السلام عليكم
معروف هذا مثل العربي الذي يقول العبد يضرب بالعصا و الحر تكفيه الاشارة " والدوار ما ينفع " ! لا تنكت

زوجتي تردد هذه العبارات
"الشماغ حلو عليك " تقولها في فترات متباعدة
وقبل كم اسبوع قالت لي
" المراه الجاية تعالي بشماغ ودي اشوفك كاشخ " كانت في بيت اهلها فترة النفاس
علماً باني دائماً البس الثوب بدون شماغ واذا لبست الشماغ للمناسبات فقط زواج الاصدقاء او الاقارب

الحمد لله أنا ميسور الحال
سؤالي كيف اطور هندامي ؟
أو ما هي الاشياء التي يلبسها الزوج فتعجب زوجته به ؟

__________________
قال السماء كئيبة ! وتجهما قلت: ابتسم يكفي التجهم في السما !

التغيير حلو
لاتخلي روتين وملل
اتوقع اخوي انك خليجي وفي ناس معينه ماتقبل غير الزي التقليدي
هل انت تقبل تلبس اشياء غير الثوب والغتره والعقال.؟

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

هههههه لو ما قلت ان زوجتك نفساء كان قلت هذا زوجي هههههه
اولا احمدلله على سلامة زوجتك ومبروك ما جاااااك
بما اني اعاني نفس معاناة زوجتك فراح اتكلم بكل صراحه لاني اتمنى زوجي يدخل ويعرف اللي بنفسي
يا اخي من حق زوجتك ان تتجمل لها وتراك باجمل شكل ارتدي الشماغ اذا كان يعجبها عليك يعني وش فيه الشماغ محاربه والله كله حلا وانا متاكده انها تشوفك احلى بالشماغ لذلك تطلبك تلبسه
تخيل من كثر ما اتمنى زوجي يلبس الشماغ وما هو لابسه صار اي رجال اشوفه لابس شماغ يلفت انتباهي واقول بنفسي ياحظ زوجته دايم كاشخ ههههه
حسسني كانه شي مستحيل من كثر ما حاولت
وغير كذا احس هندام الرجل ورتابته يدل على اهتمام الزوجه فيه وهذا اكثر شي يجرحني اني اكون مهتمه وما حولك احد
يارجال مثل ما تطلبون منا نطلب منكم الستم تطلبون النظافه والريحه الحلوه والملابس المنوعه والنظيفه والرتابه ونحن نريد ذلك

__________________
يارب فرج همي ويسر امري واصلح شأني

هلا فيك اخوووي ,,

يختلف الذووق من زوجة لأخرى
يعني زوجتك الواضح إنها تحب الزي التقليدي
إنته لما تروح لها إلبس لها اللي تحبه
يعني إلبس الشماغ دامها تحبه عليك
وإذا كنت تبي تنووع
أول شي لازم أعرف إنت هل تحب تلبس غير الشماغ والثووب ؟؟؟

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

وعليكم السلام

خلك مثلي الثوب والشماغ مخليه للرسميات والدوام

وطلعاتي للشباب والأشياء الخفيفة ترنجات وقمصان وكم بنطلون

__________________
اللهم ارحم والدي واغفر له

فعلا ليت الازواج ينتبهون للناحية هذي....
وبالعكس اخي الكريم...اللي تبغاة زوجتك سوية.....يعني غريبة زوجتك تحب فيك شئ وانت تعرفة بس ماتسوية...
واذا طلعت من النفاس اكشخ لها نفس كشختك بزواجك((تتفرح صدقني وماراح تنساها منك وتتذكرها دايم))حتى العطر اللي تعطرت منة بزواجك او دهن العووود...بس عاد لاتلبس البشت....

باصراحه احب الزوج يهتم بنفس وتقدر تودي زوجتك السواق وتختار لك بصراحه انا امس رحت لسواق انا وزوجي واشتريت لها على ذوقي اشتريت بلوزه مقلمه اسود وابيض وكحلي تجنن ومن تحت تجي على شكل بيضوي مو متسوي فهمتوني اكيد
وبنطلون جنز واسع شوي كحلي غامق وجزمه وانتم بكرمه سوده طلع شكله ثاني بسيطه المهم تشوف زوجتك وش تحب انا من الناس الي مااحب كثير الثوب ..........

أنا البس جنز و تبديلات لكن الغالب ثوب حاف (بدون شماغ)

__________________
قال السماء كئيبة ! وتجهما قلت: ابتسم يكفي التجهم في السما !

انا مثل زوجتك احب ارى الغتره او الشماغ على زوجي جدا جدا
اكشخ لها مثل ماتحب تكشخ لك
يعني كثر من لبسالشماغ دامها تحب ان تراه عليك
ماشاء الله ع الاهتمام
الله يخليكم لبعض

__________________
اللهم صلي على نبينا محمد وعلى اله وصحبه اجمعين

حقق لها ما طلبت
وفاجأها بالجديد
طبق مقولة ابن عباس (إني أحب أن أتزين لامرأتي كما أحب أن تتزين لي)