ياخواني انا اريد ان اشرح لكم موقفي من ابي طبعا انا الان عمري 21 سنة وادرس في الكلية وساكن في الجبيل ومشكلتي هي مع ابي انه مايعطيني فرصة للترويح عن نفسي اذا اردت الخروج مع اصحابي يقول لي لا لا وهاتك نصايح ماتنتهي ويرجع يطب في الدين ويخرط الدين كله في محاضرة والله ياخواني اني طفشت مليت من حياتي اسلوب حياتي ممل جدا كد ودراسة طول الاسبوع وبعدها ابي اطلع اروح عن نفسي شوي مافيه الوالد ناشب والله حرام الشرقية حلوة وناسة حتى اهلي وعيال عمي اللي برا الشرقية حاسديني اني فيها مايدرون اني في غوانتناموا وطبعا هو مايداني شي اسمه طلعة وان يبي يطلع كورنيش الجبيل ويسمونه اهل الجبيل بكونيش(ابو هنَود) لان كله هنود وعاد هو الله يعافيه مستكن معهم ويموت لو نقول له نبي الدمام او الخبر والله تمر السنة يمكن مرة وحده نطلع الدمام نتمشى وبعد طلعت روح والله اني كاره نفسي اصحابي اصغر مني اللي 19 او 20 ويروحون الى الدمام والقطيف وانا مايمديني اطلع لو اتمشى كعابي الجوال بيحترق من المكالمات والله لو اقول لكم اني مرة قلت له نبي نتمشى الدمام قال (ولا تؤدوا بانفسكم الى التهلكة) انا ماقول انه يستهبل في الدين والله هذه الصراحة ومرة يقول الله مانزل التمشية في كتابه شي يفقع القلب والله حرام خميس وجمعة كلها في البيت حتى ارجع الى الدوام وانا مالي نفس في الدراسة روتين زي الزفت وهو والله طيب لايضرب ولاهو بخيل ومحافظ على صلاته ولاكن اقول كلمة تمشية اوابي اطلع مع اصحابي عنده الموت الاحمر والله حرام 21 سنة ومعاملتي معاملة واحد عمره10 سنوات والله لو اقول لكم اني اتمنى اليوم اللي يتقاعد وينقل عشان افلها لاني تعبت حتى اصحابي كلهم بعدوا عني ويومي كله جالس مع الحريم في البيت ونظامه هو يصلي العشاء ويتعشى والساعة 9 سواء دوام او عطله ينام وما يأمن علي ولا شي حتى سويت الشي له صح لازم يطلع عيب فيه والله تعبت من التعامل والروتين هذا والله انقهر اذا شفت ناس مثلا يشوون على البحر ومروقين او ناس رايحين يخيمون على الهاف مون ويرجعون للدوام وهم لهم نفس للدراسة وعكسهم انا طول اليوم الوالد حاط على قناة العربية ومستكن والله الظاهر مثل ماقامت الان الديموقراطية بمطالبة حرية المرأة الظاهر حتى بأقوم واطالب بالحرية .