السلام عليكم ورحمة الله وبركاته
اكتشفت وانا جالسه مع زوجي انه مسجل بالفيس بوك وعنده صداقات مع حريم يوم سالته اش هذا قال مدري وحده مرسله صداقه انا مدري قلت انت مسجل بالفيس بوك وتكون صداقه مع حريم ليه؟
قلتله على العموم انا ماهمني سوي اللي تبغاه وتاكد انك محاسب على اللي تسويه قال انتي ماتثقي فيني
قلت المسالة مو مسالة ثقه البداية دايما تكون كذا والله اعلم اش النهايه
وقلتله ماتهمني بس ترى الله يشوفك ويعلم انت اش تسوي بكيفك انت عاقل وتعرف الخطا من الصح
وزعل زوجي وصار يناظرني ومايكلمني كاني انا اللي غلطت
اش رايكم بالله فيه من اللي له حق يزعل؟؟؟

__________________
اللهم فرج همي

أختي ,, أرى أن تصرّفك مبدأياً ,, صحيح ..

أعطيه بعض الوقت ,, يخلو مع نفسه ,, ويعاتبها ,,

ويقدّر فعلته بنفسه ,, حتى يعترف لك بخطأه ,, ولو بعد حين ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

جزاك الله خير اخي تعاندني
الله يهدي زوجي ويصلحه ويكفيه شر بنات الحرام

__________________
اللهم فرج همي

( إنتي المفروض أبد مآتنقهرين من تصرفآته ووآضح إنه يحبك لانه قال لك انتي ماتثقين بي )

بس إنتي بيني له إنه الحركآت اللي يسويهآ غلط وإنه إذآ سوآ هآلحركات حآولي تبعدين عنه ( عشآن مآيقهرك )

__________________

يااختي اتعبتني الدموع انا من يوم شفت انه مسجل في الفيس بوك حسيت بحرقه بقلبي ليه يسوي كذا يعني هو انسان ناضج
اش اللي يخليه يضيف حريم اذا ماكان بيدردش معاهم اجل اش يبغى؟
يارب ريح قلبي واهدي زوجي

__________________
اللهم فرج همي

اختي العزيزه اسمحي لي بكون صريحه معك تصرفك من البدايه غلط انا معك ان الموضوع يقهر ويحر وينرفز لكن كل هذا مع الرجال ماتجيب نتيجه والدليل انه قلب عليك وطلعك انتي الغلطانه حتى نصحك وتذكيرك ما جاء باسلوب انا ما اقول تعالي باسلوب حلو لكن تكلمي بهدوء بحيث انك تبينين له ان هالشي مضايقك وفي نفس الوقت مايكون هجوم
شوفي نفسيته بالاول اذا مروق اجلسي معه جلسة مصارحه وبهدوء وصلي له الي في خاطرك

الله يردكم لبعض ويصخرلك زوجك ويبعد عنكم بنات الحرام

والله يحرم الجنه على بنات الحرام الي مايخافون من الله حسبي الله عليهم

الله يعينك اختي لـــــــــكـــــــن

المفروض ماقلتي له انك ماتهمني يعني نصيحتك حلوه له لكن تكوني واثقه فيه وتنبهينه بس

اما سالفة الصداقه ترى بالفيس بوك تجي صداقات من غير مايدري ولا له دخل فيها

يعني هو يمكن جته صداقات لكن ماقبلها و رفضها

مو شرط اذا جته طلب صداقه ان تكون صديقته ... اتمنى فهمتيني ..

الله يبعده عن الحرام ويخليكم لبعض

تصرف حلو في البداية ...
لابد من تكرار المناقشة بلطف ، بس مايكون وهو جالس على النت ...
يعني أنا أشوف لو حاورتيه بهدوء وبـ(جلسة حوار) عن هالأمر بحيث يكون فيه تنبيه لطيف ومكاشفة بروقااان ..

وفيه نقطة ..
هل الزوج مدمن للنت ويجلس لوحده كثيراً أم لأ ؟
لأن أي إنسان معرض لفتن النت ، فمابالنا بالمدمن عليه ؟!
أوصلي له مثل هالفكرة بحواراتك وإنك خايفة عليه .. من باب المحبة .. ومن باب الحرص .. والغيرة النابعة عن الحب ...
إن أرسلت مثل هالافكار بشكل طيب فسيتجاوب باذن الله ...





بالتوفييييييييييق ....

__________________

عزيزتي شوكة بين ورد..أغلب الرجال لايعترفون بأخطاءهم.. يمكن فعلا جاته اضافات وماقبلها.. أنا عارفه انك مقهوره ومتضايقه
عندي لك فكره.. ليش ماتسجلي في الفيس بوك هههههه وتقوليله انه عجبك
و انه جاتك اضافات من صحباتك ومن ناس كتير وبعدها تضيفيه .. وشوفي ايش ممكن يصير

بس اهم شي في كل الموضوووع انه ترجعو سمن على عسل

__________________

>> لا إله إلا أنت سبحانك إني كنت من الظالمين <<

اختي حواء جزاك الله خير بس والله زوجي قهرني وهو زعلان من امس بالقوة يكلمني مدري على ايش الزعل الله يسعدك اختي ويهنيك
ياحبيبتي اميرة الرومنسيه الله يسعدك بردتي قلبي كنت احسب ان الصداقه على طول تضاف ماكنت ادري انه يقدر يرفض بس الاحتياط واجب والله يحقق امانيك يارب

__________________
اللهم فرج همي