السلام عليكم ورحمه الله وبركاته .. يابنات انا محتاجه ارائكم ومساعدتكم لي ...بليز تساعدوني..

انا بنت متملكه وخطيبي يزورني بالبيت طبعا معروف اول زياره لاني بجلس معاه لوحدي ارتبكت وحست الدنيا ... لما بيطلع قالي عطيني بوسه طبعا بعد محاولات عطيته واحس اني مشبوكه على كهرب 220 ...

كلمني بالجوال قالي أريد الزياره الثانيه غير. لما اقولك تجين تجلسين جنبي تجين وتعطيني قبلات ومن هالكلام وقالي أريد منك أكثر نروح الغرفه اللي جنبنا وعادي انتي زوجتي وما راح يصير شي .. بس انا لازم ارتاح لاني اتعب اذا ما ارتحت .. ويتقفل مزاجي.. وقالي عادي واحد من زملائي خطيبته ما كانت تخجل .. ولما قلت له بالجوال خلاص بيصير الشي هذا قالي ايوه هاذي البنت الفاهمه والرومنسيه .. طبعا انا انبسطت لاني حسيته مبسوط..وقالي الزياره الثانيه ابيك تقفلين الباب ونروح الغرفه وكلها خمس دقايق ما بنطول وبتبقين بنت .. طبعا انا واثقه فيه من كلامه ...وبنفس الوقت كان عندي العذر الشرعي .. وانا على كلام المتزوجات عطي خطيبك كل شي علشان ما يروح للحرام.. والمشكله اني استحيت اسال احد وبعدين جديده على الوضع وما ادري وش الطبخه اللي اعرف ان الوحده تسمع كلام زوجها وتحاول تبسطه... جات الزياره وقالي قفلي الباب وقفلت الباب واحنا لسى بالصاله وقبلني ، وانا معه قلت له نروح للغرفه ((كلمتي قويه مره )) وندمانه عليها بس قلت كذا علشانه علشان ابسطه لانه يقولي اذا ما ريحت اكون متضايق.. لكذا ابيه يرتاح.. وبنفس الوقت عارفه انه ما راح يطلب أكثر لاني عندي العذر الشرعي ... سالني قالي تصلين قلت لا ... سكت وجلسنا بالصاله ما رحنا للغرفه..يعني بس على ضمات وحضن ..

بنات انا ندمانه مره وانقهرت اني سمعت كلامه ... تمنيت ما صار الشي هذا وبنفس الوقت مقهوره على كلمتي .. وقلت توبه ما عاد اسمع كلامه وما اسوي اي شي الا لما اكون انا مقتنعه فيه .. وكانت الزيارات اللي بعدها بس قبلات خفيفه ...



بنات انا محتاجه مساعدتكم لاني ماقدر افضفض لاحد اسراري .. هالحين احس منه اسلوب التطنيش وعدم الاهتمام فيني ... يعني يمر كذا يوم ما يكلمني .. وما يسأل علي انا محتاجه شي او لا ... وعجزت افسر اسلوبه .. اللي اعرف ان الواحد يشتاق لخطيبته ويكلمها صباح وليل .. ويسالها اذا محتاجه شي او لا ... انا ما شفت الشي هذا منه .. انا احس تعامله معاي علشان اني عطيته الشي هذا ومن ثاني زياره ((الله يسامح المتزوجات ونصايحهم)) لكذا خلاص خذا الشي اللي يبيه ومعاد يهتم فيني ... بنات تكفون ساعدوني وش اسوي انا محتاره مره مره من اسلوبه معاي..

ودي أفهم .. ما دام أنه مو عاجبك الوضع , ليه تستقبليه من أصله .. ارفضي وريحي راسك ..

ولعلمك هذه الفترة الوحيدة اللي يكون فيها الرجل رومانسي ومتوقد .. وبعد الزواج ,, كل ذلك يختفي ..

خاصة اذا كنت جافة معه أو مثاقله في هذه الفترة ..

وصدقيني بعد الزواج زوجك سيندم على هدره لكرامته بتعامله الشهواني الأهوج .. لأنه البيت له احترامه

وخاصة اذا المخطوبة غير رغبانه

الله يهديك وش سويتي

الرجال لو كنتي اشرف انسانه بالوجود وجاريتيه خوصا بهذي الفتره راح يشوفك ولا شي

بعدين انتي فاهمه نصايح المتزوجات خطاء الملكه لها حدود مو مثل الزواج



الحل

لا تسقبلينه ثاني وعلميه انك ندمانه قد شعر راسك بلي سويتيه عن جهل ضروري يعرف هالكلمتين

اختي اول شي تذكري انك ببيت اهلك وتذكري ان البيت له حرمة وان عيب واكبر من العيب تحصل في بيت اهلك امور كذا لو ادري ان اختي تقرب اكثر من المعهود من زوجها ببيتنا وربي تقوم على راسها الدنيا من اصغر اخواني لو بالابتدائي ,,,

ماعلينا الي راح راح المهم بكرة

اثقلي شوي عليه واستغفري ربك على الي صار وورية انك مره متندمة على الي صار لانك انتهكتي حرمة بيت اهلك لاتخلينه يتكلم الا بعد ماتخلصين بعدها قولي له انا تعبانه وماقدر اكلمك الحين وانا غلطانه اني سمعت كلامك وعلميه برسالة ان هذا الشي معد بيصير والباب لاتقفلينه لو يزعل يبقى مردود اقل شي يمكن تحاولين تسوينه والله يوفقك اختي ويبارك لكم ويسخر زوجك لك

اختي انتي لم تفعلي شيء يخدش كرامتك لانك زوجته شرعا .. و المفروض ان يعلم جيدا ان جراتك معه لا لشيء الا لانك فقط زوجته و لو لم تكوني زوجته ما تجراتي عليه .. بعض الشخصيات معقدة جدا .. ينظر لخطيبته بعد الملكة بنفس نظرته لها قبل الملكة و لا يفرق كثيرا بين الوضعين .. و الواقع انه شتان بين الوضعين .. ربنا يهدي ..

فعلا انتي فاهمة النصايح غلط
كل شي له حدود بهالفتره
ربي يفرج همك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

الغلط من أهلك كيف يخلونكم لوحدكم..

انتبهي لنفسك.. وكم من البنات تركوهم ازواجهم بالملكه بعد ما اخذو منهم كل شيء..

ما شاء الله عليك.. من وين جبت كل هالجرائه.. صدقيني هو مقهور منك ..

وتلاقينه في نفسه قاعد يقول من أول محاوله أخذت كل شيء طلبته..

الله يسعدك .. ويستر عليك.. حاولي أنك تصلحين صورتك في عيونه..يعني قليله الله يسامحك ليش سويت فيني كذا

وحاولي تحسسيه بالمسؤليه.. قليله أنا زعلانه منك ومن نفسي.. وما أدري كيف سويت كذا..ولا عاد تطاوعينه في الزيارات.

أو خلي واحد من أخوانك الصغار يجلس معكم وقليله هذا أمر من أبوي..

الرجال يحب البنت الثقيله.. آسفه لو كنت قاسيه عليك .. بس لازم تفوقين.. الدنيا غابه..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

دا الكلام الصح

احنا مستحيل عندنا احد يجلس لوحدوا دقيقتين مو تقفيل ابواب وكل دا الا يسير صح حلال بس ماحد يضمن العواقب ياما بنات ماكملووا في شباب يملكوا ويسوا الا يبوا وبعد كده يروح يدورو تانى لمن هو مستعجل ومايقدر يصبر يسوي الفرح

__________________
ياررب ارح قلبي وعوضني خير

اسألي عن دينه و صحابه و اخلاقه
و اذا كان الكل بمدح فيه عجلوا الزواج و اخلصوا من هالمشاكل

ليس من الخطأ ان تاخدي راحتك مع زوجك و لكن يجب مراعاة العرف
و الزفاف لو كان بعيد يجب ان تحدوا من هذه اللقاءات و تباعدوا فتراتها

ان كان همه الوحيد هو العلاقة الخاصة فهذا يدعو للشك بنيته
اسألي عنه جيداً قبل ان تتزوجيه
بين الملكة و الزفاف فترة حساسة و تختلف الحدود فيها تبعاً للعرف
طالما أهلك سامحين لكم بأن تبقوا مع بعض و الباب مقفل
فافعلي ما تريدين وتجنبوا ما بين السرة و الركبة إلى ما بعد الزفاف

__________________
.
.

استودعتك أهلي في سوريا يا من لا تضيع ودائعه

اقتباس:

فافعلي ما تريدين وتجنبوا ما بين السرة و الركبة إلى ما بعد الزفاف

مع العلم اختي فراشة أن التنفيذ صعب جدا ...

فالأفضل تفادي هذه المواقف