السلام عليكم ورحمة الله وبركاته ....

انا مخطوبة ومكتوب كتابي من سنتين

عايشة ببلد وخطيبي ( زوجي ) عايش ببلد ثاني ...

انا من فترة حسيت انو خطيبي شوي بخيل .. بس بعدني ما تأكدت من هيدا الشي ..

الموضوع شوي طويل بس مشان تعرفو شو صار معي طول هالسنتين

انا راح احكيلكم عن كم موقف وقولولي اذا كان هو بخيل او لا ,, واذا كنت انا غلطانة او لا وانا طبعا بتمنى انو كون غلطانة ..

الموقف الاول

بأول فترة من الخطوبة اتفقنا على المهر بس بعد اسبوع اتصل علينا وقال انو مبلغ المهر كتير بالنسبة الو وكمان مبلغ المؤخر كتير !!!! انا انصدمت لانو حكى بالمؤخر ... قام والدي قلل منو وقله مافي اي مشكلة انو نحنا يهمنا النسب المشرف والزواج مافيو بيع وشرى والمؤخر لما يندفع معناتو في مصيبة بالموضوع ووقتها مابتنفع مصاري الدني كلها ومن هالحكي.. هو تشكرنا كتير لانو قللنا المهر وخلص صار وقت انو يبعتو مر شهر .. شهرين .. تلاث شهوور مابعت ولا شي مع انو العادة عنا انو لازم يبعت من اول ما تتم الخطبة .. قام شخص وسيط بين العائلتين قالولو انو هوي شو ناطر عيب لازم يبعت المهر البنت مخطوبة من 3 شهر وتحاكيها كل يوم لازم تبعت المبلغ هلاٌ .. لما اجه بدو يبعت المبلغ بعتو قليل مو نفس ما اتقفنا عليه يعني .. الشخص الوسيط قلوو شو هاد المبلغ مو هيك اتفقنا قال لا هيك ولما ذكروو بالكلام والاتفاق قال اها لا انا فهمت الموضوع غلط بسبب اختلاف العملات بين الدولتين وهيك وقلهم انو انا بدي راجع حساباتي وهيك .. قام بعتهم بعد كم يوم
وانا سألتو ازا كان المبلغ الي بعتو منشان الذهب ولا منشان المهر ولا منشان الملابس والتجهيز
قلي انو تبع كلووو وبصراحة المبلغ مابيكفي كل هيدي الاشياء يادوووب جابلي طقم دهب ومابقالي ولا شي للتجهيز

المهم نسيت الموضوع قلت يمكن حالتو المادية صعبة واهلي هم الي بدو يجهزوني

بس بعدين هوي قام يقولي انو راتبو كتير منيح وشغلوو منيح كمان وهوي يقدر يشتري ويقدر يسافر ويقدر يعمل اي شي يعني تقريبا يحاول دايماً يوصلي انو هو عندو امكانية انو نعيش مرتاحين وسعداء مع بعض

المهم طول هالفترة هو يقولي انو انا لازم ابعت لك مصاري انا بقولو لا مابدي بس هو يصر ويقول لا انا لازم ابعتلك انتي مرتي ومابعرف شو قلتلو اوكي متل مابدك والله يخليلي ياك ومايحرمني منك

يمر شهر .. شهرين وهو مايبعتلي ولا شي .. كلما يصير موقف ينذكر فيه مصاري يقوم يقولي نسيت ابعتلك ويوم يقولي انا مافي عندي وقت وانا اقولو والله مافي اي مشكل عادي اساسا انا مو محتاجة هلأ ... هالموقف يصير كلما بدوو يبعتلي مصاري ..

الموقف التاني ...

مرة قلي انو ابعتي اغراضك بالبريد لألي لحتى مايصير عليكي تقل بالمطار لما تجي عندي قلتلوو اوكي .. حضرت غراضي ونطرت انو يبعتلي مصاري مشان ابعتها قام مابعت ودايما يسألني متى تبعتي شنطتك اخر شي قلتلو ياخيي ابعتلي مصاري مشان انا ابعتها لان هالشي من واجبك .. طبعا هوي مابعت على اساس انو ماعنو وقت يبعتلي مشان شغلوو ... الا ان انا قلتلو انو انا بدي ابعتلك الشنطة نفس ماقلتلي.. هي جاهزة من 3 اسابيع.. قام بعتلي بس بعد شهر تقريباً .. انا ماحبيت الموقف انو انا الي اطلب منو بس حسيت انو لازم اعودوو انو هوي يكون مسؤول عني .. كيف كان بدو ياني ابعتلو الشنطة وهو مابعتلي مصاري مابعرف كيف !!

الموقف التالت ..

اضطرينا نسافر انا وهو واهله مشان شغل واوراق رسمية وهيك .. قرار السفر صار عالسريع يعني كان لازم نسافر بأسبوع تقريبا .. قلي يلا احجزي تكت الطيارة مشان نروح انا وانتي نفس اليوم .. قتللو اوكي وبعتلو مسج بسعر التذكرة وقلي مافي مشكلة ..تاني قلتلو لقيت حجز ارخص شوي وبعتلو كمان سعر التذكرة وكمان قلي مافي اي مشكلة ... انا كان بدي ذكرو انو يعني لازم يبعتلي سعر التذكر .. المهم بعد يومين قلي ها حجزتي ولا لسه قلتلو لا لسه ناطرة تبعتلي مصاري وروح احجز ( لأن بدي يتعود انو هوي الي المفروض يصرف وانا مسؤولة منو ) قام عصب وزعل مني وقلي يعني مابعتققد انو في مشكلة اذا حجزتي التكت وانا بعطيكي بعدين .. قتلتو مامعي مصاري هلأ واهل مالهم دخل بهالشي مو مجبورين يدفعو ( انا كان عندي مصاري بس هالشي مو مسؤوليتي ) قام زعل مني وعصب وسكر التلفون .. تاني يوم بعتلي مصاري بس هو ضل معصب مني ..

الموقف الرابع..

رجعنا مرة تانية كل واحد على بلدوو وبعد شهر تقريبا قلي انو انا بدي ابعتلك مصاري هههههه قلتلو واللهي مابدي انا الحمد لله اهلي مايقصرووو معي بشي .. قلي مابيصير اهلك يصرفوو عليكي وانا موجود انا بحس بالاهانة هيك ... قلتلو ياخيي متل مابتحب بس من هون ورايح لاتقولي انو بدك تبعتلي مصاري وما تجي تسألني اذا بدي مصاري او لا .. انت ابعتلي وخلص .. قتلتو لانو في متل يقول اذا ماكان بدك تعزم ضيوف على الغدى اسألهم اذا كانو متغدين او لا هوي ضحك من هالمثل وسكرنا عالموضوع.. مر شهر .. شهر ونص .. كل فترة يقولي نسيت ابعتلك او ماعم بعرف ابعت من الانترنت ...انا لهوووون طفشت .. مو لأني محتاجة مصاري لا والله .. بس لأني مليت من اهمالو ومليت من كلمة نسيت .. قمت حاكيتوو .. قلتلو يعني مابيصير هيك .. يا اما تبعتلي وتقولي خلاص انا بعتلك .. يا اما لاتقولي انو بدي ابعتلك وتتأخر وكل يوم تقولي نسيت .. انا قلتلتك مابدي ولما تقولي نسيت اقولك مافي مشكل .. بس لما تتكرر الشغلة اكتر من مرة تصير مو حلوة لا بحقي ولا بحقك ... قلي انتي بتعرفي ضروف شغلي قلتلوو على عيني وعلى راسي بس انت تشتغل من خمس سنين وشغلك راح يضل معك طول العمر هل معنى هذا انك كل ما بتقصر بشغلي راح تجي وتقولي انو انا ماعندي وقت مشان الشغل .. مالعالم كلها بتشتغل كيف بدبر امورها ؟؟؟ ..حتى لو تعرف تظهر من الشغل ساعة وحدة مشان تبعتلي ولا انك تخلي حالك بموقف متل هاد .. لازم ترتب امورك ولا انك تخليني وتخلي حالك بهالموقف هاد .. انا بحب انو تحسسنني انو انت عن جد بدك تبعتلي مصاري ,, مو تجي تقولي انو بدي ابعتلك .. وتمر اشهر وماتبعتلي ولاشي .. قلي خلص انا بكرة ببعتلك .. قلتلو المسألة مش مسألة مصاري ... المسألة مسألة اهتمام تحسسني انو عن جد مهتم فيني ..

تاني يوم بعتلو مسج انو بدي سلم عليه وقلو صباح الخير قام مارد عليي.. حاكيتوو تلفون قام كلمني بعصبية حسسني ونرفزة .. بعدين بعتلي مسج قلي روحي استلمي المصاري الي بعتهم قلتلو يسلموو والله يخليلي ياك بس انت ليش معصب .. قلي مو معصب بس تاني مرة لما بيكون مامعك مصاري قوليلي ما معي وانا ببعتلك .. قلتلو يعني هاد الي فهتمو من الموضوع انو انا مامعي مصاري ؟؟ حسسني انو انا كل همي المصاري وكل الي فهمو من الموضوع انو انا بدي مصاري قمت قلتلو دامك عصبت انا مابدي هالمبلغ وراح ارجع ابعتلك ياه لانك حسستني بالاهانة والمصاري يا اما تجي عن طيب خاطر يا بلا
قلي تاخذي المبلغ ولاتخبصي بالحكي واذا بعتيلي ياه بيصيرلي غير تصرف معك وكان كتير معصب. قلتلو مستحيل اقبل هالمبلغ وحتى لو استلمتو ماراح اصرف منو ولا فلس وحلفتلو والله اني ماراح اصرف منو ولا فلس .. وهلأ تقريبا فيكو تقولو انو نحنا مابنحكي مع بعض واذا نحكي نحكي برسمية مشان هالمشكلة الي صارت

ارجع ذكركم انو حالتو المادية كتيييييير ممتازة وهوي هلأ اشترى بيت

قولولي بليز انا عم بتصرف معو صح ام خطا .. وهل هذا يعتبر بخل ام اهمال من جهتو ؟؟؟ اذا كان اهمال ليش يعصب لما يبعتلي اي مبلغ