بسم الله الرحمن الرحيم


ما اعرف اعمل مقدمات

انا متزوجه من 8 سنوات ولدي اطفال ولله الحمد

عمري 28 وزوجي 32

كنت احب زوجي بجنون بكل ما تحمله كلمة جنون من معنى

صارت اشياء كثيره وتصرفات منه حولت هذا الحب لبرود صح ما وصل لكره بس انعدم الحب

انا عصبيه ونظاميه واحب كل شي اعمله يكون بتخطيط

هو ( تصدقون مو عارفه كيف اوصفه ) طيب انا اخر اهتماماته ممشي حياته كذا زي ما تجي تجي

ابغى اتكلم عن شيئين 1 المصروف 2 الطبيخ

المصروف كان ينزل الراتب ونصرف منه ويجي اواخر الشهر ما عنده فلوس

اقترحت عليه امسك المصروف شهر ونشوف كيف راح تمشي الامور لان راتبه متوسط مو سئ ومو عالي مره

المهم وافق والحمدلله نجحت في المهمه طبعا ما قصرت و لا في اي ناحيه

لاكن مشكلته هو انه احيانا يضيع الفلوس ما يعرف وين راحت لانه غير نظامي وحتى اذا احد اعطاه فلوس يوصلها لفلان احيانا تضيع منه ويدفعها من جيبه ( صارت اكثر من مره )

المشكله الان اعتمد عليه في حكاية توزيع الفلوس وترتيبه حتى لما يبغى ياخذ من الصندوق فلوس من كثر اعتماده عليه لازم انا اروح اجيبها له

وانا تعبت من كثر ما احسب وارتب المفرو ض هو عرف طريقتي الناجحه يستمر عليها ويريحني من هذا الموضوع

مو غرور بس دائما يقولي تنفعي تكوني محاسبه


مشكله فرعيه

هو ما بيعطيني مصروف شهري حتى كسوة العيد ليه ولاولاده كنت لقبل سنتين انا الي بدبرها

مع اني غير موظفه ( الوالد مخصصلي مصروف شهري )

تجي مناسبات عند اهلي واحتاج اشتري فساتين او اروح الكوافيره عمره ما كلف عمره وسألني ناقصك شي

انا ادبر نفسي ( لا احد يقول دلع ومش عارف ايش ) انا ما اروح الا المناسبات المقربه جداااااا اخويه او ولد اختي وبس غير كذا لا

الطبيخ

كل شي انا بعمله في البيت من فطور لغداء لعشاء

ما بنجيب من برى غير الخبز

ولا مره فكر يريحني

والله تعبت ومليت من المطبخ ودائما اقوله اني تعبت يوم اريح من الطبخ

ابدا ولا كأني باتكلم وهو مو من النوع الي لما يكون برى البيت ما يقول محتاجين شي اجيبه واذا انا طلبت مثلا فاكهة او شي

يجيبها ما يقصر بس بزعل يقول ما يحب يعدي مشاوير كثيره

لان في باله خلاص ان الي يقضي من السوبر في بداية الشهر خلاص ما يحتاج شي

ومعتمد ان الخدامه تجيبيلي من البقاله القريبه اي شي ناقص مع انه ما بيتوفر فيها كل شي

هذا الي عندي

واتمنى تحكموا الاشياء الي مضايقتني معايه حق فيها ولا لا

طبعا اشياء كثره ما تكلمت فيها لاني ما ابغى افتح جروح اتعودت على ألمها

معليش اختي احسك شوي مبالغة يعني مشاكلك مو مشاكل بمعنى الكلمة ! بالنسبه للمشكلة الاولى احس انها نعمة مو نقمة يعني زوجك مبسوط منك فيها ليش زعلانة ؟ اما بالنسبة للمصروف هنا خطأك المفروض ماعودتيه , مصروفك الي من ابوك خاص فيك ماله علاقة بمصروف زوجك وانصحك بالادخار بشي منه . اما اوادلادك مالك علاقة فيهم ابوهم يصرف عليهم . وبالنسبة للمطعم انتي جربي مرة اتصلي فيه واتدلعي عليه باسلوب حلو وقولي له مشتهين عشاء على دوقك ! الله يعينك وترا الدنيا حلوة لا تنكدي على نفسك بأشياء بسيطة ممكن الاستغناء عنها .

لان المفروض الزوجه الي تعتمد على الزوج مو العكس

ابغى احس انه هو المسؤول عني مو اسير خايفه اذا شال معاه مبلغ كبير في جيبه

واقعد افكر اذا ضاع من فين راح ادبر واسدد النقص

كفايه شايله هم نفسي ومدبره اموري انا واولادي

السلام عليكم
في تقديري ليست هناك مشاكل تستدعي قلقك الكبير منها عادي تحتاجين مذاكرات مع زوجك بهدوء دون تعصب حول حسن التنظيم وما فيها شيء لو خففت عليه بعض الاعباء بمصروف ابيك حفظه الله
اما عن الطبيخ فلربما اتقانك له يجعله لايستغني عنك فيه
تحياتي

__________________
ما تخطه هنا ستجده هناك "فاحذر ان تكون هناك من النادمين

بالنسبه اني اساعده بمصروف الوالد

ممكن مره او اثنين

بس مو مره يلغي دوره في الموضوع هذا وفي الطالع والنازل يسألني كم عندك

في مره قلتله محتاجه اغراض قالي ممكن اسلفك

قلتله في احد يقول لزوجته اسلفك قال عادي بعدين لما تجيك فلوس رجعيها


وبالنسبه للطبيخ ما يحقلي ارتاح لان يومي صار كله مطبخ

الصباح فطور لولدي لما يروح المدرسه

وبعدها بشويه فطور ليا انا وولدي الثاني

وقبل الظهر اجهز الغداء

ويا دوب اخلص العصر احضر الشاي والقهوي واي شي معاها

والمغرب عشاء الاولاد وفي الليل عشا زوجي

معلش يااختي تحمليني شوي الاشياء الي قلتيها من ناحية الطبيخ كل الامهات والزوجات يسووها ما جبتي شي جديد يعني عادي ليش تحسسي نفسك انك مسوية شي صعب ما ينصبر عليه انت بس تقبلي الامر بنفس حلوة يصير هالشي سهل وعادي مع احتساب الاجر بأطعامهم !

أهنيك علي نظامك وتخطيطك

با النسبة لطبيعة زوجك فيه أشياء أجتمع فيها معه مثلآ عدم التخطيط وعدم الأنضباط في مسألة

الأولويات وعلي فكرة أغلب الرجال كذا والصرف الزايد بعطيك مثال راتبي 11000 وأخر الشهر

مفلس حتي أيجار البيت لي 5 سنوات وانا أقول كل شهر أجمع مبلغ علشان اذا حل الأيجار ما

أنزنق .. وحتي الأن ما طبقتها !!؟؟

وللمعلومية زوجتي موظفة وفيها من طبعك بحسن التخطيط

ناقشتني كذا مرة وأنها هي تمسك ميزانيتي بس أنا رفضت !!؟؟

ليه ما أدري !!؟؟

أدري أني علي غلط بس هاذا طبعي ومن الصعب أني أغيره

يعني لا تتعبي نفسك في هاذي المسألة ولا تعتبريها مشكلة وهي طبع متأصل فيه

ومسألة مصروفك من أبوك ما حبيتها لأن الرجل يحب يصرف علي زوجته بنفسه

وتعود علي ما تاخذيه من والدك وقال بنفسه أستقلت عني والدليل أنه بيسلفك اذا طلبت شي !!؟؟

وبا النسبة للطبخ شاوريه قولي تعبت من الطبخ أيش رايك يبو فلان نسوي جدول للطبخ ويتخلل هاذا

الجدول وجبات خارجية


الله يوفقك يا أختي
وأتمني ما تعتبري هاذي الأشياء الروتينية مشاكل ...

__________________
اللهم ارحم والدي واغفر له

لو لقيت تقدير كان صبرت لاكن قلت في البدايه اني اخر الاولويات حتى الخدم الان ينعمل لهم الف حساب عشان ما تسيب الشغل


ياليت الصرف الزايد شافينه في حياتنا لا كذا بس تضيع الفلوس ما اعرف وين

انا من سنين بطلت اتناقش معاه لان دااااائم يطلع انه هو الصح وانا الغلط

يعني زي ما يقول المثل ياخذك البحر ويرجعك عطشان

الله يسخرنا لبعض وبس

وممكن لاني مضغوطه من اشياء ثانيه هذي الشيئين الي انفجرت فيها وحسيتها مشكله ممكن البعض شايفها شي تافه

أختي الغاليه فونه بارك الله فيك ترى كثير من الزوجات يعانون من ماتعانينه أنتي ولأن هاذا طبع في بعض الرجال يمتازون به دائما أنازوجي لوراح السوبر يقضي للبيت مع الراتب أحيانا يجيب أشياء مالها لازمه أبد ولا تكون عندي بالبيت مثلها ولوشرى شئ وماناسبني أجلس معاه بكر وفر حتى يرجعه يقول خليه أنا أشتري لك إلنوع إللي تبغينه بس هاذا خليه إحتمال نحتاج عليه في وقت لاحق ومايرجع الشئ هاذا إلا بعد محاولات ومداولات وشرح في وجهات النظر أحيانا نشتري ملابس وبعدها تجي كبيره أو صغيره أو وسيعه أو ضيقه بإختلاف المقاسات أقول له نرجعها يقول لا خليها أكيد يكبروا وراح يلبسوها الحين ناخذ لهم غيرها وهاذي خليها بس أنا ما أتنازل أبد في هاذي الأمور أجهز نفسي وعيالي وأخذ مفتاح لسياره وأشيل الأغراض والفاتوره وأقول له ياطويل العمر ياالله حنا والعيال ناطرينك بالسياره حتى تجهز نفسك و تلحقنا فيضطر إنه ينفذ يخضع للأمر الواقع و يوافق بكل هدوء بالنسبه لضياع الفلوس فأنا هنا عندي واحد طيح البوك وفيه مبلغ 7000آلاف ريال وفيه كل إثباتته الشخصيه بطاقته الخاصه والعسكريه والرخصه ونوتة أرقام تلفونات هاذا عام 1418هجري كانت الرواتب شيكات يسلمونهم ذاك الوقت راح صرف الشيك من البنك وطلع أشترى بطيخ وكان معه صديق له دخلوا مطعم يشتروا غداء وبعدها قال زوجي مدري طاح البوك عند راعي البطيخ مدري بسيارة صديقه مايدري داخل المطعم مدري وين طاحت منه ولما جاء البيت شال البطيخ وحطه بالثلاجه وصرفت الغداء وحنا كان عندنا إجازه بنسافر لأهلنا وكنا ناوين نروح نقضي وقت العصريه مقاضي السفر المهم تغدى وبعد الغداء جاب البطيخه وقطعها ماقال لي شئ أبد إلين قلت له الساعه كم تبغانا ننزل السوق ناخذ الأغراض قال والله مدري وش أقول لك قلت خير عسى ماشر قال الراتب صرفته وحطيته بالبوك وطاح مني البوك وكل شئ فيه الراتب والإثباتات ودورت عليه ماحصلته هنا أنا إنصدمت بغيت أنجن وعصبت وجلست أعاتبه كان يقول لي بكل برود لاتحرقين أعصابك تعالي جنبي كلي بطيخ وبردي بطنك والفلوس الله يخلف لنا خير منها يمكن ربنا رزق فيها شخص محتاج فأصبري وأحتسبي جلست يومين مقهوره وحتى سفرنا كنسلناه
علشان ظروفنا والحمدالله على كل حال زوجي قال الفلوس ماتهمني كثر إثباتاتي لأنها مراجعات و إعلانات وتعب وأنت تطارد بعدهاطبعا كل إللي قلته لك غيض من فيض .
بالنسبه لموضوعك فأنا أقترح عليك إقتراح إذا أقنعتي زوجك ووافق يفتح لك رقم حساب بنكي بإسمك بنفس البنك إللي ينزل عليه راتبه وتتفقي معاه على مبلغ محدد تحولينه بحسابك كل شهرمع نزول الراتب على أساس توفرونه لوقت الحاجه والظروف الصعبه
وتكون بطاقة الصراف معك أنتي وتوزعي أنتي مصروف البيت ومصروف زوجك ومصروف لك أنتي وعيالك ومن يخلص مصروفه منكم خلاص يصبر إلين يجي الراتب الثاني وبكذا تكوني وفرتي على نفسك الجهد والعناء بس يكون بعلمك لاتتصرفي إلا بموافقة زوجك ورضاه في مثل هاذي الأمور الحساسه بالنسبه لأكل المطاعم يا أختي أنتي أطلبي منه يعزمكم برى لأي مطعم عوائل على الغدا أو العشاء أو أنتي أول شئ إعزميه بادري أنت بالعزيمه وبعدها راح تشوفي كيف يبتدي يتغير ويعزمك برى البيت أو يجيب أ كل
هو من برى وما أتوقع اذا أنت وصيتيه على وجبه معينه إنه راح يرفض طلبك وأنتي عودتيه بإستمرار طبخ في البيت طيب لو أنتي تعبانه لاسمح الله أو عندك ظرف مثل ولادة أو وقت دوره وكلنا نعرف إن حتى أول أيام الحيض عند أكثر النساء تكون مثل آلام الولاده وأحيانا أشد بالذات المغص وألم الظهر والمفاصل وإلا الحاله النفسيه تكون زفت عند الوحده أنتي تقومي تطبخي ماتطلبي منه يجيب من أ كل من برى أنا عارفه إن أ كل المطعم مو مثل طبخ البيت لا من ناحية النظافه أو الإهتمام الصحي بالوجبه أوحتى القيمه الغذائيه تكون مافيها فوائد من هاذي الناحيه أبد بس وقت الظروف الإنسان يضطر لأكل المطعم مثلا إذا كانت الحرمه تعبانه أو إن الواحد حب يريح زوجته هاذا اليوم ويعزمها برى أو يجيبه معه البيت وهناك بعض الأكلات والوجبات ما تنضبط إلا بالمطاعم مثل اللي على الفحم أو الحجر أو التنور بالذات إذا كان ماعندك بالبيت حوش أو سطح تشوي فيه وتخبز فيه و تحنذ فيه
طبعا الحنيذ هو اللحم إللي بالتنور بعضهم يقولون له مندي يضبطونه بالتنور والمظبي ودجاج الفحم والكباب والأوصال والريش كل هاذي وجبات نجيبها من برى مدام إنك ساكن في شقه فما عندك خيار غير تجيب من برى مثل هالأكلات لأنك لو شويت بالبيت دجاج أولحم أو سمك كيف تصير ريحة الشقه وكمية الدخان بتكون هائله يمكن تذبحك أنت وعيالك أنتي أطلبي منه وشوفي وش يرد عليك وأتوقع زوجك من النوع إللي يحب أنت تطلبه وتنبه للي نفسك فيه وأنتي من النوع الخجول إللي تبغينه هو يجيب من نفسه وعازه عليك نفسك حتى مصروفك ماتاخذينه منه وأنتي بكذا عودتيه على هالموال شوفي أنتي زوجته وذولي عندك عياله أبوهم هو مكلف فيهم وفيك مكلف بنفقته عليكم جميع وهاذا زوجك من حقك تطلبينه وش ما بغيتي بس أبوك مو مكلف يعطيك مصروف لكي ولعيالك مدام إن زوجك إنسان مقتدر ماليا طيب وين أحسن تطلبينه مصروف ويصرفها عليك أنت وعيالك وإلا إنه يسرفها ويضيعها وأنتم أولى فيها وأحق بها من الغير بالنسبه لشغل البيت وطبخك ورعايتك لعيالك يا أختي أنتي مأجوره عليه بإذن الله وهاذا واجب عليك وأنت الحين ماعندك إلا طفلين الله يحفظهم و يخليهم لك وعندك ولد واحد يدرس وقومة الصباح كلنا نصحى الصباح والله يا أختي إني أصحي من آذان الفجر أصحي عيالي ثلاثة كلهم يدرسون أكبرهم أول متوسط وأصغرهم ثاني إبتدائي يتوضأون ويروحوا المسجد يصلون الفجر وأنا أتوضأ وأصلي الفجر وأجهز الفطور لهم ونفطر سوى أنا وياهم وعندي بنتين أصحيهم ونفطر سوى وبعدها أراجع لهم دروسهم شوي وأجهز لهم سندوتشات للمدرسه وأعطيهم مصروف وأستودعهم الله ويروحوا وأنا أرجع أخذ لي فره بالبيت على السريع تنظيف وأطفي النور وأعدل الساعه على 12أو 12:30وآخذ بناتي لغرفتهم ونصكها نومه وبالنسبه لزوجي يصلي الفجر بمقر عمله ويفطر هناك أحيانا يجي يفطر معانا بس متأخر على الساعه ثمان أو تسعه وبعدماترن الساعه أصحي أصلي الظهر وأبتدي تجهيز الغداء وأستقبال عيالي وبعد الغداء تنظيف وغسل مواعين وإن أتاحت لنا الفرصه في قيلوله ما نكرها وعلى آذان العصر نصحى أنا وزوجي وعيالي هما يروحوا يصلوا بالمسجد وأنا أصلي وأجهز الشاي والقهوه طبعا هاذا روتين يومي لازم منها جلسة العصريه العيال يذاكروا دروسهم وأنا و بناتي عند زوجي كل ماتضاربوا البنات فكينا بينهم بالذات في حضور أبوهم يبدعون في مواهبهم قدامه ونجلس حتى يأذن المغرب ونصلي وبعدها نرجع نواصل جلسه وسوالف ولو مثلا البيت ناقصه شئ من برى جابه
معاه بعد صلاة المغرب وبعدها نصلي العشاء ونسوي عشاء خفيف ونتعشى وبعدين العيال كلن على سريره ينام وأنا أسهر أحيانا وأحيانا أنام ودواليك على هالمنوال وفطور الصباح كله بيضتين مسلوقه وإلا مقلية وإلا جبنته المراعي مع مربى أو عسل أو قشطة تاج بالعسل وشوية خبز مع نواشف وأحس الفطور والعشاء مافيه تعب ولايستهلك وقت منك مثل إعداد الغداء طبعا هاذا جدولي اليومي أنا ذكرته لك وعلشان تعرفي إنك ما أنتي في الهم وحدك بس مشكلتك أنت في طريقة تعامل زوجك في حياتكم مسببه لك ضغط نفسي بزياده لازم إنك تجلسي معاه وتصارحينه باللي في خاطرك وتفهمينه أنتي وش تبغين منه يسوي بتفاهم وطريقه حلوه ونقاش هادئ بتودد ودلع وخفة دم منك راح يتحقق لك كل ماتريدينه من زوجك بس إستخدمي أحسن وأفضل الأساليب للوصول إلا مبتغاك وإبتعدي عن العناد ورفع الصوت والعصبيه والمقارنة بين أحوال زوجك وأهلك وعيشتك عند أهلك وعيشتك عند زوجك عامليه بالطيبه والموده وأبذلي المزيد وتقربي منه وإعرفي إهتمامته ولاتخلينه يعتمد عليك بكل شئ خليك شريكه له في كل الأمور مع إظهار أسلوبه ومحاسنة ومدحه والثناء عليه وشكره وقت ماينجز شئ أو يحضر لك شئ إرفعي معنوياته بالعبارت والكلمات الحلوه وإدعي له قدامه إرفعي يديك قولي له الله يديمك ويحفظك ويخليك لنا يبو فلان حنا في ظلك عايشين بخير ونعمه من الله أسأله ربنا مايحرمنا منك ولا من طلتك علينا
وأكثري عليه من الكلام الحلو
إثني عليه بوجوده قدام أهلك أو وقت ماتكلمينهم بالهاتف لوسألوك عنه قولي لهم قدامه
وإرفعي صوتك علشان يسمعك فلان الحمدالله طيب الله يجزاه خير والله إنه نشمي وكريم مريحني الله يريح عليه معيشني أحسن عيشه الله لا يخلينا منه ويحفظه لنا تاج راسي أبو فلان الله يسلمه لي ويبقيه وصدقيني بإذن الله تعالى إن زوجك يتغير في كل شئ في حياته بس أنتي
أول شئ غيري أسلوبك وتعاملك معاه في حياتك وحسسيه إنك بحاجته وإن مالك غنى عنه أبد وربنا كريم قادر أن يبدله من حال إلى حال ويصلحه ويسعدكم في حياتكم يارب أتمنى لك التوفيق والسعاده والإستقرار في حياتك الزوجيه و تقبلي تحياتي أختك في الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يسعدك يا بنت الحكمي كلامك دخل قلبي

بالنسبه انه هذي الامور واجبي ومسؤليتي انا عارفه هذا الشي وتركت دراستي عشان بيتي وزوجي وعيالي ما ينقصهم شي

بس ما لقيت تقدير والله بالعكس زاد الاستعباد ليه كاني جاريه

الله يسعدك يااارب