غير مرتاح بسبب تأخير الملكه
السلام عليكم ورحمة الله وبركاته..
اسعد الله واقاتكم بالخير والمحبه والبركات...
انا شاب عمري 28 سنة تقدمت الى فتاة وحصل صلح واتفقنا على عقد الملكه في شهر5 والزواج
في شهر 8 ...
المهم يوم النظره الشرعيه اعطيت خطيبتي 500 ريال
و اعطيت عمي من المهر 20000 الف وباقي ثلاثين عند الزواج ...
ولكن رفض نسوي ملكه او نعمل العقد..ولما سالناه قال : انا ما أملك إلا قرب الزواج ؟
ومن مصادر اخرى خاصة عرفت ان هذا (عشان مايبي يكون بيني وبينها مكالمات او لقاءات )
انا تفهمت رغبته ولكني غير مرتاح ؟
خصوصا ان باقي قدامنا الفحص الطبي ؟ ولا ادري وش يطلع ؟
المهم رحت ..
و خلال هذه الفتره ارسلت لخطيبتي هدايا بواسطتي اختي ..
وفي العيد الماضي اعطيتها هديه ,,واشتريت لعمي ساعة فاخرة وقماش وعطر ...
ولكن تاخير الملكه ماهو مريحني بالمره...
هذه الايام طلعت سيارة جديده ..وكنت اتمنى اقدر اكلم خطيبتي واشاورها باللون ..
لاني حريص انها تكون قريبه مني... وانا قريب منها...
وفوق هذا انا احبها حب مايعلم غيره الله ...
ولكني ما ادري كيف اقدر اوصل لها هالشعور..وهل الهدايا تكفي...
وياترى هل هي تفكر فيه... مثل ما انا افكر فيها الحين ...
وهل مخاوفي من تاخير الملكه لها مبرر..ام حساسيه اكثر من اللازم ..
التعديل الأخير تم بواسطة om abdlah ; 21-02-2011 الساعة 09:02 PM
21-02-2011, 04:06 PM
ضوابط المشاركة
العرض الشجري