السلام عليكم

عندي مشكله بس ما اعرف هل هي مشكلة او لا

انا توه مخطوبة و علاقتي بخطيبي من احسن ما يكون و لله الحمد

لكن تذبحني صراحته يعني هوه شي حلو ان شريكك ان يتكلم معاك بصراحة و جذي

طبعا انا انخطبت عن طريق خطبة و خطيبي ابوي يعرفه زين ما زين

ما انكر ان يعاملني من احسن ما يكون و يهتم فيني و علاقتنا ببعض جدا ممتازة

و لكن مثل ابتديت صراحته تقتلني عبارة احنا احين في فترة تعارف حق كل واحد يفهم الثاني اكثر

و الحمدالله متفاهمين لكن ان يتكلم لي عن مواضيع تخصه و امور كانت تضايقه قبل احس ما ادري شلون

على سبيل المثال قبل لا يخطبني صار له موقف مع وحدة من قرايبه مطلقة و اخوتها لصقوه تهمه

ان كان على علاقة فيها و هو متضايق من هالشي كان لان هوه عارف نفسه و شخصيته ما تسمح له لهالانحطاط بس كانو يبغون يلصقونها فيه كونها مطلقة و بعد ما خطبني انقهرو منه و هالحجي الي يصير فهوه كان متردد يفاتحني بهالموضوع كونه يقول ما يبي يضايقني على شي اهوه ماله دخل فيه مجرد تلفيق تهم و ابوه الله يحفظه وقف معاه كونه عارف اخلاق ولده الي هوه خطيبي

هوه قالي ان فاتحني بالموضوع كون ما يبي يوصل الي كلام غلط و يعملو مشاكل بينا فحب يخليني بالصورة

صحيح تضايقت من الموضوع لكن كبر بعيني كونه صريح جدا ما يحب يلف ويدور

بس كله تجيني اوقات افكر بهالموضوع الي فاتحني فيه اعوذ بالله من الشيطان الرجيم مع ان كان واضح بس ما ادري ليش تجيني تهيئات و افكار سودة

الله يوفقك حبيبتي ويتمم لك

بعض الاحيان،، كثرة الكلام،، تجيب كلام ماله داعي وسواالف مو المفروض الواحد يعرفها عن الثاني

وبالنسبه للسالفة اللي قالها خطيبك

( ما اقدر افيدك) لي تحفظ عليها،،

الاخوان والاخوات ماراح يقصرون بآرائهم

بالعكس صراحه احينا تكشف لك اشياء عنه خصوصا بهذي الفتره

واذا تشوفين ان صراحته مو مهمه بالنسبه لك ~ تقدرين كل مره تغيرين الموضووع او تبادرين باغلاق الخط بحجه انشغالك ~

موفقه

مشكورة اختيه ع الرد

هو انا ساعات احبه ان يكلمني بصراحة و يشاركني بخصوصياته و ساعات لا ، و ما اعرف اغير الموضوع لانه هو ان يكلمني بموضوع مهم او حساس يكلمني من قلب و يبيني اسمعه حتى لو الشي يضايقني بس اضغط ع حالي حتى اخليه يفضفض :$
و يوفق الجميع يارب

و بانتظار اراءالبقية

انا لو مكانك انبسط لانه صريح ولانه اصلا ماغلط
تخيلي لو انك عارفه الموضوع من برا اكيد كنتي بتقولي لو فعلا ماله دخل والقصه تلفيق كان صارحني وماخاف
ابدا لاتحسسيه انك تدايقتي عشان دايما يكون صريح

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب