السلام عليكم ورحمة الله
انا بنت عمري 22 باخبركم عن نفسي شوي
انا يتيمة وربتني امي اللي ماقصرت عني في شيء بس ضروفنا المادية كانت صفر علمتني على الانفتاحية في التفكير ودايم معي كانها صاحبتي وتثق فيني جلست طول عمري ماكلمت شباب الا قبل سنتين ونص تعرفت على شاب في الماسنجر وكانت سواليفنا تعارف ونتكلم في الرياضة لاننا نشجع نفس الفريق يعني تعرفت عليه من منتدى رياضي وطول سنتين ونص وانا اكلمة ماسنجر والله مايعرف لاصوتي ولا شكلي ولاشي بس انا تركت هذا الشاب مدة 7 اشهر بعد مالتهيت باختباراتي وقلت فرصة ابعد عنه لاني دايم كنت احس بالذنب بعدها انخطبت خطبة تقليدية وملكتي كانت قبل شهرين بالضبط واليوم اللي بعده كلمت خطيبي في الجوال وكنت ماتكلم واحس اني اسوي شيء غلط وكل شوي اروح لامي اقول تراني كنت اكلم خطيبي
المهم بعد مكالمات عرفت من خطيبي انه راعي سفريات بس بأدب وانه كان يكلم بنات كثيير وانه كلم بنت سنيين وخطبها بس الرفض جا من امها وانه خطب غيري وشافها اعجبته بس ماارتاح لها وانا اقول حال الدنيا الا مايكون الواحد له نقاط سوداء في ماضية المهم يتعلم منها لحد ماقال شيء خلاني افكر واحيانا اقرر اني اتركة
خبرني ان اهله هما اللي خطبوا له بدوون علمة وانه ماكان مقتنع بالزواج ولا كان مستعد خاصة انه صغير يعني اكبر مني بسنة واحدة ! ودايم يقول اشياء زي انا صغير انا حلو انا البنات كانوا يرمون نفوسهم علي و مادري ايش كثيير احيان اقفل من المكالمة وانا افكر متزوجة دايفيد بيكهام مثلا!!<والله العظيم بهذا الاسلوب
في هذي الفترة انا صادفت الشخص اللي عرفته قبل وصرت اكلمة فجأة وارتحت معاه كثير بس طبعا ماخبرته اني مملكة ولا شيء وقالي انا لسى لي 4 اشهر واخلص جامعه وراح اتقدم لك رسمي واكثر من مرة اقوله انت ماتحبني بس تعودت علي يقول لا انا متاكد من اختياري رغم انه شافني لا في صورة ولاعلى الطبيعه ومن الصدف العجيبة ان الاخر هذا ماضيه سلسلة طويله من مكالمة البنات وكان يلتقي بنات احيانا في الكوفيهات وكذا بس يقول انه ماارتاح مع احد غيري وانه انا وهو نفس الشخصية !!
انا للامانه ماقدر اقتنع في خطيبي وماني مقتنعه في حب الشخص الثاني لي خاصة انه ماشافني ويقول ابي رقم اخوك اخطبك منه الحين
دايم اسال نفسي ليش كلمت الشخص الثاني بعد الملكة بالذات مادري يمكن لاني احس ان خطيبي ماضية اسود وقلبي يحسسني بهالشي او اني لازم اكلم زي ماهو كلم غيري ولا لاني من جد احب الشخص الثاني واحسة يسمعني ويفهم مشاكلي حتى لو يمثل علي مادري.. احس اني ضايعه وماصرت اعرف الصح من الغلط هل انا اكمل مع انسان ماضيه اسود على الاقل بالنسبة لي ولا استنى شوي واجلس اكلم الثاني لحد مااتاكد من نيته ؟ محتاجة اسمع ارائكم لاتحرموني منها

تعرفين تفرقين بين الحرام و الحلال ..
مكالمات رجل أجنبي .. حرام ولا حلال ..
هذي بالفطرة تعرفين جوابها ..
و كمان ربي إبتلاك بخاطب يجاهر بالمعصية ..
سبحان الله .. إنتوا راضين بهالعيشة ..
خيانة في خيانة في خيانة ..
أسلوبك في الكتابة يبين إن ماااااااا عندك مشكلة في البوي فرند جدا عادي الوضع .. عجيب والله !!

تعرفين المثل اللي يقول من دق باب الناس دقوا الناس بابه ..
و
دقة بدقة .. ولو زدت لزادت السقة ..
و
من زنى يزنى به و لو بجدار بيته ..

المسألة مش بالبسااااااطة اللي إنت متصورتها ..
و لا إنت و لا خطيبك صغااااار ..
اللي بأعماركم مخلصين الجامعة .. يعني واعين وفاهمين ..
عندك خوف من مكالمة خطيبك و ما عندك خوف من مكالمة الذئب البشري ..
أنا مو مستوعبة ..
إنت خايفة ألحين من الارتباط بخطيبك لاجل ماضيه ..
طيب ماضيك غنت وحاضرك كمان يخوف خطيبك و لا لا ..؟
تفكيرك في الذئب البشري حتى بعد خطوبتك .. يخوف ولا لا ..؟
الذئب البشري يوم تركتيه .. رحمك ربي و لا عاد رجع يدور وراك ولا يهددك .. لكن إنت مصرة على المصائب ..
الرجل ((يلعب عليك بكلمتين)) .. و تصدقينهم ..
طيب لو إفترضنا إنك فسختي خطوبتك .. و أعطيتي الذئب البشري رقم أخوك ليخطبك .. وش بتقولين لاخوك .. إذا سألك من وين جاء هالرجل ...
إذا ودك تمشين صح بهالدنيا .. و تلاقين ربك نقية .. إتركيهم إثنينهم ..
لان ولا واحد فيهم ينفع يكون زوج و أب و مسؤول ..
و الله يهديك و يصلحك و يلهمك رشدك قولي أمين .......

ام داليا شوي شوي اعصابك!!
مشكلة الناس لما تستخدم الفاظ كثيرة بدون معرفة معناها
حرام - حلال - خيانة - ابتلاء
واكثر مايجيب لي المغص كلمة الذئب البشري يعني انتي قلتي لما تركته ماجاء يدور علي وش ماسك علي مثلا ؟؟
اسم الايميل !! ولا الاسم المستعار اللي عارفة من المنتدى !
انا اعرف الحلال والحرام اعرف اني ماتجاوزت حدودي حتى وانا اكلم خطيبي ماني بنت امس على فكرة يعني اسلوب التهجم انا ماحبة !
تبين تعلميني مثلا ان حياتك 1000% بدون اخطاء وان الرجال اللي انتي متزوجتية بغض النظر مطوع او ملتزم او صايع او ... ماعنده ولا شيء في ماضيه حتى لو حب عذري !
التناقش اروع طريقة للتواصل لكن مفتقدينها كثير للاسف بسبب الحياة المثاليه اللي عايشينها الاعضاء في اكثر المواقع

^
أم داليا ماغلطت في كلامها
إنتِ كتبتي موضوع فتوقعي آراء مخالفة لهواكِ

تكلمين و تسولفين مع رجل أجنبي عنك > أقصد اللي تعرفتي عليه في المنتدى
وتقولين ماتجاوزتي حدودك ؟؟؟
الإسلام وضع لكِ حدود و إنتِ تجاوزتيها بإقامة علاقة مع رجل أجنبي ..

اممم انا ماقلت كل الناس بيكون تفكيرهم مثلي ولا ماكنت سالت من باب الاستفادة انا اعترض على اسلوب التهجم وكان الانسان اله مايغلط !
وبعدين علاقه حطيها في قوقل ويطلع معنى علاقه لك ياحبيبتي الكلمات اشد وقعا من السيف
قلت لك ماتجاوزت حدودي في كلامي معاه يعني اشياء يتكلم فيها تقريبا الصديق وصديقه مالها دخل باجزاء اخرى واتوقع فهمتي قصدي

حبيبتي انتي مصغرهـ السـالفه وهي كبييرهـ !!

حبيبتي اعذريني على أسلوبي إذا قسيت عليك لكن والله إني

ماقسسيت عليك إلا لأني احبك انتي اختي فــ الاسلام وما أرضى

عليك تكلمين ولـد .. ما أرضى تتشوهـ سمعتك .. ما أرضى عليك الحرام .. عمري الخبيث والخسيس هذا اللي جالس

يكلمك ويقول لك أنا ألتقيت ببنات كثير وما أرتحت لهم ما أرتحت إلا لك انتي !! لو أنتي اول وحدهـ تكلم ولـد وأول وحدهـ يقولها واحد خبيث زي ماقال لك كان يمكن أصدق !!

طلبتك ادخلي على قوقل وأقرأي القصص والضحايا آهـ بس بنات من عوائل شريفه تتشوهـ سمعتهم ويرمون فــ الرذيله بسبب واحد حمـآآر وكلب مايخاف الله رب العالمين .. فلا تبيعين نفسك بعد ماكنتي اغلى الغاليات .. لاتشوهين سمعتك ..هــذا كذااااااااااااااب ناوي يفضحك عند اخوك لاتصيرين اسمحي لي على الكلمه ..غبيه !!





أنصحـك تتركين الخسيس اللي تكلمينه الان وتتركين خطيبك لأنك راح تعيشين معه بشك وعذاااااب وإذا دخل الشك بين الزوجين على المودهـ السلااااااااااام..يعني حلمي يصير بينكم مودهـ والشك داخل حياتكم

..


وحبيت أهدي لك قصيدهـ ياليت تقرينها وتأخذين منها بالعظه والعبرهـ .. وإن كانت طويله ولكنها جدا رائعه


..


قلتُ لكِ سابق ..
( أنتي أميرة ) لكن للأسف كاذب ..
..( أنتي حقيرة )..


يا غبّية ..



ماهوَ ذنبي إن كنتِ غبيّة ..!!
ماهوَ ذنبي إنكِ جداً عاطفيه ..!!
إن فتحتي لي أبوابَ الغرام .!!
إن صدقّتي ماقلته مِنْ كلام ..!!

إن كنتُ فارسَ أحلامكِ في المنام ..!!







من هنا نبدأ تفاصيل القضّية ..

أنا رَجل ..
وأنت ِ أمرأة ..
وبيننا إنجذاب ..

ولا يسيئُ منّا الأدب ..
غير من أمِن َالعقاب ..
فإن معي تكلّمتي ..
وإبتسمتي وضحكتي ..
وبابٌ للشيطانِ فتحتي ..

سأجُبرك على فتح عشرين باب ..


لا أعرفك ..
ولم اسمع صوتك ..
ولم أراك ..
وأوهمٌتكْ بإني احبك ْ..
وأعشقكْ وأهواكْ ..
وأني بكِ هائم ومفتون ..

وإنّ حُبكِ اصابني بالجنون ..

وإنّ إجمل لحظاتي عندما اكون معاك ..

ملكتك ..

حتى أصبحتِ كثيرة التفكير ..
أقنعتك ..
بإني في هواكِ أسير ..
إلى أن وصلت ْإلى مُرادي ..
وانتهيتْ ورحلتُ عن عالمكِ ..
المحدود وإختفيت ..
وتركتُ رسالة بها إعتراف خطير ..






قلتُ لكِ سابق ..
( أنتي أميرة )
لكن للأسف كاذب ..
(أنتي حقيرة )







خنتِ نفسك ..!!
خنتِ أهلك ..!!
وأصبحتِ بعد عزّك كسيره ..

ياغبيّة ..
يا أجمل ضحّية ..
تدرين ماهو اساسَ القضيّة ..!!
لو قطعتي حبلَ الحبُ بدري ..
قبل الشيطان في الدم يسري ..

كان في لحظتها أسميتك ..
الفتاة الذكيّه ..

الموضوع على لسان أحد ..
.. الذئاب البشرية ..
هي قصة من نسج خيال الكاتب ..
لكنها حدثت كثيرا للاسف ..
بنفس الطريقة او بإخرى ..!!


{.. البداية ..}
كنت اشاهد أحد القنوات الغنائية ..
(.. الشات تحديداً ..)
لقيت ثلاثة شباب ..
(.. يستهبلون على بنت ..)
بسبب ميولها الرياضي ..
فأرسلت على القناة ..
(.. وأترييق على الشباب ..)
وبأنها موب رجولة إن الواحد ..
يفرد عضلاته على بنت ..!!
يعني عشانها لحالهاوضعيفه ..!!
وصار بيننا مشادة بالحكي ..
فأرسلت رقمي ..
(.. بطريقه مشفرّه ..)
وقلت لهم ..
اللي في راس امّه خير ..
يتصل ويقابلني ..
(.. طبعا أنا كل هدفي إني اكسب إعجاب البنت ..)
ولا أرسلت رقمي عشان نتهاوش ..
بالعكس ..
أرسلته عشان تشوفه البنت ..
وتاخذه وتحفظه عندها ..
(.. بعد ثلاثة أيام ..)
جتني رسالة على الجوال ..
السلام عليكم ..
(.. انا فلانه ..)
ياليت تضيفني عندك على المسن ..
وياليت ماتتصل على الجوال هذا ابد ..
أضفتها ..
وجلست أكلّمها شوي ..
ثم جلست تشكرني على مداخلتي وعلى شجاعتي ..
وإستاذنت ..
وقالت برب أنا مشغوله ..
جلست اسبوعين ماكلمّتني ولا كلمّتها ..
لكنّها متصّله ..
بس ما نسولف ..
يوم من الأيام مسكت معي غلط ..
ودخلت عليها ..
(.. محادثه ..)
وسألتها ..
ليه ماتسولف ..
هل هي مشغوله ..؟؟
قالت :
إنها ماتعودّت تسولف مع رجال ..
لكّنها اضافتني لأني كبرت بعينها ..
بعد اللي صار ذاك اليوم ..
وبدأت السوالف بيننا ..
وطاحت الميانه ..
وكسرت البنت الخوف ..
فإن معي تكلمتي ..
وإبتسمتي وضحكتي ..
وباب للشيطان فتحتي ..
سأجبرك على فتح عشرين باب ..
طبعاً ..
(.. انا كــ/ ولد ..)
كلمّت اكثر من عشرين بنت ..
والعشرين كلهم يقولون نفس الكلام ..
(.. إنه أول مرّه يكلمون ولد ..)
وعشان كذا ماصدّقتها ..
وأرسلت لها اغنيه (.....)
~~> ملف تجسس
والغبّيه فتحته ..
فدخلت على جهازها ..
وشفت صورها ..
وأخذت أكثر من صوره ( لها ) ..
لكن الصوره مالها أي قيمه ..
إذا ماعرفت اسمها ووين ساكنه ..!!
عشان كذا ..
ارسلت رقمها ..
(.. لواحد في الإتصالات ..)
عشان يعلمّني بأسمها ..
لكن الرقم كان ..
(.. بأسم هندي ..)
فما عندي خيار ..
إلا اني اخذه من البنت نفسها ..
(.. بطريقتي الخاصه ..)
فشرعت بقول أجمل الكلام لها ..
وبأنها مختلفه عن بقّية البنات ..
وإني بديت أحبّها ..
لأسلوبها ولطريقة كلامها والخ ..
لا أعرفك ..
ولم اسمع صوتك ..
ولم أراك ..
وأوهمتك بإني احبك ..
وأعشقك وأهواك ..
وأني بكِ هائم ومفتون ..
وإن حبكِ اصابني بالجنون ..
وأن إجمل لحظاتي عندما اكون معاك ..
بعد فترة ..
تعلّقت بي ..
أقدر اقول اني سحرتها ..
وملكتها ..
فطلبت منها الزواج ..
فوافقت ..
أخذت اسم ابوها ..
واسم جدها ..
واسم ابو جدها والعائلة ..
(.. بحجّة إني راح اسأل عنهم ..)
وعشان اذا جيت أخطبك ..
(!!.. وسألني ابوك ..!!)
أكون عارف عنكم كل شي ..
ارسلت اسم ابوها الى صديقي في الإتصالات ..
وعطاني رقمه ..
ورقم اثنين من عياله ..
(.. اللي هم اخوانها ..)
فاتصّلت على جوالها ..
ماردّت علي ..
~~> لأنها رافضه السوالف على الجوال
فأرسلت لها ..
ضروووووووري ..
(.. اسمعيني ولا تتكلمين ..)
اتصلت مره ثانيه ..
وردّت علي ..
وسكتت ..
ولا تكلّمت ..
قلت لها ..
(.. رقم ابوك ..)
كذا وكذا وكذا وكذا ..
(.. ورقم اخوك فلان ..)
كذا وكذا وكذا وكذا ..
(.. ورقم اخوك الثاني ..)
كذا وكذا وكذا وكذا ..
ورقمك انت ..
(.. مايحتاج اقولك من وين جبته ..)
وعندي لك اكثر من صوره بالجهاز ..
وانتي لابسه الفستان القصير ..
(.. باللون الأبيض ..)
وصدقيني لو ماتسّوين اللي ابيه انا ..
راح اتصل على ابوك ..
وعلى اخوانك ..
وراح اقولهم اسمك ..
(.. ورقمك وارسلهم صورك ..)
عشان يتفاهمون معك صح ..
(.. ويمكن يذبحونك ..)
تدرون وش صار ..!!
~~> الكلام موجّه لكم يا الأعضاء

ملكتك ..
حتى أصبحتِ كثيرة التفكير ..
أقنعتك بإني في هواكِ أسير ..
إلى أن وصلت إلى مرادي وانتهيت ..
ورحلتُ عن عالمك المحدود وإختفيت ..
بعد ما انتهيت ..
التفت لي وقالت :
انت قلت اني غير البنات كلّهم ..
انت قلت انك تحبّني موت ..
وإنك راح تتزوجني ..

فكان جوابي لها ..
قلت لك سابق ..
(.. أنتي أميرة ..)
لكن للأسف كاذب ..
(.. أنتي حقيرة ..)
خنتِ نفسك ..!!
خنتِ أهلك ..!!
وأصبحتِ بعد عزّك كسيره ..

بارك الله فيك.. الله يرزقك الحلال الطيب الواسع من عنده

لما خبرني بهذا الشيء صدقني رحمته مو لان اللي عمله صح بس فهمت ليش عمل كذا
هو وحيد اهله وعندة اخوات بس يعني الولد الوحيد وابوة يستخدم اسلوب الضغط عليه لازم تكون افضل الناس ولازم تكون احسن الناس مادري اذا تفكيري صح او لا بس كونه اعترف لي وان الكلام هذا زمان وانه من بعد الشوفه ارتاح وبطل يعمل اي شيء
احترت ووالله قبل الخطبة والموافقه استخرت والله حتى في الحرم وكنت مرتاحة بس تمنيت افهم شعور في داخلي متناقض بالنسبة للاثنين
تسلم يدينك

[QUOTE=المنصدمه;2569843][FONT="Comic Sans MS"][SIZE="6"][B][COLOR="SlateGray"]حبيبتي انتي مصغرهـ السـالفه وهي كبييرهـ !!

حبيبتي اعذريني على أسلوبي إذا قسيت عليك لكن والله إني

ماقسسيت عليك إلا لأني احبك انتي اختي فــ الاسلام وما أرضى

عليك تكلمين ولـد .. ما أرضى تتشوهـ سمعتك .. ما أرضى عليك الحرام .. عمري الخبيث والخسيس هذا اللي جالس

يكلمك ويقول لك أنا ألتقيت ببنات كثير وما أرتحت لهم ما أرتحت إلا لك انتي !! لو أنتي اول وحدهـ تكلم ولـد وأول وحدهـ يقولها واحد خبيث زي ماقال لك كان يمكن أصدق !!

طلبتك ادخلي على قوقل وأقري القصص والضحايا آهـ بس بنات من عوائل شريفه تتشوهـ سمعتهم ويرمون فــ الرذيله بسبب واحد حمـآآر وكلب مايخاف الله رب العالمين .. فلا تبيعين نفسك بعد ماكنتي اغلى الغاليات .. لاتشوهين سمعتك ..هــذا كذااااااااااااااب ناوي يفضحك عند اخوك لاتصيرين اسمحي لي على الكلمه ..غبيه !!





أنصحـك تتركين الخسيس اللي تكلمينه الان وتتركين خطيبك لأنك راح تعيشين معه بشك وعذاااااب وإذا دخل الشك بين الزوجين على المودهـ السلااااااااااام..يعني حلمي يصير بينكم مودهـ والشك داخل حياتكم

الله يسعدك ويبعد يدينك عن النار ..
انا ممكن ماعرفت اوصل ان الشخص الثاني اللي انا اكلمة مايعرف عني شيء حتى اسمي
عنده اسم لي مستعار واحب اتكلم معاه لانه يفهمني يعني مااايعرف عني شيء ابدا ابدا
ولاعمري قابلته ولاشفته ولاشاف صورتي وماعندي اي نيه اني اسوي هذا الشي
هو قال اعطيني رقم اخوك لان الخطبة عندنا تتم كذا وبما ان ابوة متوفي فاخوة بيكون ولي امرة..
يعني حتى لو حاب يفضحني عند اخوي مارح يقدر ماعنده اي اثبات وع فكرة انا في مدينه وهو في مدينه

انتي ماقسيتي علي بالعكس انتي اختي واحترم واقدر اسلوبك واستفدت منك كثير
بس اخاف في نفس الوقت اخسر الاثنين يمكن تضحكين علي بس احس في داخلي تناقض والله
يعني خطيبي زي باقي الاولاد له خرابيط والسبب اللي خلاه يقولها لي لانه يبي يبدا من جديد والثاني يقول باكلم اخوك واخطبك وبعدها باشوفك الشوفه الشرعيه ويصير كل شيء تمام
صدقيني حامية نفسي بذكر الله بس لاني طول عمري ماعندي صحبات يفهموني كنت بس اتسلى معهم بس ماعمرهم فهموا او عرفوا مشاكلي ولما تكلمت مع هذا الثاني حسيت انه الصاحبة او الاخت اللي تمنيتها طول عمري فهمتيني الحين