السلام عليكم ورحمة الله
مسآئكم يآسمين أحبتي..
لن أطيل مقدماتي..سأبدأ من حيث المهم..
لاأدري ان كان هذا هو القسم المناسب او لا..ولكن..
سأتكلم بالعاميه اختصار للوقت في انتقآء المفردات..

عندي مشكله وبدايتها اني منذ اكثر من خمس سنوات كنت مملكه مكتوب كتابي على شخص ولكني تركته لاني اكتشفت انه شخص سيء ومايناسبني..
مرت السنوات خمسه واكثر وتزوجت اختي اللي اصغر مني والاكبر وانا جالسه انا على يقين انه نصيب بس حبيت اسعى لاني قربت على الـ 27 وماتزوجت وامي كل مرا تبكي قدامي لاني ماتزوجت تقول اخاف اموت واتركك بالدنيا..
المووهم دخلت موقع زواج من سنه وقبل شهرين تقريبا لقيت شخص مواصفاته ناسبتني جامعي وخلوق ومحترم هو معاه السكر بس هالشي مو مسبب لي مشكله لاني عرفت انه مهتم بنفسه ومو مأثر عليه المرض كثير..وكان متزوج قبل سنتين وطلقها لانه يقول مو عيب ببنت الناس بس ماحبينا بعض هي قريبته وقرر انه هالمره يخرج من العائله ويختار هو بنفسه..
المووهم بدأت اكلمه مسن اتعرف عليه اكثر.. وطلبت منه اننا نتكلم جوال مرا وحده نعرف اسلوبنا وكذا..وتطورت المكالمات خلال هالشهرين كلمته فوق السته مرات..
انا كلمت اختي الكبيره عنه وهي وافقت تساعدني بأنها تقول العريس جاي من طرفها ..هي كانت متردده من ناحية الفكره بس لثقتها بقراراتي وافقت..
قالت لامي وامي قالت خليهم يجو ونسأل عنهم..
هو بالمقابل قال لاهله انه اخت صاحبه قالت لاخوها عليه وصاحبه قال له انه فيه ناس كويسين وكذا وبيروح يشوفهم
امه قالت والنعم بقبيلتهم بس احنا مانعرفهم وكمان اخته تقوله انا جبت لك صاحبتي وتقول ماابغاها واخاف من التجربه كيف الان تاخذ برأي صاحبك..وكيف نروح لناس مانعرف عنهم شي ولاتنسى انك مطلق يعني لازم نختار صح ومانستعجل ومن هالكلام..
اخته تقول له انت ليش متحمس هالمره ومصر عليهم..انا كنت ابغاه يصارح اخته علشان تساعدنا وهو قال على كيفك بس لانه اللي بيننا سر ماحبيت اقولها..بس متردده اخليه يقولها..
الان انا سويت الاتي..
قلت له نوقف مكالمات لانه الان احتمال زواجنا ضعف لو بنسبه قليله
وتروح لامك تقولها انتِ بس روحي شوفي البنت لاتخطبي ان ماعجبتك..اهم شي تتقدم خطوه وتجي بيتنا..وقلت له لااشوف رقمك الا برساله تخبرني بالقبول منهم او الرفض ان رفضو فهذا نصيبي..
انا اليوم اخر الليل صليت وقرأت البقره بركعتين واستخرت..
ارتحت نوعاً لا بس متضايقه..حاسه انه هذا عقاب من ربي لاني كلمته بس يشهد ربي على نيتي واني ابغى الاستقرار والراحه..
اللي عنده مداخله او نصيحه لا يبخل علي..
وانا بكون متقبله كلامكم بس ابغى الصراحه..

اسفه ع الاطاله

__________________
ربي..قل لـأمنياتـي كـوني..!

اختي روح ..

اخطأتِ عندما اخترتي طريق المسن والمكالمات ..!
عذراً

لكن كان الأجدر بك ان تقولين له يأتي ل طلبك من اهلك ومن ثم يبداء السؤال عنه وكـ أي زواج هناك رؤيه شرعيه ..


اما الأن بعد هذا ..
قراراتك كأنت صائبه عندما طلبتِ منه ايقاف المكالمات ..
ولكــن لا أرى اي سبب يجعل اهله او اخته يقفون امام زواجه ..!
قراراتك جميعهآ في مكآنهـآ .. فقط عليك بالدعاء ان يكتب الله لك الخير حيث كان ..
وان كان شراً يصرفه عنك ويعوضك بأفضل منه ..

اكثري من الاستغفار ..
حتى يتم الموضوع على خير ..

بالفعل أنتي أخطأتي خطأ كبير لما كلمتيه وهو لايحل لك

والخطأ الآخر تعرفك عليه عن طريق المسن والنت هذا خطأ فادح ربما يهز الثقه بينكما فيما بعد

والأمر الأخر أستخيري وإن أرتحتي فسألي الله أن يهيأ لك الحلال بالطريقة المشروعه وإلا فإبتعدي

وأنصحك لاتخبري أحد بعلاقتكما لا أخته ولا غيرها لأنه ليس في صالحك مستقبلا

ولاتستعجلين على رزقك أستمري في الدعاء أن يرزقك الله بالزوج الصالح

والله يعينك ويفرج همك يارب

روح إنسانه
مجرد ذكرى..

حقاً أخطأت وأنا أشعر بتأنيب الضمير وإن لم يتم الموضوع سأتأكد مليون بالميه ان مااولها خطأ فهو خطأ..ولكن كثير ماتحدثني نفسي انه مادمت اريد الخير فالله سيمنحني اياه ان اتخذت الطرق المشروعه..وها أنا اليوم بين صوابي وخطأي خيط رفيع يكاد يتمزق..
لن أخبر اخته..وسأستغفر وادعو الله حتى يأتيني اليقين..

كلماتكم لها وقع ك وقع البلسم على الجرح..

أسعدكما الله..وغفر لكما ولوالديكما

__________________
ربي..قل لـأمنياتـي كـوني..!

احب اعلق
انه شي محززززن جدا ويحز في النفس انه الفتاه تصل لعمر متاخر في الزواج
واهالينا لايحركون ساكنا ونقول النصيب ماجاها ومافيه خطاب
وين دور الاب ما يبحث عن العريس الصالح الخلوق الدين ويتحراه بنفسه
والله ياجماعه موووووووو عيب ولا فيه اي استرخاص لقيمه البنت
ولا تجلس البنت مقهوره مغمومه وتنتظر نصيبها
او تبحث عن الخاطب بطرق اخرى ماتكون مناسبه
اختي الكريمه
ما اقول الا الله يوفقك وان فيه خير ان ييسره لكي وان كان فيه شر ان يصرفه عنكي

ما قررتيه أخيرا صحيح..إنك ترفضين المكالمات..لين الخطبة

لكن التعرف على الأشخاص عن طريق النت... خادع
ولن تصل لك الحقيقة كامله أبداً

اسألوا عنه جيداً
وأرى أن لاتقول أختك انه من طرفها..
اهلك بيتطمنون .. لكن الموضوع ما يطمن..

لاتضيقوها مادامت من سعه,,
هي اخطأت في المكالمات والمسن وماعدا ذلك لانقرر انه خطأ او صواب..

عزيزتي لا أنا ولا كل الأعضاء هنا سوف يقومون بإفادتك

لن يفيدك ألا الله سبحانه

وإنما الأعمال (بالنيات)

انصحك بسهام الليل والذي نفسي بيده إنها لا تُخطأ..


لك موعد في كل يوم في الثلث الأخير من الليل ناجي الله فيه واطلبيه التوفيق

رددي عليه ان لاحيلة لكي الا به ولا معين لكي سواه تريدين الستر سوف يسترك تريدين العفه سوف يعفك تريدين السعاده سوف يسعدك


اعيد عليك انتي لم تُخطأي سوى بالمكالمات والمسن والان أوقفتي ذلك ولله الحمد

اسئل لك التوفيق,,

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

كل كلمه كُتبت هنا أخذتها بالحسبان..
وسأقرأ ردودكم مراراً..مع اللجوء الى الله سبحانه..

حقيقه لاأدري ماأقول..ولكن...
دعواتكم..

__________________
ربي..قل لـأمنياتـي كـوني..!

اللهـ يوفقكـ يااقلبي

استخيييييييييري استخيييري

واللهـ واللهـ ترا الزواج موكل شي بالحياهـ ولا فيهـ راحهـ

انتبهي يااقلبي وادعي ياااااااااااااارب يرزقكـ الزوج الصااااااااالح يااااااااااااارب ونفرح فيكـ