصارحينه اكتبيله ورقه قولي كل الي بخاطرك فيه وإن كان شاريك بيقدر ويحاول يتغير والله يسخرلك زوجك ويوفقك دنيا واخره

عزيزتي لما كل هذا الخوف منه؟؟
هو المخطئ.. ومع ذلك يصرخ ويسوي نفسه مظلوم..
عزيزتي لا تستجدي رضاه..
اعملي لنفسك موقف وكيان، لا تكوني لاهثة خلفه دائما..
هذا ماسيجعله يتمادى عليك بكل النواحي..
ليس هناك مايبرر الخيانه بنظري
وقول خالتك انك مخطئة بانك فتحت جواله فان خطأه اكبر واعظم..
كوني قوية، واجههيه ولا تسمحي له بان ينهي الحوار بوضع اللوم عليك والصراخ عليك..
لاتجعليه هو من يهددك بانك ستذهبين عند اهلك.. كوني انت من يهدده بانك ستتركيه..
لا تشعريه بعظم اهميته عندك ولا تظهري له انك متأثره كثيرا بهجرانه لك..
وكان الله في عونك يا اختي