اخواتي وتفكيرهم السطحي وتدخلاتهم الغير مبرره
السلام عليكم
اتمنى استشارتكم في مشكلتي
المشكله هي اهلي احنا كلنا بنات وكلنا متزوجات الا وحده صغيره اخر العنقود عمرها 20 سنه
كل جمعه عند اهلي لازم تكون هناك مشكله والسبب
هو تدخل اخواتي في مالا يعنيهم وانا بنت عصبيه جدا اتضايق بسرعه من تصرفاتهم
خواتي احيانا اقول انهم عاقلات وواعيات ولكن لما اشوف تدخلاتهم احس انهم سخيفات وماعندهم اي عقلانيه
مثال على تدخلاتهم امي احيانا تسافر عند اهلها في مدينه ثانيه واهل امي الي هم خوالي امي تعشقهم بجنون
واكثر من الطبيعي مع انهم لايهتمون في امي كثير اهتمامهم عادي واحنا طبقه وهم طبقه اقل منا بكثير
وماتربطهم فينا غير المصلحه يحبون يتمصلحون من امي وامي لانها تحبهم كثير ممكن تعطيهم روحها وهم مستغلين النقطه هذي
ولكن بالاخر يظلون اهلها واخواتي اذا يتضايقون من سفرها لهم رغم ان حياه امي كلها هم وحزن وهي الان في سن الستين وتجد الراحه والسعاده عندما تذهب لاهلها
والله انها اذا رجعت من عندهم وجهها يكون اكثر حيويه ونجد السعاده في عيونها
انا اشجعها على الذهاب لاني افكر في راحتها وسعادتها اتمنى ان تعيش اجمل اللحظات في ماتبقى من عمرها وتنسى احزانها
ولكن اخواتي عندما يعلمون انها ستسافر يجن جنونهم لماذا تذهب لاداعي لذالك لانها احيانا تذهب مرتين في السنه ووالدي متوفي واختي الصغرى لا تحب الذهاب معها فتضطر اختي ان تجلس في البيت ولكن نحن اخواتها لانتركها لوحدها
وازواجنا يرحبون بها وبتواجها في منزلنا فهي اخر العنقود والكل يحبها فهي لن تضيع
واخواتي يلومون والدتي انها تذهب وتترك اختي الصغيره ولكن نحن معها انا واطفالي والخادمه نجلس معها
واختي الكبيره بيتها قريب من اهلي وهي تنام بالاسابيع والاشهر عند اهلي لانها على خلاف دائم مع زوجها فهي في كل الاحوال شبه مقيمه عند اهلي وعندها اولاد كبار فلا خوف على اختي الصغيره حتى اذا سافرت والدتي لاننا كلنا معها
ولكن اخواتي يبحثون عن المشاكل وكثره الكلام والتنكيد على امي هم يحبون والدتي كثيرا ولكن يجن جنونهم عندما تفكر الذهاب الى اهلها هل من حقهم هذا التدخل
وهل ماتفعله والدتي غلط انا متاكده ان امي تستحق ان تسافر وتعيش ماتبقى من عمرها بسعاده وراحه وهم لايحق لهم التدخل لان تدخلهم غير منطقي هذا اولا واسفه لاني سوف اطيل عليكم ولكن ليس عندي احد بعد الله سواكم ارجوكم تحمللوني
الشيء الثاني ان اخواتي يتدخلون في حياه اخواتي المتزوجات مثلا
عندي اخت زوجها ليس بخيل ولكنه حريص وهم لا يسمونه الا البخيل رغم انه اشترى لزوجته في ذكرى زواجهم تعليقه الماس بثمانيه الاف وذكرى زواجهم الثاني خاتم باربعه الاف
ولكن اختي لا تحب الاسراف وهم يلومونها ويتكلمون من ورائها ان زوجها بخيل وهي ايظا بخيله ووووووووووو يطول الشرح
ولكن انا الي اشوفه انه فعلا حريص ولكن هي راضيه ومبسوطه وسعيده لان زوجها يحترمها ويقدرها ومايغلط عليها واهم شيء التفاهم بين الزوجين والراحه والانسجام بينهم فلماذا نتدخل في حياه زوجين وسعيدين؟؟؟؟
واختي الثانيه سافرت شهر العسل لاجمل واغلى الدول الاوروبيه وهي التي اختارت الدول واشترت شنطه بقيمه خمسه الاف
وفي الملكه اشترى لها هديه موبايل بقيمه 3 الاف واعطاها 5 الاف لان نقصها اغراض والمهر خلص
وشقتها انيقه وتصميمها امريكي وجميل جدا كلها حيويه وشباب
اهل زوجها يحبونها اكثر من بنتهم وهي لا تعرف الطبخ كان دايم يطبخ وهي تساعده في اعداد الغداء
بعد الزواج بشهر اشترى لها هديه العيد خاتم قيمته ثلاثه الاف والاهم من هذا كله انه يحبها ويحترمها ويقدرها لا يهينها يعاملها بكل احترام وهي سعيده جدا معه ولله الحمد
ولكن اخواتي لم ينظرو لهذا كله بل ينضرون لسفاسف الامور
يعني هي تزوجت في شعبان وكل شعبان شهر عسل في اوروبا في العيد قالها حنسافر لدبي ولا سافرو لضروف قالو زوجها ماعنده غير الكلام لكن فعل مافي كذب عليها يقول حنسافر ولا سافرو!!!!
طيب هي لسى راجعه من شهر العسل وماله داعي اصلا السفره هذي
وايظا طلبت انه يشتري لها ساعه الماس وكان لسى مهديها خاتم الماس في العيد واعتذر وقال حشتري لك بس بوقت ثاني وقالو المفروض يشتري لها لو كان يحبها كان مايحرمها من شي مو يرفض
وتكلمو كلام كثير ونسو كل حسناته اصلا هم ماشافو فيه اي حسنه رغم كل الي ذكرته لك
بالله عليك هل هذا تفكير ناس عاقله دايم يتكلمون هذا زوجها ماشرى لها هذي زوجها ماسفرها
ودايم كلامهم كذا يرفع الضغط وانا ما اتحمل واجلس اتناقش معاهم ابي افهمهم وعذرهم انو نبغاكم تكونو احسن منا مانبغاكم تعيشو عيشتنا نبغى مصلحتكم ومن هالكلام
دايم يتكلمو هذي زوجها جاب لها حتى لو ان معاملته سيئه معاها اهم شي عندهم المضاهر مايفكر انو قليل الوحده تلاقي رجال يحبها ويحترمها واهم شي انها سعيده ومبسوطه معاه
الي يقهرني انو مه دايم هذي سوالفهم مايقولو الحمد الله اختنا الله وفقها وعايشه سعيده مع زوجها لا يتدخلون في كل شي وهات يا نميمه
ليه احنا اخوات ونتكلم في بعض كذا وفي شي مايخصنا كل وحده راضيه في حياتها ليه النكد
انا مليت منهم ومن تفكيرهم وتدخلاتهم الغير مستحبه كيف اقدر اغيرهم وكيف اقدر امسح التفكير هذا من عقولهم
نفسي مره اسمع وحده تقول الحمد الله اختي الله وفقها في زوج يخاف الله ومتفاهمين وسعيدين مع بعض لكن للاسف
كل كلامهم الله يخلف عليهم ولا وحده تزوجت واحد يملى العين يبغون واحد يصرف فلوسه على ملابس ومكياج وهدايا وسفرات لزوجته
والان من اسبوع صارت مشكله بيني وبين وحده من اخواتي وتعبت نفسيتي منها كثير حجزت سافر عند اخوالي اغير جو لاني اذا سافرت هناك ارتاح
وزوجي حجز لي انا واطفالي وبسافر بعد اسبوع اغير جو ورتاح نفسيا المشكله انا مايهمني احد ولي شخصيه وزوجي راضي اني اسافر لانه حس اني محتاجه اغير جو
لكن انا شايله هم كلامهم انا مايهمني الكلام ماعلي من احد بس انا عصبيه واتنرفز بسرعه وما احب احد يتدخل في حياتي المشكله الان اذا عرفو اني بسافر عند خوالي راح يجن جنونهم
ليه تروحين ماله داعي وش نبين فيهم ومن هالكلام وهم عارفين اني ارتاح اذا سافرت هناك ما ادري اخاف اذا فتحو الموضوع اتنرفز واعصب عليهم واغلط عليهم بالكلام لاني واصله حدي منهم
كيف ارد عليهم وكيف اواجهم انا فكرت ما ارد اسمع ولا كاني سامعه بس اعرف نفسي اتنرفز ولازم ارد ما اقدر اسكت ابي ارد عليهم رد يوقفهم عند حدهم ولا عاد يتدخلون في شي مايخصهم
ارجوكم ساعدوني لان من جد اخواتي جننوني
06-11-2010, 10:52 PM
ضوابط المشاركة
العرض الشجري