السلام عليكم ورحمة الله وبركاته

قبل كل شي حابه اشكركم على نصايحكم القيمه وحرصكم على المساعده
فجزاكم الله كل خير

قصتي بدأت لما توظفت تعرفت وقتها على بنت كانت في البدايه قمه في الاخلاق وحسن التعامل
اعجبتني شخصيتها ومع الايام صارت علاقتنا ببعض قويه
لكن لاحظت عليها سلوك غريب في تصرفاتها وكلامها وحركاتها كنت مااعرف احدد وش هالسلوك بالضبط
رغم انه واضح بس يمكن لانها صديقتي كنت احاول اكذب نفسي انها مو من هالنوع
كانت تعاني من الشذوذ الجنسي وكنت اتضايق دايما من حركاتها معي لدرجة اني صرت اخاف اجلس معها لحالي وكنت احاول اني اتحاشى الجلوس بقربها الين جا اليوم اللي تهاوشنا فيه
وقطعنا بعض
وبعد فتره رجعنا والحمد الله سلوكها الشاذ مارجع وماصرت اشوف منها حركات تضايقني
ورجعت صداقتنا اقوى من اول
دامت بيننا عشره طويله لاكثر من 6 سنوات
لكن الشي اللي ماحبيته فيها وماقدرت اغيره انها تسمع اغاني وتلبس لبس فاضح حتى امام اخوانها
وهذا الشي كنت دايما انصحها فيه لكن الله يهديها ماتسمعني

لما انخطبت دخلت في سالفه مع خطيبي في مره من المرات عن الشذوذ الجنسي وحكيت له انه كانت لي زميله في العمل كانت تعاني منه لكن ماوضحت له ان الزميله هذي هي نفسها صديقتي الان
وفي مره من المرات استدرجني بالكلام وعرف انها هي نفسها
فوقتها عصب علي وهاوشني لسببين لاني كذبت عليه ولاني مازلت اتواصل معها
انا كذبت عليه لاني ماحبيت اظهرها في هالصوره فهي الحمد الله تغيرت وتركت اسلوبها هذا
وهذا الشي اللي خلاني استمر في التواصل معها
فوضحته له هالشي انها تغيرت وماصرت اشوف منها شي
لكن وقتها قالي اقطعي علاقتك بها نهائيا ممكن انها تركت هالسلوك معك لكن تسويه مع غيرك وانتي ماتدري
غير انها تسمع اغاني وتلبس لبس خليع وانا ماابيك تتأثري فيها
اما انك تستمري معي او انك تستمري معها
فطبعا كان قراري ومن دون تردد اني اقطعها

ومو هذي مشكلتي
مشكلتي ان علاقتي بها جدا قويه وحتى اهلي واهلها صاروا يعرفوا بعض هي الان زواجها قريب والكل يسألني عنها
اهلي وفي العمل يسألوني عنها بعد
الكل يسألني عن اخبارها لانهم يعرفون انه احنا دايم سوا
ووعدتها اني احضر زواجها واساعدها واوقف معها
هي الى الان مااتصلت علي
لكن اذا اتصلت وشافتني مطنشتها وماارد على اتصالاتها ولا رسايلها ولا راح احضر زواجها اكيد راح تستغرب وراح تتصل على اهلي وتسألهم
مو بس هي راح تستغرب حتى اهلي وكل الناس لانهم يعرفون علاقتنا ببعض جدا قويه
فكيف اقطعها كذا فجأه
مش عارفه كيف اتصرف احيانا افكر اني اختلق مشكله علشان تكون سبب اني اقطعها
مهمووووومه والله ارجوكم ساعدوني ايش اسوي
المشكله اني استعرت منها غرض والى الان مارجعته لها موجود عندي كيف اوصله لها
محتااااره ياربي الله يخليكم ساعدوني كيف اتصرف انا اعرف ان خطيبي على حق وانا راح اتركها
بس وشلوووون كذا فجأه
ريحوني الله يريح بالكم

واسفه اني طولت

بسيط الامر جدا

حاووولي انك تقطعينها حبه حبه وبعدي عنها حبه حبه لين خلاااااص ينقطع حب الوصااال

انتي اختلقي الاعذاااار لها وكثري منها لكي هي تحس من نفسها

وقولي انك بتجين زواجها وعطيها من المعنوياااات الزاايده وقت الزواج او قبل الزوااج طيحي مريضه تعبااانه

وكذا تعذري

ورسلي لها رساااله مبرووك وهذا اجمل واسعد يوم بحياااتي لانك تزوجتي وتمنيت ان اكون اول الحااضرين لك لاكن كنت مريضه ولا اقدر اشيل عمري العذر والسمووحه

واذا سالتك عن قل اتصالك وسوالك لها

قولي والله مشغول بالبيت والعمل وتجهيزات الزواج ومع زوجي ومن هذا القبيل

لاكن انصحك انك تتواصلين معها من ورااء زووجك لانك راايحه تكووني الضحيه

وحطي في بالك الصااااحب ساااحب عند النااااس يعني لا تحطين نفسك انتي في غنى عنه

والله يوفقك في حياااتك يارب ياكريم ويستر عليك ويستر على بناات المسلمين اجمعين

اول شى انتى غلطتى انك تكلمتى عنها امامه وخصوصا انه ماضى وانتهى فالمفترض سترتى عليها الله يهديك بس,,الثانى يااختى حاولى تناقشى زوجك انها تغيرت وبتتزوج وكان ماضى وانتهى وان علاقتها باهلك وطيدة وبنفس الوقت استمرى انصحيها ووولكن تتركينها وفجاة !!!والله هالشى بيسبب جرح بجواتهاانا ماقولك زعلى زوجك واعصيه لا بس حاولى تحلين الموضوع بشكل وسطى بحيث ماتخسرينها ولا تخسرين زوجك وان مافادت كل الطرررق ناديها او قابليها او كلميها وفهميها وجهه نظرك انك مغصوبه وان زوجك خيرك بينها وبينك بسبب انو مايبى علاقه وطيدة عشان ماتنجرح وبنفس الوقت تقدرهالشى اما ترك بدون اسباب راح تجرحينها وراح تندمين مهما كان عشرة لاقدر الله يختى لو ماتوفقتى الله لايقدر بزواجك ورجعتى تبينها والله ماتلقينها وراح تندمين خسرتى الاثنين لكن حاولى انك تحلين الموضوع مع زوجك وان مقدرتى زى ماقلتلك صارحيها عشان تفهمك وهى بتتزوج واحوج ماتكون لك بلاش تتركينها بطريقه غريبه وجارحه ولازم زوجك يتفهم هالشى الشى بالتدريج مو مرة وحدة والله الموفق

__________________
اللهم اغفرلى ولوالدى ولاهلى ولزوجى والمسلمين والمسلمات الاحياء منهم والاموات

كلامك سلييييم
اشكرك اخي على حسن النصيحه
جزاك الله الفردوس الاعلى

السلام عليكم
اخطاتي انك ذكرتي سيرتها السابقة اما خطيبك،اما الامانة لازم ترجع لها لان حسابها مو سهل في الاخره، غيابك عن العرس رايي الشخصي مدام خطيبك هو الذي اراد ان تغيبي فيكفي ان يطلب منك امام اهلك ان لا تحضري لسبب ما فيصل الخبر اليها لكن حذاري من الزعل لا تكبري المشكل كلها ايام وتتزوج وكل وحدة تسلك دربها سلام

تقبلي مروري

أختي الكريمة
اولا,خذي نصيحة مني عت تجربة "مش كلشي لازم بينحكى " يا أختي المشكلة تكون صغيرة بمنظورك انتي بس لما تحكيها لزوجك بتصير معضلة لا لها حل و إن وجد لها الحل تبقى ندبة لا تنسى...لا أقول تخبي عليه بس مو كلشي بينحكى يا اختي الله يهديك
ثانيا ,أنا شايفة أنك ظلمت صديقتك...و أنا لو منها بنقهر بعتبرك ناكرة عشرة و دون شخصية لا تؤاخذني حبيبتي...بس هي تغيرت و الدليل أنها تزوجت و طبعا حتى لباسها و اخطاءها ستصحح بعد الزواج إن شاء الله...انا أشوف أنه هذا ظلم,و أنه لو خطيبك واعي و متفهم تروحي تشرحي له و تقنعيه أنه هذه صديقتك و لها عليك واجب و مقولة الصاحب ساحب لا تعمم لأنه لو نيتك ترضي الله و تاخذي بيدها ربي راح يكمل لك بس لو انت تفكري في شيء اخر ,فأنت أدرى....
اقنعي خطيبك أن الله يقبل التوبة و يسامح و نحن لا نتقبل فكرة أنه الواحد يتغير لأننا بنصير ساذجين إن تقبلنا الفكرة؟...و سيدنا المصطفى صلوات ربي و سلامه عليه كان أرحم بالمخطئ قبل المصلح ,بل أرحم باليهودي و الكافر...أختي وقفي مع صديقتك لين يقدر ربي مقاديره و تكملوا مع بعض او كل واحدة تروح في حالها...المهم انت لا تقصري في حق احد

انا ماااقول ان سوفى تسحبها لانها صاحبتها لا والله لا يقوووله

لاكن كوووني حذره للتخاااذك القرااار ولا تكثري النقاااش المؤدي الى العنااااد لكي لا يفهمك زوجك خطا او انك تخترينها عليه

هو صحيح ان خطا منك لانك مااسترتي على البنت في قول الرسووول (ومن ستر على مسلما ستر الله عليه يوم القياامه )

لاكن الان الاخت قالت للزوجها ولا رااايح يرووح من باله هذا الشي لكونه شي عظيم

والسلااام

انا اعترف بغلطتي صحيح ماكان لازم اقوله
والله اني ندمآآآآآآآنه ماتوقعت يكتشف
والحين مايبيني اكلمها نهائيا ولا حتى اقطعها بالتدريج رغم اني وضحت له انها تغيرت وحاولت معه
بس حسيته مع كثر النقاش عصب زياده
فااضطريت اسكت وقلت له خلاص راح اتركها
ولما قلت له انه عندي غرض لها قال ارسليه مع السواق لاتروحين لها

وعليكم السلام
معك حق اخي
الله يعين بس

مثل ما قالوا الاخوات حاول تبعدين عنها شوي شوي .

بس من رأيي من الافضل تكوني معها يوم زواجها , حاولي تقنعين زوجك انها اخر مره بتشوفيها فيها

خاصه انها بتلهى بعد الزواج بحياة جديده .

الله يعيينك .

__________________