سلام عليكم
صبحكم الله بلخير
عندي موضوع ابي اطرحه لكم وابي رايكم هل الي بسويه صح ام خطاء
انا ارمله وتقدم لخطبتي ولد عم ابي
خطبه فقط لم يملك علي
وهو صراحه متعلق بي جدا وكل يوم يرسل اخوته يقول قولولها اني شاريها ولا حد ياخذها غيري ومن الكلام ذا وهو لسى ما تزوج
المهم انه خاطبني له سنه او عليها
الي بقوله تجيني رسايل من رقم غريب احس انه هو انا طنشت وعاادي ماهتميت
بس ذي الايام صرت افكر اني احاول اني ادق ع رقمه وتكلم معاه وافهمه انو انا فلانه
صراحه انا صرت محتاجه واحد يوقف معاي محتاج انسان بحياتي يساعدني بتربيت بنتي شايله هم بنتي اسنه الجايه تدخل المدرسه مدري اش اسوي من يوديها المدرسه ماعندي الا اخ واحد متزوج ومو فاضي لنا وابوي مريض مايقدر يسوي لنا اي شي الله يشفيه واتمنى تدعون له بظهر الغيب
والي ابوصل له اني ابي اكلم خطيبي الي ما ملك علي
اول شي بتكلم معاه وفهمه انها لا يفهمني غلط بس حبيت اكلمه الني محتاجته وانه اذصدق شاريني يجي يخلص الموضيع بسرعه لنو صراحه يجوني خطاب كثير وانا ارفض خوف على بنتي من الغريب
ابي شوركم ورايكم
هل ادق عليه واكلمه
صراحه اخوته ماحب اتكلم معاهم بذي الموضيع وماني محتكه فيهم كثير
والله يكتب الي فيه الخير ويسر اموري واموركم

وعليكم السلام ورحمة الله وبركاته

لا يا اختي لا تدقين على هالرقم الغريب .. يمكن يطلع مو هو او يمكن تتغير نظرته لك حتى لو قلتي له لا تفهمني غلط ومن هالكلام ..
ممكن يستغل هالنقطه ويفهم انك انتي ماتقدري تستغني عنه ..
شوفي انا مره سمعت الشيخ المطلق عالقناة السعوديه يقول لا بأس انو البنت تتصل على خطيبها وتسأله في امر حياتهم الزوجيه
وتتأكد من صدق نيته ولكن يكون واحد من اهلك معك وانتي تكلمه على شان مايكون هالشي من وراهم ..
ويمكن ان تأخذي رقم خطيبك من اخواته بطريقتك احتياطا يمكن الرقم إللي تجيك منه الرسائل مو رقم خطيبك ..
لكن خوفي انه يفهمك غلط او يستغل هالنقطه ..

اتمنى تفكري زين واتمنى من الأعضاء يفيدونك اكثر ..

الله ييسر امورك ..اخوك فيد ..

__________________

أختي الكريمة/
أنتِ تمّرين في لحظة ضعف بشري يؤيده حاجتك للاحتواء والسند في الحياة.
:::
أحذرك تحذيراً شديد اللهجة من الاتصال على هذا الرقم الغريب فهذا عمل لا ينبغي. لهذا تجاهلي هذه الرسائل أو احذفيها كي يستريح عقلك من التفكير في شأنها، ولا تفتحي باباً مغلقاً أنتِ في غنى عنه.
:::
أقترح عليك ما يلي:
أ‌) لا بأس أن تسألي أخواته عنه من بعيد لبعيد لعله يفهم.
ب‌) لا بأس أن يتدخّل أخوك في الأمر و يخبر الرجل الخاطب أن هناك من يتقدّم لك بكثرة وقد سبّبوا لكم إزعاجاً، وأنكم لا تدرون ماذا تفعلون مع هؤلاء الخطّاب. فإن كنت عازم على أمرك يا ابن العم فاستعجل.
ت‌) إن كان لهذا الخاطب صديق ثقة جداً يكتم الأسرار فاجعلي أخيك يتجه له و يخبره أن هناك خطّاب كثر يطرقون بابكم، ونحن محرجون من كثرة ردهم، ومحرجون من فلان أي خطيبك لأنني نقول للناس أنها مخطوبة لفلان، فأرجو منك أن تستشف ما هو موضوعه.
:::
الزمي الصبر والاستغفار والصدقة.
:::
هذا ما أقترحه عليك والله الموفق.

اخ فيد مشكورخيو ع الكلام الجميل

	يا اختي لا تدقين على هالرقم الغريب .. يمكن يطلع مو هو او يمكن تتغير نظرته لك حتى لو قلتي له لا تفهمني غلط ومن هالكلام ..

انا موقصدي ادق ع الرقم الغريب ادق ع رقمه هو



غفرانك يارب
مشكورره ع المرور

البليغ
يسلمووو على مرورك وكلامك الجميل
والله يكتب الي فيه الاخير

لا يااختي انصحك انك تشيلي عنك هذا التفكير تكلمينه قبل الملكه لا مايصر مو حلو انك تبادري اول بالاتصال اذا كان هو حاب يكلمك ليش مايكلم عليك برقمه العادي.. واحتمال مايكون هو الي يرسل لك رسائل لان دائم يأتينا رسائل من ارقام غريبه اقول طنشي الرسائل
واصبري اذا كتب عقدك لاباس كلميه واسألي عن احواله والله يوفقك

الاخوه الاعضاء ماقصروا
وكلام الاخ البليغ عين العقل

__________________
اللهم صلي على نبينا محمد وعلى اله وصحبه اجمعين

ما انصحك تتصلي واذا قدرتي تغيري رقمك يكون افضل
وحاولي توصلي فكرة الخطاب اللي يجونك لاهله بطريقه لبقه
اذا يبي يجي حياه بس مدري ينتظر احد يحلف عليه مثلا <<<سامحيني ترا اموت من هالحركات
واذا مايبي الله يستر عليه ويرزقك بشيخه
ما ورا المطططططططط خير