السلام عليكم ورحمة الله وبركاته



معاناتي مع زوجي عدم التوافق


هو يريد ويطالب
وانا اريد واطالب


هو يتمنى ان انجب له وهذا من حقه المشروع
اتعب كثير لما اشوفه مع طفل صغير والا يتلقى بشارة من أحد ربي رزقه
أشوف بعيونه الخيبة واليأس
مشكلتي صعوبة الحمل
وإذا حملت يكون مهدد
وآخر حمل توقف نبضه بعد ماطلع بطني وحسينا بحركته
وكانت معاناة لحد ماولدته ميت الله يجعله شافع
الحين زوجي يبيني أحمل
وانا تعباااااااانة
تعبت من الحمل والاجهاضات
والحمل الاخير هد حيلي هد
حتى هو يقول شيضرك لاحملتي مصيره ينزل
طيب هي سهلة اني احمل وأتأمل وأتحمل المكوث الاجباري والعلاجات وآخرتها مصيره ينزل
وبنزوله أواجه مخاطر غير الازمة النفسية وكلام الناس

الشيء الثاني
زوجي تزعجني طريقته بالتعامل معي
استهزاء واخلاف مواعيد وعدم تقدير وهوشات على ادنى شيء ولو مالي فيه يد ورمي النتائج علي وأحيانا يتغلى مثل الاطفال ويعاتب بطريقة كريهة غير تردده بكل شيء ولما ياخذ رايي مايشكر يقول ماله داعي هالرأي والقهر يسويه!! ولايشوف خطاه شيء وخطأي اعوذ بالله كبائر..غير اسلوب الاوامر ولاشغالة عنده مافيه ذوق
وماقدرت اعامله بنفس اسلوبه

بصراحة تعبت جدا معاه
صرت مالي نفس اجلس معه ولا آكل معه ولا أسولف ولا شيء أمارس حياتي بعيد عنه
وصارت عندي متساوية يزعل ينتفخ يهاوش هو اصلا زعلان زعلان لو أفرش له الارض ورد
أفكر كثيـــــــــــــر بالانفصال علشان يتزوج هو ويرتاح من مشاكل الحمل والدوخة معاي
وارتاح من اسلوبه

بس افكر ببعدين
وين اروح
ومين يقوم علي
ماابي اصير تحت رحمة أحد
ولا ابي احد يمن علينا
ولا ابي اتزوج كرهت الزواج والرجال

والله اكتب الدموع بعيوني
من جد تعبت

يارب يسر لي امري