السلام عليكم ورحمة الله وبركاته

اشلونكم،،
شخباركم،،،

ماني عارفة كيف ابدا موضوعي!!!
باختصار
انا حاليا في لندن لان زوجي يدرس
تقريبا حياتي صارت فاضية
من عقب ماكانت لي نشاطاتي الاجتماعية الكثيرة بالكويت
الحين انتهى كل شي

اللي ابيه
طرق تخليني استغل وقت فراغي بشي مفيد
علما بان زوجي دوامه الصبح
وابي استغل هالفترة في اشياء تفيدني شخصيا
في اشياء اسويها بس الصراحة ابي أكثر
اللي اسويه حاليا
اقرا قران
ادخل منتداكم الرائع
+ اعمال البيت
ابي اشياء منتجة احس اني انتجتها



شاكرة لكم تفاعلكم

__________________
لا اله الا انت سبحانك اني كنت من الظالمين

عليكم السلام والرحمه والاكرام

كملي الدكتوراه حسب علمي عندك ماجستير .. واذا ما تقدرين ادرسي لغه ..

اذا زوجك مبتعث من التعليم العالي والحكومه تصرف عليه .. معناته الحكومه راح تصرف على تعليمك كمان .. فاستغلي هالشيء باكمال الدكتوراه او على الاقل دراسه لغه

__________________

الامومة هي ان تضحي بكل شيئ جميل ليكون في اطفالك الاجمل

اهلا فيك بمدينة الضباب و الف الف الق مبروووك الزواج

ربي يجعله الزوج الصالح لك و يرزقكم الذرية الصالحة

ممكن تشتركي بدورة لغة .. او اي دورات تخص تخصصك اللي انتي دارساه بتستفيدي كثييير

ممكن تسالي في السفارة او في المكاتب السياحية في لندن عن اماكن ترفيهية نسوية
مثلا نوادي رياضية .. مسابح
او حتى مافي داعي تروحي بس دوري بعمنا جوجل
حطيت women only gym in London
و طلعت لي مجموعة .. شوفي الانسب و اشتركي فيه و بعضهم فيه مسبح و ساونا
و اكيد بتلاقي فيه عربيات تتعرفي عليهم . او حتى مسلمات غير عرب ...

خلي زوجك يسأل عن اقرب مسجد في منطقتك .. و روحي له .. ممن تتبرعي
و تعملي الاطفال العربي او القران .. دايما يكونو محتاجين للناس متطوعين
و منها كمان تتعرفي على نساء عربيات و مسلمات .. و تعملي لحالك علاقات اجتماعية
و تتعرفي على بنات طيبات ... و بعدها تكوني تروحي لهم او يجو عندك و تروحوا شوبنغ سوا
و منهم كمان بتتعلمي انشطة جديدة بيدلوك عليها

هذا اللي يحضرني حاليا .

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

هلا حبيبتي انين الروح
ان شاء الله لي نية اكمل الدكتوراه
وبالنسبة للغة راح ابدا شهر 4 باذن الله
بس ابي هالشهرين اشلون استغلهم
مابي اقعد بطالية

اسعدتني مشاركتج

__________________
لا اله الا انت سبحانك اني كنت من الظالمين

هلا فيج اختي
والله يبارك فيج
فكرة النادي حلوة

باحاول اشوف نادي للنساء فقط


جزاج الله كل خير

__________________
لا اله الا انت سبحانك اني كنت من الظالمين

للاسف زوجي ما يبيني اختلط مع جماعة المسجد يقولي ما تضمنين عقيدتهم احتمال يطلعون مو مسلمين صح
يعني ممكن تكون عقائدهم كفرية او مو ما يطلعون سلفيين او غيره
وبالنسبة حق العلاقات الاجتماعية انا ما افضلها وايد وايد لان يكثر فيها القيل والقال
خصوصا الحريم يتدخلون في اللي لهم شغل واللي مالهم شغل فيه
وانا ما احب هالشي

مشكورة حبيبتي على فكرة النادي
خوش فكرة

__________________
لا اله الا انت سبحانك اني كنت من الظالمين

كلمت زوجي عن موضوع النادي

للاسف رفض

يقولي اكثر اللي يروحون بنات اخلاقهم مو طيبة على قولته "" بويات""

والله احترت

ما ادرس شسوي؟؟

__________________
لا اله الا انت سبحانك اني كنت من الظالمين

الملحقية الثقافية لدولة الكويت في بريطانيا
أسأل الله التوفيق للجميع

هلا بالغاليه
فعلا موضوع دايما نعاني منه
لي ماتفكري تشتغلي مثلا؟
وممكن تتعلمي اللغة عن طريق الانترنت على بال ماتسجلي بشهر 4

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب