مرحبا يا اعضاء المنتدى كيفكم
بصراحة انا مشكلتي مع تدريبي لان الحين حاليا اخر كورس لي فالجامعهيعني كملت خمس سنين والكورس الجاي بكون تدريبي والتدريب بكون مختلط وهني المصيبه لان الجامعه ماراح تعطيني الشهادة الا لما اتدرب وخطيبي(انا مملكه عقد قران) رافض اني اتدرب ومو موافقوالله الحين محتاره ومافي وقت والمصيبه الاكبر ان اخوي كمان مو موافقوارفض اكثر عن خطيبي ومستعد يقاطعني وابوي قالي انتي شورك عن خطيبك لان باعتبار زوجك اللي واقف وياي امي مصرة اني اتدرب ومستعدة تزعل اخوي عشاني احس بتستوي مشاكل كثيرة بسببي
الله يخليكم عطوني رايكم لا تبخلون علي تراني في حاجتكم
هل اتنازل عن خمس سنين عشان اسعد فحياتي مع خطيبي واللي راح يتزوجني واحسه كثير متغير علي لما عرف السالفة

بس بصراحة احس ان في قرارة نفسي مستعده اني اتخلى عن الشهادة بس موعارفة
دخيلكم اتريا روددكم ساعدووووووووووووووووني

مدام زوجك رافض وبتصير مشاكل من وراء هالشهاده اتركيها واعتبري هالشي لوجه الله ومن ترك شي لله عوضه ،،

موفقه يارب .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

أول شئ رضا ربك هو الأهم..ارفعي يدك للسماء وقولي يارب بترك الشهادة عشان رضاك فعوضني يارب..
وقولي لأمك انا تركتها لرضا ربي عشان مايجي شئ بخاطرها على أخوك وخطيبك..
وبكذا راح تكسبين الكل ومع الأجر والعوض من ربك..

بس نصيحة..قولي لجامعتك إن هذا سبب تركك..ممكن يحطونك بمكان تدريب مافيه اختلاط

وبالتوفيق..ولاتنسين الإستخاره

حبيبتي مستقبلك اهم


بلا خطيب بلا بطيخ


شوفيني

بعت العالم وشريت خطيبي وتغربت

ورجعت مطلقه

واللي بعمري مسكوا مناصب وانا توي ببداية طريقي المهني

والحمد لله ان معي شهاده قبل اعرفه


لا شهادتك هي زوجك الوفي اللي يوفر لك حياة كريمه

وخطيبك ماتضمنينه

__________________
وقل حسبي الله عليه توكلت وهو رب العرش العظيم
اللهم عليك بمن سحرنا اللهم رد سحرهم عليهم وسلط جنهم عليهم وارنا فيهم عجائب قدرتك

اوافق على كلام اختي عطر الحروف

اذا هم شاك فيك من البداية فتركه افضل لان بعض الرجال يشكون من بداية حياتهم

شهادتك هي عزك ان شاء الله

والازواج كثار

حبيبتي استعملي الدلع و الكلام الحلو مع خطيبك و ديني ثقته فيكي و لا تتخلي عن شهادتك
حافظي على الاثنين
تقدرين بالدعاء و بالمساسية توصلي للي تبغينه

اوعك اوعك تتخلي عن شهادتك لأنها هي الي رح تنفعك من بعد الله عز وجل

وخطيبك مو واثق فيكي واذا مختلط

صحيح كنا ضد الغختلاط ولكن اذا اضطريتي خليكي بكامل حجابك واحتشامك وخلصي تدريبك

الخطيب يجي غيره اذا كان مصر ان اما هو او الشهادة

بس الشهادة اذا راحت عليكي الآن خلااص مافي غيرها

انتي الجئي لله عز وجل وادعي بالليل وبالسجود وتكلمي مع خطيبك بهدوء قوليله حرام اروح تعب 5 سنين

وان شا ءالله ربي يختارلك الخير

اختي الكريمة لا انكر ان الشهادة مهمة جدا في حياة الفتاة في وقتنا الحالي، و لكن من جهة أخرى لا يمكنني أبدا أن أنصحك بالطلاق من زوجك.

لذا أرى أن أنسب حل يمكن أن أقترحه عليك، هو اللجوء الى الله سبحانه و تعالى، فاستخيري الله تعالى و فوضي امرك له و اكثري من الدعاء.
و من جهة ثانية حاولي التحدث مع زوجك و اقناعه بضرورة الشهادة بالنسبة لك في حياتك و اهمتيها القصوى و لاتيأسي أبدا.
بل حاولي و حاولي مرة و مرتان و ثلاثة و جربي كل طرق و أساليب الاقناع معه.

كان الله في عونك و يسر الله لك أمورك.

__________________
يا ربي هدي سري و حققلي حلمي..

أختكم السفيرة لمو

غريب أمركم ...!
المسألة ماجت فجأة ، معروف مسبقاً دراستك وكيف مسارها ، الان فقط علموا أنك معرضة للاختلاط ...؟!

5 سنوات ثم تريدين ترك الدراسة من أجل التدريب ؟؟!!!!
لابد من إيجاد حل وسط ... لو استدعى الأمر أن أحد منهم يداوم معك والله بدون مبالغة ..! كلها فترة ثلاث شهور وتحصلي على شهادتك ..



لاتفرطي فيهما واطلبي العون من الله ثم منهم ، بدلاً من السعي في فصلك بهذا الوقت ..
لابد يسعون معك في الحصول على الشهادة ...
لو كانت المسألة مبكراً لكان الرأي مختلف لكن في الوقت بدل الضائع الان ..!
بامكانكم التعاهد على عدم العمل بمكان مختلط لاحقاً .. أما الشهادة لابد من التفاهم حولها لاااابد ...

رغم أني مستغرب جداً منكم أنت وأهلك وخطيبك ...

__________________

أخوك ماله دخل دام أمك و أبوك موجودين ..
لإنه مرات الأخ ما يرضى الشئ لأخته ، بس يتزوج و يرضى لزوجته كل شئ

و خطيبك المفروض إنه عارف طبيعة دراستك و وظيفتك ..

نصيحتي لك ، لا تتركي شهادتك ..
خساااااااااااااااااااااااارة تضيعي تعب 5 سنوات عشان شئ غير منطقي ؟

إذا كان فيه اختلاط ، فخلاص التزمي بحجابك و دايما خليك مع زميلاتك
فين المشكلة ؟؟؟

لا تتنازلي عن شهادتك مهما حصل ..