السلام عليكم ورحمة الله وبركاته

انا حابه ادخل بالموضوع

انا تعبت من زوجي لطريقة تعامله معي وضربه لي ونداءه لي بكلمة ياورع مايقولي حبيبتي ام فلان لالالا مايقول غير ياورع سولي اكل غير كذا جته الجراءه انه يقولي انه يشرب اذا سافر ولاجى السعوديه يسمر في استراحات ومايجي الا اخر الليل على الفجر كذا وانا محب انام معه لان فيه ريحه مقرفه وشكله يحشش
الله حسبي ونعم الوكيل ولي منه 3 اعيال بنتين وولد الولد 13 والبنت 11 والبنت الصغيره 4 سنوات
وانا ابي الطلاق منه لاني ماني حاسه فيه بحنان لامن عيالي الاثنين ولا منه يروح عمري معه على الهامش
اتمنى ايفادتي تكفوون
وفيه موقف صارلي كنت حامل وتناقشنا انا وياه بموضوع وقام وضربني وشدني مع شعري ورفسني بلارض الين اغمى علي تتوقعون من قام وحضني الخادمه
ويووم جاء وقت الولاده قالي اولدي عندي في الديره وانا على نية انه يحتويني واثاريه خايف لايجي البنت شي ويحققون معه ويعرفون انه ضربني
افيدوني

أختي ,, ماهي ردّة فعلك ,, بعد الضّرب ؟؟؟
و هل يوجد بينكم ,, لغة حوار أساسا ؟؟؟

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

هل احد من أهلك يعرف اي شي عن الموضوع اختي ؟
هل عندك أب حكيم او أخ حكيم ، خال او عم ؟

__________________
.
.

استودعتك أهلي في سوريا يا من لا تضيع ودائعه

ياليت اخبار ادارة المخدرات عنه لأنه الوضع تعدى الحياة الزوجية لأشد وأخطر ومحارب شرعا وأمنيا من دولتنا اعزها الله
ماسمعتي عن اللي قام يذبح ولده بالسكين لأنه سكران وماصحى من الفجعة الا بعد أن افاق من سكره
لحقي بسرعة تكفين

كيف تكون أحوالكم أغلب الاوقات ؟؟؟ يعني كيف نظامكم اليومي المعتاد ؟

موضوع الشرب والتحشيش غالب على حياتكم وللا بمناسبات محدودة ؟

بأول زواجكم وهو على هالحال أو جد جديد وتغير عليكم ؟؟ ومن متى تغير ؟ كم المدة ؟

__________________

لا حول ولا قوة إلا بالله العلي العظيم..

اللهم أجرها في مصيبتها واخلفها خيرا منها..

نصيحه مني اتركيه.. بعد ماتاخذين عليه صور.. في طريقه معاملته لك.. وحاولي قدر الأمكان يكون في شهود من أهلك وأهله على حالته..

عشان يسقط حقه في حضانه اولادك..أنت تخلصك منه سهل.. بس بعد خروجك.. راح يحول الضرب على أولادك..الله يعوظكم خير أنت وهم..

وحسبنا الله ونعم الوكيل..استودعتك الله رب العالمين الذي لا تضيع ودائعه أنت واولادك.. الله يفرج همك ..

أنت وكل وحده مثلك.. ولا يبتليني أو يبتلي أي وليه بها الشيء يارب .. ويصلح ذريتنا والمسلمين..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

منذ متى وانت تعلمين بأمر الخمر والحشيش؟؟

كم تبلغين من العمر..

هل سكتي من قبل لسبب معين

حددي رجائاً

هل لأنك احببته أو من اجل الأطفال(هل خفتي من ان يأخذهم) أو لأنكي لا تملكين ما تنفعين به نفسك (يعني ما عندك دخل مادي) أو خوفك من الفضيحه ...

اود أن اساعدكي لكن وضحي لنا بعض الأمور

الصمت وانا اللي تركته المجال بالشي ذا لاني ماشكيت لهلي من وقتها

مستحيل بيني وبينه لغة حوار لانه عصبي

بعد مافكرت بلانفصال قلت لاهلي كل شي

ابوي مات الله يرحمه واخواني مافيهم الحكيم لانهم متعصبين

دامني بانفصل منه وشلي وش للتحقيقات وهو يمكن ينكر ويدخلني بدوامه