كنت مقصرة بحق زوجي الشرعي و الآن خايفة يبحث عن غيري
مدري من وين ابدا بس رح ادخل بالموضوع دايركت
انا صار لي متزوجه 5 سنين وعندي عده مشاكل بحياتي الزوجيه..
كانت المشكله من بداية زواجنا وصراحه انا السبب فيها.. لاني كنت وايد مقصره مع زوجي بالعلاقه الحميمه .. كان عندي برود في بدايه زواجي واستمر معي وماكنت افكر اصلح من حالي بالمره في بداية زواجي ولا عطيت لهالمشكله اي بال وطنشتها وماعتبرت انه عندي مشكله ولا زم احلها مع نفسي
لانه زوجي وايد كان يكلمني عنها ويشتكي ويطلب اغير من حالي عشان مايصير برود بينا وانا ماعطيت لكلامه اي بال واستمريت بحالي هذه واستمرت لامبالاتي الا ان وصلت لطريق مسدود بعلاقتي مع زوجي
الحين احس انه انقلبت الايه صرت اشتهي زوجي وهو مايشتهيني وهو اعترفلي انه صابه برود كلي من ناحيتي وكلامه هذا جرحني وايد وانا مالومه بالعكس معه حق بس انا حاليا زعلانه على نفسي وعلى هالحال اللي وصلت له وعارفه كليا انه التقصير مني وضراحه كثير اخاف انه يتزوج لاني صرت بنظره غير مرغوبه مثل مايقول.. وصلت لمرحله الياس انه بعد هالسنين صعب يتغير الوضع وارجع علاقتي الحميمه يزوجي ككل مااحاول اصلح الامور اتذكر اني ضيعت احلى سنين حياتي وراحت من غير ماحس ارجع واجس انه مافي اي فايده والموضوع اصبح ماله اي حلول وصعب يتغير بهالوقت الضايع .. انا هالفتره قدامه ماحس اني اغريه ولا مثيره بالنسبه اله ومابحس بانوثتي معه وصايره جدا اشك فيك وغيوره لابعد الحدود وهذا شي طبيعي لاني عارفه اني مقصره
صرت اشك بكل حركه بكل اتصال شوفت جواله قدامي ترعبني احس اني لو فتشت فيه حشوف شي يصدمني واحس انه ممكن يروح يدور على الشي اللي ناقصه بره
صراحه ماعندي اي حل ولا عارفه كيف ممكن اغير من هالوضع
وللتوضيح زوجي من النوع اللي اغلب وقتو خارج البيت للعمل ومايتواجد بالبيت الا وقت النوم وتلاقيه من الساعه8 ليل تعبان ويدور على النوم يعني مدري ايش اقول احس مافي امل
تم تعديل العنوان ليتضح المضمون
التعديل الأخير تم بواسطة ماريا ; 20-01-2011 الساعة 09:15 PM
20-01-2011, 05:02 PM
ضوابط المشاركة
العرض الشجري