أريد أن تعود علاقتي بقريبتي كأخت
بببدأ في كتابة التفاصيل بدون مقدمة
انا بنت عمتي اكبر مني بكم سنة كانت تحبني جدا جدا والاحظ في نظراتها وتصرفاتها معي احنا عايله
نجتمع سوا والحريم يلتزمون بالنقاب والطرحة الكبيرة على روسهم
اذا كشتنا نطلع سوا وبعض القعدات نكون سوا مو كلها النادرة بس الغالب الحريم الحالهم والرجال لحالهم
المهم هي دايم تحاول في الطلعات انها تركب معي في سيارتي بحكم انها صديقة خواتي
ونسولف ونضحك سوا انا وهي وخواتي يعني سوالف ضحك وفرفشة
هي بصراحة مابعد صدر منها شي قليل ادب ابدا
بالعكس هي بنت تستحي جدا وخلوقه لكن شفت حبها لي بعيونها
وكنت في بداية شبابي ازورهم وانام عندهم بالايام يعني مندمج مع اخواتها في إلتزامات وطلعات في الاجازة
مع اننا في مدينة وحده
المهم اصادفها بالغلط مراااااااات كثيرة وهي بدون حجاب هي بصراحة جميلة بل في منتهى الجمال والرقه
والنعومة
انا من ناحيتي انا بصراحة مدري وش اقول مدري مشاعري تجاهها عادية
يوم من الايام جتني وحده من قريباتي وقالت فلانة اللي هي بنت عمتي تبيك وودها تتزوجك
يعني ارسلتها لي تخطبني فرفضت بطريقة مؤدبه
التكملة في الرد التالي ارجو عدم الرد
انتظروني
بعد مارفضت تغيرت علي 180 درجة
احنا اهل ولازم علاقتنا في بعض طيبة
صارت ماعاد تركب معي في سيارتي وحتى لو اضطرت في مشوار ضروري تركب معي هي وامها عمتي
صارت ماتسولف طوال وقتها مكتمة وساكته طوال المشوار ترد على قدر السؤال
ولا ترد على رسايلي
طبعا احنا عايلة عندنا الرسايل في الجوال والماسنجر بين الاهل المقربين عادي
اذا ارسلت ماعاد ترد وفي الماسنجر كنت نتكلم سوالف عادية مافيها شي مايرضي الله
بس اكتشقفت انها حظرتني مدري حذفتني اشوفها متصل عند خواتي وعندي لا
بعد فترة اشهر تزوجت ووانا بعد فترة من زواجها تزوجت ومرت فترة طويلة صار عندها عيال
المهم الى الحين احس انها مانست اذا سيرت علينا او اجتمعنا في اي مكان
تنزوي في مكان اذا انا موجود
المهم مره واحنا مجتمعين عند عمتي الثانية شفتها بالغلط
ماقدرت ارفع عيوني منها كانت اجمل من زوجتي بكثير كثير كثير طبعا مع العلم اني احب زوجتي اكثر منها بكثير
وهي اظن انها تحب زوجها اشوفها تحط صورته في صورة الماسنجر حقها
بس حاليا افكر في بنت عمتي كأخت
دايم تجي على بالي احيانا اندم اني ماوافقت يوم خطبتني واحيانا اقول احسن لاني مااحبها
المهم الحين مشكلتي
اني ودي نرجع زي قبل كيف يا اخوان
احنا مثل الاخوة واهل ما ابي بيننا هذي الامور
كيف ترجع زي قبل ؟
تكفون ساعدوني
التعديل الأخير تم بواسطة أم داليا ; 30-11-2010 الساعة 05:08 PM
30-11-2010, 04:36 PM
ضوابط المشاركة
العرض الشجري