السلام عليكم ورحمه الله وبركاته

ندخل في الموضوع

انا مشكلتي مع اهلي انهم ما يبون الا رأيهم يمشي علي و بصراحه معقديني بالشي ذا بعطيكم مثال

لما خلصت الثانويه كنا متفقين انا وولد عمي ندرس الجامعه سوا وجت التقديمان وانقبلنا في نفس الجامعه لما كلمتهم قالوا لا ولد عمك يبي يضحك عليك اصلا انت ناقص عقل وما عندك شخصيه وغيرك يقودك وقلت لهم انا وياه متفققين قالو لا بس انت تبي تغطي عليه ولكن لو تبي تروح روح بس احنا مو راضيين عليك

وغير كل ما امشي مع حد يقولون لا تمشي معه هذا يبي يخربك انت ما تعرفه ولكن بكيفك لو بتمشي معه لا تكلمنا ولا تجلس معنا فسببولي احراجات مع اخوياي وتعقدت وتعبت نفسيا
يحسسوني اني صغير ومالي راي مع ان عمري 22

وعشان اثبت لكم ان كلامهم فيه تناقض وما يبوني اخذ كلام من الناس جت عندي الوالده الله يحفظها وقالت شفتلك بنت لو مهي مخطوبه اخطبها لك قلت خلاص على يدك يا يمه وبعدها بيومين رحت عند عمتي وقالتلي على نفس البنت وقالت مهي مخطوبه فكلمت امي وقلت عمتي قالت كذا فقالتلي اجل اقلب وجهك خل عمتك تخطبلك لكن منت ولدي ولا اعرفك والبنت مهي حلوه ومن الكلام ذا ....

بالله وش رايكم وتكفون ساعدوني ولا تقولون حاول تكلمهم لأن الكلام ما ينفع معهم

هلا اخوي
والله مدري اش اقلك بس جد موضوع صعب فهمهم انك انت حر بتصرفاتك عادي لا تكلمهم بس اذ قالو لك راح اسوي الي تبي ومدري ايه ولا تكلمنا
قلهم ايه انا رجل وبسوي الي ابغاه اهم شي ما جالس اسوي شي يعصيكم
ويغضب ربي
وراح يتعودون ع الوضع ذا ونشاء الله ماعاد يكلمونك في موضيعك
واتمنى اني افدتك

اعمل اشياء تثبت لأهلك أنك ناضج
بطريقة غير مباشرة
انت أعرف بأهلك وأعرف مننا بنقاط ضعفهم
استغل نقاط الضعف عندهم و لا تظهر لهم إلا الافعال التي تدل على نضجك
و ان شاء الله بستعيدوا الثقة فيك
و لما يغلطوا بأمور مثل خطبتك قل الصراحة لأمك
قل لها الظاهر انك يا أمي غيرتي رأيك لأنك لا تحبين عمتي ، قل لها المفروض يا أمي الحبيبة عواطفك ما تأثر على قراراتك و مستقبلي أنا
انا مالي دخل بمشاكلك مع عمتي !
خليك واضح و صريح و لا تنسحب من النقاش إلا اذا غضبوا او أمروك بذلك
لأن طاعتهم واجبة (إلا في معصية)

و ادعيلهم !

مع كلام اختي ماريا

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

آهلاً
أعمل اللي تبيه واللي تشوفه مناسب أنت الحين رجل وهم ماراح يقاطعونك لا تخاف وما أظن هذا من العقوق
اتوقع انك تسايرهم كثير وتتردد عندهم عشان هيك قالوا عنك ان مالك شخصيه وغيرك يسيرك
لازم تفرض شخصيتك وتثبت لهم انك صرت رجال ويعتمد عليه

موفق اخيي