السلام عليكم ورحمه الله وبركاته
مابدخل بمقدمات لاني لو وش كتبت بعجز عن التعبير والشكر لمنتدانا الغالي والاعضاء الاكثر من روعه في البدايه انا متابعه لمنتدى صار لي أكثر من 5 سنين ويعجبني اراء الاعضاء وحبيت احط لكم موقفي واسمع ارائكم
انا فتاه انخطبت بكمل 4 اشهر مرتاحه وياه واحبه ولكن مثل ماتعرفون الزعل الى يصير بين الزوجين شئ طبيعي في بدايه حياتهم ... حصل ليي موقف مع خطيبي صراحه ماعرفت شلون يكون ردي
كنا نتكلم عن خالته وفي وسط الكلام فأجاني بانه خالته غير متزوجه وفانا استغربت فقلت له معقوله انا افتكرتها متزوجه اي .. فقال لي اي هي مسكينه وعقلها ضعيف وماتعرف تتصرف فقلت له شلون ماتعرف تتصرف قال لي هي نفسش بس مصغره ..... هنا انصدمت ولا عرفت شلون ارد عليه كلامه كان قوي وجارح بنفس الوقت كنت بصيح بس مسكت نفسي على طول طلعت من المكان الى انا فيه
ورجعت ماعطيته وجه وساكته وهو ولا طق خبر .. بس قال ليي وش فيش وبعدها عصب وصار انا المفروض الى اروح له واعتذر له عشان سكت عنه

ماادري صارت لي مواقف كثيره معاه بس كلها اعرف اشلون ارد عليه وبطريقه الصحيحه بس هذا الموقف صدمني ..

فقلت مالي الا منتدانا الغالي نفضفض له ونشوف ارائكم

طب ممكن معلش تفهمينى دى معناها ايه
نفسش بس مصغره .....
لانى حقيقى حابة اساعدك

هذي لهجة أهل الجنوب من أهل عسير وقحطان وشهران وغيرهم ونجران..
ينطقون حرف الكاف إذا كان في آخر الكلمة المؤنثة شيناً.
مثال:
وش لونك يا فلانة؟؟ وش أخبارك.
يقولون: وش لونش يا فلانة.. وش أخبارش.

وكلامها : نفسش بس صغيرة.
قصدها: نفسك بس صغيرة.

يقصد ان زوجته مثل خالته بالضبط بس انها نسخه مصغره .

فهمتي الآن ؟؟

لو انا مكانك كان قلت له شلون مثلي يعني

استعبط عليه


لين يغير الموضوع

__________________
لا اله الا انت سبحانك اني كنت من الظالمين

صح كلامك يا موهبه
استعبطي عليه
امكن مو قصده شي
قوليله كيف يعني لاتزعلين ولا تتكدرين حبيبتي
موفقه

لا تزعلين وتكدرين خاطرك ان شاء الله انه مايقصدها
واذا انك مانتي قادره تتناسين كلمته فلا تظلي كاتمتها
صارحيه على التلفون وبكل لطف وادب انك زعلانه منه على الكلمه هذه وتتصافين معه