علاقة ابي بزوجي ....زوجي لايعلم !فماذا افعل انصحوني !
اعيش فترة قلق وتعب
ابكي كل صباح
من حياتي
رغم جمال وراحة حياتي الزوجيه
والله يخلي لي زوجي ولا يحرمني منه
ولو زعل مني ع طول لااصبر اراضيه وابكي واتعذب لكن المهم يرضى
مااحبه يزعل ابيه دوم ملاك
وهو ايضا المهم
الموضوع الاساسي علاقة ابوي بزوجي !!!
للاسف زفت وزوجي ليس له علم !!!ابي هداه الله يجرح بزوجي ويسبه ويشتمه ويلعنه !!
بسب ان ابو زوجي مثلا مزح معه مزحه ثقيله !!! وابو زوجي عمره 80 سنه
وابو زوجي بسب مرضه السرطان المنتشر اصبحت نفسيته زفت يمزح مزح يجرح
فزعل ابي !!!واتى ألي نا بنته المتزوجه الوحيد ويهزئء في زوجي الحبيب !!وهو لاذنب له !
فانا هنا لم اتحمل فدافعت وامي واخواتي معي ...فقام يسب زوجي ويشتمه امامي واما م طفلي وعمره 2 سنتين لم يرحم فلي ع الاقل او يحترمني
قلت له انت ليه ماترد ع ابوه !!
مو تجيء وتهزئء بزوجي اللي ماله أي ذنب ولم يفتح فمه بشيء
اذهب وسب الشايب !!!!زوجي ماله دخل
وزوجي لايعلم عن شيء ....
فقال ابوي للاسف !!!!
اطلعي من البيت لعد تجين هلبيت انقلعي الله يلعنك ويلعن زوجك الزفت لعنكم الله ووو.......الخ كلالالالالام بذيء اخجل اكتبه !!!
تعبت لي 4 سنوات لم اكمل حتى الاربع لم ارى يوم
ان ابي يقدر زوجي و يسئل عنه او يهدي له بهديه كما يفعل زوجي !
بعد طرده امي ترجتني اقعد لاني لو طلعت وزوجي علم معد ابروح لبيت اهلي وابوي بيقوي نفسه اكثر ويمكن توصل لمد اليد ع زوجي !!!
ومعد ابدخل واخواتي يترجواني ويشجعوني اجلسي وماعليك فيه !!ترى انتي للان ماتعرفين ابوي والله ان امي تتحمله لدرجه الطرد وتقعد
وحنا يالبنات متحملين بقوه
هذا ابوي فلا توترين المشكله اكثر وين صبرك ياهمس ومن هلكلام !
تخيلوا رغم طرده لي جلست ولا همني كلامه اللي قاله !
وكان تعامله مع ولدي اللي عمره 2 سنتين سيء ومستفز لي انا بلذات
فاتصل زوجي ياعمري وماهو عارف بلي صااااير ؟!
فقلت
لا اجل جيتك لي وخذ لاهلك وعطيته عذر فقال متى ابجيك
قلت بيوم الاحد مثلا قال اف ليه
قلت كذا ...خالتي بتجيء من الخرج وبكره ابزور عمي مع ابوي كملي منه واستغفر الله كذبت لاجل ابوي مايواجهه زوجي ويتكلم عليه ويطردنا لأن ابوي ناوي يسوي هالشيء اذا
واجهه ويصبر متى يجيء ويفشلني انا امام زوجي ؟
وتعرفون انتوا
زوجي اكيد بيعلم اهله
وعمتي هداه الله بتتكلم علي وبياخذون موقف
واتى دوام ابي ....واستلم والحمد لله فرتبت شنطتي وذهبت مع زوجي الغالي
وزوجي لايعلم امي دائما تدعي له وتقول زوجك ماقصر والله انه كريم معنا ويواصل ويسئل
ابوك الله يصلحه ترى عادته يخرب علاقته مع أي احد خارج عائلته
زواج خالاتك قد فضحنا منهم
وناس كثير بسب او بسب سخييييف !
فعادي انتي حاولي ان فلان (زوجك ) مايعرف ! انا تعبت يااخوان
والله العظيم تعبت وان ببيت اهلي كأني مخرجه فلم هروب من بيت اهلي في ظل غياب ابي قبل رجوعه ...
والسبب لاجل زوجي مايقابل ابوي ويخرب كل شيء وابوي هداه الله
مايمسك لا يده ولا لسانه امي وهي امي ناويه تتركه بعد مايكبر اخوي وتقول خلاص انا تعبت منه !!!!
رغم ان ابوي طيب باوقات العاديه لكن مايبي مسوليه خلوني اعيش حياتي
مالكم دخل فيني عمره قرب الخمسين
والله لو تشوفونه تقولوا هذا ماشاء الله عاااقل وهو تفكيره وحركاته ولد
العشريييين !للاسف اني اتكلم عن ابي كذا ولا ودي لكن
ابي للاسف هدم تقديري له هدم حبي له هدم الحنان اللي بيننا اصبحت حاقده عليه جدا جدا
تخيلوا والله العظيم حتى ولدي الصغير مايحبه مثل ابو ابوه .هذا وهو صغير فما بالكم لو كبر ودرس واصبح يفهم هو من يذهب وبيقول لاابوه كل كل شيء ...! وش اسوي خايفه ماابي زوجي ينجرخ من اهلي لا بل من ابوي ماابيه يعرف وجهه ابوي ال 2!!! السيء بنظري
ابوي للاسف مره ابي استقبل زوجي استقبال سخيفلم يخرج لااستقباله
لانه اتى بوقت مباراه للهلال !!!
فطلع بعدها بشوي وهو معصب وملحوظ !! وزوجي يسولف وابوي مو متفاعل فااصبحت امي ماسكه زمام الامور !! فولدي الصغير ولوحيد
كان توه يمشي فكل شؤي يمسك تحفه كبيره زجاج..ابوي (يبي يقوم زوجي او يطرده بشكل غير مباشر ) فقل ابوي لااخي الكبير اللي عمره 12 سنه
قال
جيب سلك الملابس !قال اخوي وهو خجلان من زوجي ومصدوم من ابوي وحركته !
لا قال ابوي جيب لااجيب واحطه ع ظهرك قام اخوي وهو خائف ومنحرج وخجلان !!!وانا كلنمله اما م زوجي
تخيلوا سكت زوجي وسكت وبغيت اتكلم لكن سكت ّ!!وقلت بخاطري حسبي الله ونعم الوكيل
فتشوفوا ابوي يهدد ولدي وعمره سنه بذاك الوققت !!!
يهدد وكانه يهدد ولد مراهق عادي عندي يهاوشه عادي كااي اب لكن يسب ويلعن لا !!
المهم فااصبح ابي
يناظر بلساعه كل دقيقه قصده روح يافلان مانبيك (قصده زوجي )!
واصبح يحرك سلك الملابس بلقرب من زوجي كاتهديد استفزاز وكان زوجي طفل !!!
زوجي يناظر فيني نظرات صدمه من ابوي !
وانا بغيت ابكي بغيت انجلط من ابوي اللي حركاته حركات اطفال !!
وغير كذا كان ولدي بااحد المرات
يلعب بلمجلس واخوي معه وكلهم صغار فكبوا العصير ع الطاوله !
فشالها ابوي
وكان زوجي يقول عادي عادي بنمسحها
يعني يهدي الاطفال من خوفهمم شوي ويطمن ابو ي
فشالها ابوي ودخل المطبخ عندن وقال الله يلعن ابو هلولد !!!!!!!!!!
وبصوت عالي قالها دون أي احترام لا لي ولا لزوجي !
وزوجي اكيد سمعه لكنه طنش ومشى السالفه لااجلي انا خايف ع زعلي
من تصرفه وخايف من ردة فعلي فزوجي شخصيته عصبي جدا جدا ورغم ذلك عند كم هائل ماشاء الله من الصبر نظرته للامور بعيده قبل أي تصرف يتصرفه الله لايحرمني منه يارب
المهم وهذا غير غيرة ابي اللي احسها من زوجي والسبب لااعلم اما حقده فانا اعلم لماذ!
بسب موافقتي ع الزواج من هلزوج ورفضي للانتظار لولد عمي لخطبتي !
يريد ان اسمع كلمته بان يزوجني ولد عمي للي مافكر يدق الباب
ولا يتصل وابوي له حول 20 سنه ماشافه من الاساس
والسبب ازوج بنتي من العائله ولا ازوجها بوحد من خارجها
وزوجي ملتزم وابوي العكس !
فهذا ماكان عاجب ابوي من البدايه وافق ابي بضغط وبكى من امي ليس لا \
وعتاب امي له كيف تمسك بنتك لشخص مافكر فيها ولا اتصلوا علينا وهو من الاساس اخلالالالاق ولد عمها زفت وانت عارف !
فزوجني وماقصر ابوي عطاني لعنه بيوم ملكتي بدل مايسلم ويقول مبروك
وكل مايدق زوجي يهزئ ابوي زوجي امامي طبععا وزوجي لايعلم للان
فااخذت مفتاح قسم الرجال ببيتنا وصرت اتكلم مع زوجي براحه لابعيدا عن مضايقااااته يايدق الباب
ولا ينفخ علي
ويهزيء يبي يطفشه مادري !
لم يجهزني بيوم زواجي وفشلني من زوجي معي بس لبسة اول يوم واشياء كماليه
وماعطاني ع الاقل 1000 ريال لااتجهز كذا
زوجك يجهزك !وماقصر زوجي اليوم ال2 شافني بكيت وسئلني وقلت له السالفه ونزلني وخلاني اتقضى من الى ! الله يفرج همه يارب ويسعده
والان طردني 2 مرتين دن علم زوجي !
متحمله اخلاقه السيئه اصبحت ابعد زوجي عن اهلي بقدر المستطاع لااريد ان يجلسون مع بعض
لاجل مايجعل تقرب زوجي لااهلي يقلل من قيمته او احترامه
ولاجل ابوي لايتجرا عليه !
وزوجي لايعلم عن ذلك
لايعلم عن لسان ابي الذي يسب فيه لاجل ان ابوه يمزح معه !
لايعلم ان ابي من الاساس كلن رافضه ويلقبه القاب لانه ملتزم
ولا يعلم !
لم اتوقع من ابي انه رافض يوصلني للمدرسه اللي ابختبر فيها رغم انه فاضي
رغم اني جايه من الشرقيه للرياض
لاجل ولدي لاني لم اجد احد بمنطقتي يهتم به فاامي واخواتي قالوا حطيه عندنا وحنا بنهتم به 7 ايام
رفض بطريقه غير مباشره انه يوصلني
وانا بنته البكريه المتزوجه ومعها احلى حفيد يسليه ويضحكه بلاغلب ويسليهم بلبيت للاسف انا تحطمت وبكيت جدا جدا من يوم ما وهو عندما طلع بموقع الجامعه ان يجب تحديد موقع الاختبار !!!!
وقلت لزوجي الحبيب فقال حدديه عند اهلك !
بسب الولد يجد خالاته وجدته تهتم بها واخوك الصغير يلعب معه .فحددته بلرياض علما باني بلشرقيه
فرحت اخبر اهلي باني حددته وامي واخواتي فرحوا وقالوا حلو لاجل نهتم بولدك ولا يهمك حنا بنهتم فيه !
وبوووي للاسف
قال بصوت عالي !!!
ليه تحطينه هنا بلرياض !
ليه ماحطيتيه هناك (قصده بلشرقيه عندنا لاجل زوجك يوصلك ماني فاضي لك )هذه الرساله التي اراد ان يوصلها !
تحطمت وتفاجئت وقالت امي هذا ابوك وما عليك منه
خذ ي لك سواااااااااااااااااق
ليتكم تدرون
كم خسرت زوجي
ع الجامعه وخسرت زوجي وخسرت ع هلسواااااق
هذا ممن غير ان النفسيه تعبانه من قبل
لكثرة السفر للرايض بسب تعب ابوه بلسران المنتشر
الله يشفيه ....
فاتحني زوجي بان الميزانيه خلالالالاص !
قلت ابشر ابوقف درااااسه لكن هلسنه بس تعدي
والسنوات الباقي ابكملها بعد سنوات وبعد السكن !
لان عمله بيطلع لنا بيت ملك باذن الله قريب
وبعد السكن ابصبر كم سنه زيااااده لين يصلح الحال ويسمح لي !
للاسف
ابي جرحني بلسابق
وجرحني الان
ودائما يسب زوجي بسب لاذنب له
وانا ادافع عنه واواجهه بلحقيقه وامي معي واخواتي لنقول الحق
وهو ينحرج فيرفع صوته وغى يمد يده ع وحده من اخواتي
لانها قالت كلمه معها حق بها !!!!دفعا عن زوجي !!!!
وانا طردني من البيييييييييييييييييييت !!!
حسيت خلالالالالالالالالاص !!! ابوي زوجني قصده ماني فايده منك انتي لزوجك !!!! معدك لي !!!
وهذا نظرته بناتي الاربع او البنات مامنهم فايده لانهم بيروحون
وبيتزوجون ولا بينفعوني بشيء !
وقد قالها اكثر من مره !
تحطمت يااهل المنتدى مافي اجازه تمر وانا عند اهلي الا وانا ابكي باخر الليل من لسان ابي
وتجريحه لزوجي
وبغضه لولدي وتعامله الجاف مع ولدي اللي عمره سنتين !!!واللي يشوفه يقول عمره 20 سنه !!!
يستفزني انا بتعامله مع ولدي يريدني اهاوشه لاجل يطردني مره 3 !
ولكن اصبحت مااعطيه وجهه
ولا اعطيه اهتمام
وابعد ولدي عن وجوده امامه
واصلن اخواتي يشيلونه ويطلعون هم واخواني برا عنه
وولدي عادي مادرى
اصبحت ثقيييييييييييييييييييله معه جدا جدا وكانه واحد بعيييييد عني
لااعتبره اب الا بلاسم فقط
اصبحت اتغاضى عنه مااجلس معه وبنفس الوقت مااعاديه لاجل يزيد عادي
اخذ وعطى والسلالالام !
رغم ان زوجي
والله العظيم ثم والله
ماهو مقصر يتصل باابوي وامي كل جمعه
ويسلم عليهم
وانا بعد بااهله فهذا اليوم نتصل وهذا واجنا اتجاه اهلنا
وعادي ولا كأن شيء صاير
وزوجي ليومي هذا مو عارف
واخواتي الله يسعدهم وامي لو ماهم هم كان مادخلت البيت بعد طرده للي 2
المهم
زوجي مايدخل الا ومحمل اكياس بلحلويات لااخواتي واخواني
ويعيد امي بهديه غاليه
ويعطيني عيديه لااعيد ابوي
اللي ابوي ولا مره اهدى لزوجي ولا اهدى لي ...
امي بس تكلمه وتضغط عليه لاجل يشرون لولدي لبسه للعيد لااني اكسي اخوي الصغير لبسه مع ولدي
لااني اعتبرهم كلاخوان
والله العظيم لاانتظر من ابي الا التعامل الحسن مع زوجي ولو علم زوجي
لكنت انا بااحد المستشفيات منجلطه !
والله لاابالغ
لن زوجي عصبييييييييي
وابوي طباااعه .......!
فاابي نصيحت كل اب وكل زوج وكل ام وكل اخت
هنا بلمنتدى ماذا افعل
وش الحل لااوقف ابوي عن استفزاز ابي له
قللت زيارات زوجي لبيت اهلي
ولكن مع ذلك امي تنحرج وتقول ماعليك ناديه انا ابيه وابوك الفضيه براسه !
قلت ياامي ابي علاقة زوجي بكم كما هي احترااام
وتقدير !
زوجي بياخذ موقف
وهالشيء بيجعل اولادي بلمستقبل يتحسسون ولا الومهم !
فماذا تنصحوني افعل
هل استمر بهلوضع اقلل زيارات زوجي
واناديه اذ ابوي متوعد !بيوم استلامات ابي للعمل \
طيب ابوي هذه اخر سنه له وبيتقاعد بلعمل وليس له مكان يذهب لا البيت وزوجي متى اناديه لبيت اهلي وابوي موجود
ابي نصيحه منكم لي او لو انتم مكاني بلمواقف التي ذكرتها وش بتسوون تعبت
نفسيا واخرها
سالفة انه مايوصلني للاختبار !
وزوجي صدم بعد من ناظرته فهمت وين عمي اللي هو ابوي!
__________________
اللهم فرج همي وهم كل مسلم ...
التعديل الأخير تم بواسطة همس 2009 ; 26-12-2010 الساعة 09:16 AM
26-12-2010, 09:08 AM
ضوابط المشاركة
العرض الشجري