بسم الله الرحمن الرحيم
يااارب حرم على من يقرأ موضوعي ويشاركني النار وأدخله جنات النعيم..
باختصار إخواني وأخواتي انا خاطب عن حب وزواجنا بعد شهرين والحمد لله نحب بعض كثيييير لكن فيه مشكله تنعاد دائما بنفس الموال واليوم أقرب مشكله حصلت بنفس الموال..
اليوم خطيبتي بتروح السوق مع اخواتها وبنات خالها مشي على الاقدام وقلت لها لاتروحين مشي اخاف عليك وقالت لا بأروح بأروح وقلت لها خلاص قلت لك لاتروحين اليوم السوق.. قلت فنفسي خليني اشوف غلاتي واحترامي عندها كزوج لكن مع الأسف!! قعدت تجادلني وتناقشني وتقول ليش انت معقد وانت وانت وانا يعلم الله ماأردها دايم أحسسها اني مو معقد وأحسسها انها راح تتزوج من انسان يسعدها.. وقلت لها خلاص انا زوجك وقلت لاتروحين عشاني اليوم لاتروحين خلاص.. قامت قالت انت وانت وراحت غصب عني!! بالله ايش رايكم هل انا ظلمتها؟؟ قلت لها لمن حبينا بعض قلتيلي انك راح تسويلي المستحيل وهذا أمر تافه طلبته منك ماسويتيه!!
شاركوني بنصائحكم انا حاس بإحباط لأنه على شي تافه ماسوته لي أجل وين الحب!!

أخي الفاضل :

انت جاوبت على نفسك بنفسك

الطلب كان تافه فشي بديهي لن تجد تجاوب

شوف اخوي فترة الخطوبة فترة دلال للبنت هي تبغى منك الدلع والمدح طبعا من غير مبالغه

مو تجي تسوي اختبار الحب على اشياء لا تغني ولا تسمن من جوع وتجعلها الفيصل في الحب

لا لا يا أخي ماهكذا تورد الابل ياسعد

__________________

مشكوره بسمة الاشراق على تجاوبك ولكن لو بأمشي على كلامك على كذا بنتعب بعد الزواج بتتعود البنت ماتسمع كلامي وتتمرد صح او انا غلطان؟؟ وغير كذا لو حصل العكس مع خطيبك وقلتيله عشاني لاتروح اليوم المكان الفلاني وراح ايش يكون موقفك؟؟ يعني يكون ماقدرك ولا احترمك ومالك عنده خاطر!!
انا مو بس اتكلم عن احترام وتقدير انا اتكلم عن شرع الله كزوج المفروض تقول طيب وحاضر وهذا مع العلم اني مدلللللللعها يعني لما جيت اطلب شي تافه مايتنفذ؟؟؟

اخووي

انت مفرووض ماهو كلشي تجرب فيه حبك ,مثل تمنعها من شي من شاان تشووف غلااك عنده خطاااء

لاكن لا ترخي الحبل ولا تشده في امور القرارات الان او بعد الزواج (الرجال قوامون على النساء )

يعني لازم تقوولها من الان ماذا تحب وماذا لا تحب ,يعني انتبه تخلي شخصيتك مهزوزه ولا كلمه تجيبك وكلمه توديك ,وانتبه ان زوجتك تكسر كلمتك في الاحوال لانها لو كسرتك سوفى تكسر كل كلاامك

انت تفااهم معها بالعقل وفهمها بكل اللي تبيه

لازم تكون شخصيتك قوويه في هذي المرحله لاتكون مهزوز

وبعض القرارت الي تصدر منك ماهو كلشي تبرر ليش رفضت

خلك انساان وسطي ,

الله يووفقك

أنا رأي تتركها من غير كلام ألين هي تسأل .. وتقول ليش أنت ماتكلمني ساعتها..

أنت كلمها بصراحه.. وقلها إذا من الحين تكسرين كلامي .. كيف بعدين..

وقلها ما راح يكون في أي تجاوب مني لو كسرتي كلامي.. بس أنت مو على كل شيء تقلها لا.. يعني خير الأمو الوسط..

بس لازم تحس أنها غلطت.. وأن الغلط معك ماراح يكون منها عاده..والله يحفظها لك .. ويحنن قلوبكم على بعض..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

مفروض انك ماتمنعها ولا تستخدم معاها اسلوب اذا تحبيني لاتروحي

هالكلام مفروض مايطلع منك ابداً , انت الرجال مفروض يكون تفكيرك اعلى من كذا

تبي تروح قولها روحي الله معاك

طالما هي مازالت في بيت اهلها خليها على راحتها ولا ترد لها طلب ومشي أمورك لين تدخل بيتك بعدين

لاتخليها تحط خطوه عند الباب

وليش يعني ماتفكر , يمكن تبغى تجيب لك هديه

يمكن متواعده مع بنات خالتها وانت جيت خربت السالفه

خليك طبيعي ولا تردها وقت تبي تطلع وقت تبي تروح خليها تروح يا اخي من خسران شي باقي هي ببيت اهلها

ماراح تقعد لوحدك انت

اسمع كلامي وانا اخوك

لين تدخل بيتك ( حط قواعد وقوانين ) وابداء باتنفيذ ومشيها زي ماتبي انت

هي اللي تتفاخر قدام البنات بزوجها فمو متوقعه منك الرفض ابداً

الله يوفقكم ويجمع بينكم بخير ان شاء الله

__________________

الان هي لسا ببيت اهلها المفروض ماتفرض شخصيتك من الحين عادي خلها تطلع لاتمنعها وتكبر المسأله لذ الدرجه
انا لو خطيبي يقولي كذا والله لا ازعل واعصب الحين عندها اهلها هما الي وافقوا تروح وعارفين مع مين راحت
يعني اسلوبك كذا متشدد وانتبة تفرض شخصيتك من الحين وحاول ماتكون الاشياء التافهه مشاكل كبيره بينكم

اخوي ترى نحن هنا لانعرف بعض ولا شوفنا بعض
لكن ماتخطه الانامل يصور لنا الاشخاص فنسال الله ان يلهمنا الصواب ونحن نكتب من باب الاهتللمام فوسع صدرك واطل صبرك فالله خير معين
اخي الكريم اولا الف مبروك والله يتمم لك زواجك بالخير والبركه
ثانيا تحمد الله انها تاخذ رايك وتستشيرك يعني في تواصل ياخي هناك اللي مش حتى محصلين تواصل او حتى في اثناء المكالمات مافي تفاعل او تجاوب وترى اللي يشوف مصيبه غيره تهون عليه مصيبته
بعدين ياحبيبي ترى البنت دامها في بيت ابوه ترى الشور شور ابوها لما تجي بيتك هي عندك وبعدين الكلمه كلمتك
وبعدين هناك نقطه اود توضيحها لي وللجميع
حتى نتاخذ قرار صحيح يجب اولا ان نفترض هذا على انفسنا بنفس ظروف الشخص اللي حنفرض عليه القرار
بمعنى في حالتك انت لو بتخرج مع اصحابك وطلب من ابوك ان لاتخرج يعني في الغالب الواحد حيقول طيب وخلاص مش خارج واول مايصل الى الباب يتصل باصحابه حتى ينسق للخروج فهل خروجه هو من باب عدم الاخترام او عدم الخوف ....فياخي الكريم اذا اردت ان تطاع فامر بالمستطاع ولا تدقر في كل صغيره وكبيره
يعني لو سمعت كلامك كل الدهر وخالفت هواك مره هل هذه المره نقيم عليه الحب والاحترام وننسى كل شي قبلها

عموما اتمنى ان اكون قد وفقت واستغقر الله من اي خطا

الله يفرج عليك لا املك سؤا الدعاء

__________________
اللهم ارحم خالتي وغمد روحها بجنات النعيم
اللهم اجعل قبرها روضه من رياض الجنه
واعف واغفر عنها

لن اضيف سوى لاتقيس حبك بهاالامور الحب اعلى من كذا ... ...