السلام عليكم..

..متزوجة من 3 سنوات , زوجي ولله الحمد اخلاقه تمام

مشكلتي مو قادره انسى كلام زوجي الجارح ..البارح بالليل

قالي من يوم شفت معرفك بحدى المنتديات وانتي مو عاجبتني وراك شئ ..وربي يعلم ان اسمي عادي ولاادري اذا هو يعني لشئ او لا
الاسم (مفقوعه) والله ماخترته الا علشان كل ماحطيت اسم صار متكرر قلت احط اي اسم خربوطي اهم شئ يفتح الرابط , طبعا الرابط تعليمي يخص امور التدريس ..

والشئ الثاني : جلوسك الطويل على النت يرمي لشئ << طبعا ما طولت بالجلسة الا يوم واحد وهو اليوم اللي ماعندي فيه شغل والباقي مشغوله ماطول عليه

الشئ الثالث : طبعا قبل سنة كنت ابغى اوراق تخص دراسة الماجستير لقيت موضوع بالمنتدى يخص هالشئ وسالتهم كيف احصلهن ,ارسلي حداهم بانه راح يحطها عند مكتبه وانتي خوذيهم ..
طبعا انا خبرت زوجي من باب انه مافي حواجز واسرار بين الزوجين وقلت له كذا وكذا ,,واثقه منه
قال من ذاك اليوم وانا تراسلينه وانتي ماعجبتين ..
طيب ليه ما قالي من يومه .. ليه ماقال لي لاتردين عليه ؟؟؟ علامات واستفهامات براسي ..

غيركذا بيروح يسافر برا مع اصحابه للوناسه ورافض يسافر بي برا <<طبعا رابع سفره له

مقهووووووره معتبرته مفتاح لاسراري واشاوره بكل شئ وبالنهاية يشك بي ..

بعد ماشافن ابكي تاسف ,,بس وش يفيد الاسف والقلب مجروح ..
القهر اني فاتحه له قلبي وكل شئ يخصن اعلمه ..

يسالني اذا رجعت السوق هل في احد تحرش بي او لا ؟؟ اقوله لا يقول :أكيد ؟؟؟
علما بان عبايتي ساتره ولا اروح لوحدي لازم خواتي معي ..

..

شوفي ياقلبي اكيد كل وحده تشوف بزوجها صفات تزعجهاا .. لكن نحاول مانركز عليها ونحاول نخفف منها ..

مااتوقع زوجك يشك فيك .. هو يغار عليك .. واكيد يحبك .. لكن عبر عن هالشئ بطريقه ازعجتك ..

وبعض الرجال يغار اذا شاف شئ يشغل زوجته عنه ..

وفيه رجال يكون فيهم نسبة شك بسيطه ... هنا يجي دورك انك تزرعين الثقه بطريقه غير مباشره ..

يعني لو جيتي من السوق وسائلك احد تحرش فيك ؟ لا تتضايقني وتقولين ليش مو واثقه فيني يعني يشك بي ؟

لاتاخذين الموقف بهالصوره .. قولي لا ياقلبي الحمد لله محد واكيد اني لو شفت اي احد يضايقني راح ابلغك .. والحمد لله مستوره والله يبعدني عنهم ..

صدقني مره ع مره راح ترتاحين ...

بقولك شغله عني .. اول جبت لاب توبي ... اجلس ع النت اتصفح . ومرات اذا زوجي منشعل

مع التلفزيون اجلس ع النت .. وصار يتضايق منه ههههههه .. وصرت افتحه بغيابه ..

بعدها بفتره ماصار عندي نت ماشحنت .. فااستغرب وقالي غريبه منتي على الاب توب ...؟؟

ابتسمت وقلت مالي خلق اشحنه ... ( ماقلت له انت مايعجبك اصلا شئ ان جلست عليه تضايقت
وان تركته تعجبت .. وش الحل معك )

موقف ثاني كنت فاتحه النت وكنت خلاص ع وشك اسكره ... كان يسولف معي وقرب جهتي
انا بحركه عفوويه نزلت شاشه الجهاز قصدي ابغى انتبه له .. هو شك على طول وراح قالي ارفعي شاشتك
انا فهمت انه شك .. بهدوء رفعتها وقلت سطح المكتب .. ورجع كمل سوالفه وانا ابد مااخذت الموقف بحساسيه ..

موقف ثاني جيت ابفتح المسن .. هو توقع اقوله لاتناظر بحط الرقم السري .. فقالي اناظر عادي ..؟
قلت ايه عادي وش له اردك مافي شئ اخبيه عنك .. ابتسم وسكت ..

والله مره على مره .. اختفى منه هالشك البسيط بشكل نهاااااائي ..

وانتي ياقلبي حساسه انظري للموقف بشكل مختلف راح يخف شعورك بالقهررر ..

والله يسعدكم يارب والسموحه على كثر الكلام ...

يا حلـــوك ويا حلووو كلامك ..
والله كلامك ريحني كثير الله يريحك بالدنيا والاخره ..

زوجك يحبك ويغار عليك ، ليس قصده أن يهينك أو يشك في شرفك
فإذا كنت تبادلينه الشعور فقولي له أني سأتخلى على النت التي أكلت رأسك بالوساويس وافعلي ذلك
يمكنك ملئ فراغك بالمطالعة أو التلفاز أو غيرها
وتنحل مشكلتك

__________________

	رأيي يحتمل الخطأ

مشكوره على ردك , ربي يعطيك الف عافيه ..
نعم انا ابادله الشعور مع انه صعب اترك النت بس بحاول ..

ابنتي الكريمة أصيلة 3
وعليكم السلام ورحمة الله وبركاته
يقول المتنبي

إذا ساء فعل المرء ساءت ظنونـه
وصــدق مــا يعـتـاده مـــن تـوهــم
وعـــادى محـبـيـه بـقــول عــداتــه
وأصبح فـي ليـل مـن الشـك مظلـم

ذكرتي طامة كبرى عن زوجك بشكل هامشي وذكرتي شكه فيكِ بشكل رئيسي والمفروض العكس
قلت أنه للمرة الرابعة التي يسافر بها مع ربعه للخارج (للوناسه) وكلمة للوناسة مطاطه فهل تشمل الخمر والزنى؟؟؟
من الأبيات السابقة تعلمين لماذا شك فيك زوجك فهو يقيسك مع بقية النساء اللائي يمررن عليه بعلمك أو بدون علمك
وأنتي تنظرين إليه بمنظارك وهو النقاء وتتوقعين أن ينظر لك بمنظارك أنتِ وهو النقاء وهو يتوقع أنك تتصرفين مثله ومن يدرن بفلكه.
فكل واحد ينظر للناس بعين طبعه وما فيه قدره أظهره ملّاسُه
فقفي معه وقفة حازمة ليس عند موضوع شكه فيك بل في سلوكه تجاه نفسه أولاً والعتب عليكِ
لماذا توافقين أن يسافر لوحده مع ربعه للوناسه وأنتي تعلمين ما يحدث فيها ثم تشتكين مما يفعل؟
قال الإمام الشافعي
عفو تعف نساءكم في المحرم وتجنبوا ما لا يليق بمسلم.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

رجل الرجال ..
انا رافضه سفر زوجي من الاساس ودايما اذا جاء الطاري تمشكلت معه ..ولو اطاوعه بكل مره كان اللحين هذي عاشر مره يسافر ..
بكل مرة ارفض يسالني ليش ؟؟ عطيني جواب مقنع ؟؟ مو واثقه مني ؟؟
اقوله اغار عليك واخاف عليك ,,انت رجل ومهما كان عندك غرائز يقولي لو ابي الحرام رحت له ..

هالمره قلت له دامك رايح للاستجمام خذني معك ..قالي مستحيل لاني مابغى صورتك تطلع على الجواز ..

سؤالي : هل صحيح الاسم يرمي لشئ ام لا ؟؟

زوجك يضحك عليك ويحسبك جاهل
يعني يسافر برا لوحده
ويحرم صورة زوجته على الجواز وأكيد يسمح لك تركبين مع السواق لوحدك وهو مسافر فعاد شوفي العجب يغار على صورتك من الجواز ويسمح لك بالانفراد مع السائق؟؟؟؟!!!!!!
وشفي كلمته لو أبي الحرام رحت له وهو الآن يسافر
طيب لإيش يسافر إذا ما يبغاكي معه؟
يقولون بالمثل ( إكذب كذب إصغار عشان ينباع الحمار ) تكرمين عن المثل

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

لا هو ما يرضى اركب لوحدي مع السائق لو اتقطع ما يرضى ..
باضيف نقطة وهو اني طلبت من اروح لسوبر ماركت كبير ومشهور رفض رفض قاطع , لي حوالي سته شهور وهو رافض بتاتا ..يقولي اللي تبغيه انا اجيبه ..اساليه ليش ماتخليني اروح معك واختار اللي ابغى ؟؟ يقولي وانتي ليه تبغين تروحين علشان تواعدين احد مثلا .. قلت كيف يا ذكي اواعد وانت معي
قال : المتمكنات يقدرن بدهاء وان كيدكن عظيم << مادري هل هو ذكر هالكلام علشان يستفزني او جاد ..وان شاء الله انه مو جاد

بنتي الكريمة
في ردي السابق
وضحت لك سوء ظنه ناتج عن سوء سلوكه
وهل يسمح لنفسه بالانفراد مع الخادمة في غيابك؟
وعلى كلّ ٍفعندى إحتمالين
يا هو محترف عبث نسوان ويظن إنك مثل اللي يعبث بهن ومعهن فقد تحادثة متزوجة ومعها زوجها على أنه صديقتها مثلاً ومن تواعده بالسبرماركت وتدعي انها عند صديقتها وهكذا من أعذار التواعد مع الرجال فيحسبك مثلهن
أو عنده عقدة قديمة أن المرأة أيا كانت فاجرة أو ضعيفة في الأصل ومن يرخي لها ستخونه فوراً.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.