السلام عليكم
ارجو منكم الراي السديد،،
لدي ابنه تبلغ من العمر 9 سنوات بالصف الرابع الابتدائي،،مشكلتي معها ان علامات البلوغ كبروز الثدي وظهور العلامات الاخرى قد بدت تظهر عليها،،،جلست معها كثير وفهمتها كل مايتعلق بهذه المرحله،، بس احسها صغيرة وماتستوعب كل اللي قلته لها!!!!!
سؤالي هو/ هل من الصائب ان اقوم معها بازالة مثلاا الشعر الزائد حتى تتعود على ذلك لان بالكلام مافهمتني ابد هل تصرفي بهذه الطريقه صح ام خطأ
اذا كان خطأ كيف اتصرف معها من حيث نظفتها الشخصيه من هذه الناحيه؟
لكم مني جزيل الشكر،،،،،

وعليكم السلام ورحمة الله وبركاته

أهلاً فيك أختي الكريمه والله يحفظ لك بنتك ويجعلها من الصالحات
أشوف أن الأشياء هذي نتعلمها بالفطره بدون مساعده مو الكل طبعاً فيه بعضهم مابيهتموا بالذات أذا تعودوا على الأهمال من الصغر واللي بيكون بلوغهم بعمر مبكر شوي بيكونوا محتاجين لمساعده وأهتمام أكبر من غيرهم

فمن وجهة نظري أذا حسيتي بنتك مو قادره أو مو فاهمه مااشوف فيها شي لو ساعدتي بنتك وعلمتيها بالبدايه ولازم تفهمينها أنه عيب أحد يشوفها او يساعدها بالأشياء هذي لكن لأنك أمها بس وحتى تتعلم دخلتي معها
حتى تتعود وتعرف كيف تنظف نفسها وتهتم لأنه بالغالب الواحد يكون أهتمامه بنظافته الشخصيه على ماتعود عليه في صغره
والله يخليها لك ويجعلها من البارات فيك

__________________
أشتقت لكم جداً 💔

ربي يحميها ويجعلها من الصالحين

ظهور بعض العلامات الان لا يعني انها بلغت وممكن تظل سنتين أو ثلات قبل ما تتم عملية البلوغ .

أشوف انه الفكرة العامة اللي أعطيتيها اياها كافية مهما كان قدر المعلومات اللي استوعبتها ,,

أشعر انه بنت بعمرها صغيرة على ألم التنظيف الا اذا كنتي بتعلميها على كريمات مزيلة الشعر ..

ممكن لو بدأت بعمر 13 أو 14 يكون حلو ... أو عند تمام بلوغها .

__________________

أختي بنتك لساها صغيرة عن هذي الأمور ( 9 ) سنوات كثير صغيره حتى لو ظهرت هذي العلامات ماراح يكون البلوغ على طول مباشرة بعدها يمكن يتأخر سنتان أو ثلاث سنوات بالكثيير ،، لا تشغلي بااالك كثيراً فهي صغيره يلزمها وقت حتى تستوعب ما يحصل معها من تغييرات ..

__________________

بالعكس يااخوات الزمن تغير وبدأت علامات البلوغ تظهر بشكل مبكر اكثر من ذي قبل وذلك بسبب الاطعمة التي تزيد الهرمونات..وانا اشوف انج تعلمينها من الحين احسن ومافيها حرج

جربي إنك تشيلين لها الشعر بالبداية ..
إذا حسيتِ إنها منحرجة .. قولي لها تقدرِ تشيلينه إنتِ بنفسك .. ؟
إذا أبدت موافقة كُنِ معها في البداية حتى تتأكدي من أنها أحسنت العمل و ما تؤذي نفسها ...
و إذا أبدت الرفض إستمرِ بنزعه لها لحتى تتعود و تكبر شوي ؛

لاتخافي حبيبتي توه بدري عليها قدامها كم سنة لين يكتمل بلوغها
بس حرام لاتعوديها من الحين على نتف ومن هالكلام
أهم شي نظافتها من الإستحمام وتغيير الملابس الداخلية بعد كل وضوء ومن هالكلام بس
عقبال تشوفيها أحلى عروسة

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

اختي بعض الفتيات تبلغ بسرعة وقبل موعد البلوغ الرسمي
تحياتي

من الافضل اختي تعلميها من الحين مادام العلامات بدت بالظهور
الله يخليها لك

__________________
[img]http://im9.***********/2011-08-29/1314659490971.gif[/img]
اللهم اكتب لنا حجة او عمرة يارب

.. بنت صديقتي , بلغت في عمر التاسعه !! << يعني جتها الدورة الشهريه ..

وطبعا بهالزمن البنات يبلغن بسرعه , من الهرمونات الا بالاطعمه !! وغيره وغيره ..

.. المهم أختي ..

.. خذيها بحضنك , وبوسيها , وقولي ليها , راح أقول لك سر , وابيه يكون بيني وبينك .. أبد أبد لا تقوليه لاي أحد ..

.. بعدين كلميها عن البلوغ , بس أستخدمي مفردات تناسب سنها .. أنا سويت جذي مع بنتي الكبيره ..

..

أما عن الشعر .. فمثل ما قالت لك الأخت ( أم داليا ) ..

طبعا اذا شعر طويل وكثيف .. بس اذا الشعر شوي وقصير .. خليها شوي ..

.. الله يخليها لك .. وتشوفيها عروووسه منورة الكوشه ..

__________________