مراااحب للجميع ..

موضوعي ماهو مشكلة بمعني المشكلة , لكن محيرررني جداً , ومقلقني صراااحة ..

موضوعي بإختصار :

زوجي حبيبي , حنوووون لأخر درجة , حنووون جداً جداً , بالبداية كنت مبسوووطة بالشي هذا ..

لكن الحين لا , صراحة الوضع تأزم معاه , صار مزعج وخاصة له , أنا احبه جداً وصرت أخاف عليه ..!

من بعد ما عرف إني حامل بالولد الرابع وحالته غررريبة ..

ما ني عرفة كيف أشرح ... بس بحاول أفهمكم .!!!!

زوجي أمه ماتت من وهو صغير , وما عنده خوات , وهو الأوسط بين أخوانه السبعة " كلهم ذكور "

من عرفته وخطبني , وعرف أمي , تعلق فيها كثييييييييييير , يحترمها جدا , ويزورها يومياً أو مرتين

في اليوم , يكلمها بشكل دااائم , يوديها مشاويرها , ويطلع معاها , ويوم تتعب يوديها هو المستشفى مع أن

أخواني موجودين ويقلق كثييير ويبان عليه القلق ...!!

ويقولها كل أخباره لدرجة اشياء تقولها لي أمي وتقول زوجك ما قالك أقول لا ..؟!! يعني أعرف اخباره منها

في البداية أنا فررحت قلت الحمد لله أنه يحترم امي ويقدرها وهذا شيء طيب ..

لكن زاد الوضع وصار يطنشني ويهتم بامي أكثر >>>> لا تفهمون إنها غيره من أمي لا والله ..

بس من جد صار كل مكالماته لأمي وكل شيء يشاورها فيه ويحترم رايها .. يجي البيت ويشوفها ويطلع

بدون لا يسأل عني يعني جاي لأمي مو لي أنا .. !

أمي حبته واعتبرته زي اخواني وكله تسال عنه وتهتم فيه , وتوصيني عليه , وإذا صارت مشكلة بيننا

توقف بصفه ضدي .!!!!

يوم تزوجنا .. أكتشفت بزوجي صفات حلووووة كثير , وأهمها حنانه الزائد , حنون جداً , يخاف علي

ويهتم في , وإذا مرضت وشافني أتوجع يبكي >>> بتقولون وين المشكلة ؟؟!!

المشكلة :

إني أول حمل لي , قالي ياليت تجينا بنت , لكن شاء الله وجبت ولد ..

ما قال شيء بس حسيته تضايق , هو يبغي بنت , واصر احمل بعدها على طووول عشان البنت ..

حملت وبتوائم لكن كانوا كلهم أولاد ,, توقعته يفرح , لكن ابدا ما عبر عن مشاعره , سكت وكأن الموضوع

ما يعنيه .. ؟؟!!! لدرجة اساميهم أشاوره فيها يقول براحتك ..!

ولدت وصار عندي ثلاث عيال , صح أنه يراعيهم ويلعب معهم ويشيلهم ويوم يتعب واحد فيهم

يبكي ومعروف إن الاطفال يرفضون الدواء فأحاربهم عشان اعطيهم الدواء ويبكون فهو ما يتحمل يطلع عنا

ويبكي , لكن بمجرد ماتجي وحده من بنات أخوانه الصغيرات يتركهم ويشيلها ويلعب معها .. >>>> لا تتوقعون أني أغار لا والله ..
لأن هو مو بس بنات أخوانه , حتى يوم نروح الملاهي ويشوف البنات الصغار يهتم فيهم ويراقبهم وما طيح

وحده إلا يشيلها ويشوف تعورت ..

بعدين اصر أحمل " حملي كله وراء بعض عشانه " حملت ولي اربع اشهر رحت أكشف قالوا له ولد ..!

يعني بيصير الولد الرابع ..

هنا بدات المعاناه :

سكت ومن رجعنا البيت قال بينام , عرفت أنا انه تضايق , رحت له لقيته يبكي بحرررررقة ..

ويقول الي ماعنده بنت ما كانه خلف , البنت هي الي تحن على ابوها وامها وتنفعهم إذا كبرت ..؟!!! صار

مكتئب جداً .. وقلت له نطلع نغير جو , رحنا المول وانا اتشري للبيبي الي جاي هو يوقف عند فساتين

البنوتات الصغار ويتفرج فيهم وفي جزمهم ويسأل عن اسعارهم واخذ مجموعة وينتقيها بإهتمام <<< فقلت لا

يكون بيشتريها لكن الحمد لله ما أخذها ..! بس الظاهر إنه كان يحلم أحلام يقظة .. !

وعياله أهملهم وما يحب إزعاجهم , فحاولت اقربه منهم وعزمته مرة وطلعنا مع بعض كلنا , فكان ييقولي

روحي أنتِ مع الأولاد وأنا بجلس هنا ..

وجلس قباله لعبة للبنات , ويطالع فيهم << خفت صراحة لا أحد يظن فيه ظن سيء وهو برررررري جداً

فاخذت الأولاد وقلت له هيا نطلع لكنه مارضى فحاولت إلا ما طلع معنا ورجعنا البيت ..!

وصار يروح لأمي أكثر من أول ويجلس معها , و أحياناً إذا أجتمعوا عنده عياله يقوم وما يتحمل والقاه يبكي

أخذت العيال وديتهم عند أمي عشان يرتاح , قربت منه كثييير بس ما فيه فائدة ..!

زوجي أحسه مريض او فيه شيء , معقول كل هذا حنااان زائد .. ؟!!

لا تقولون نروح طبيب أخاااف عليه لا اقول له لأنه حساس جداً جداً .. وممكن يفهم إني تضايقت منه ..

وهو كمان بحياته العادية طبيعي جداً ..

أختي أم سفيان

ماشاء الله تبارك الله ، ربي يحفظ لك أولادك ..
لو إنك بنت ( أمي ) .. و الله أمي بتحطك فوق راسها

دايما تقول اللي يجيب بنت ، ما كأنه ( تزوج و خلّف ) .. عكس زوجك
و أنا أقول لها ، البنت تشيل أمها و أبوها و تحن عليهم و بسببها يشفع لهم الرسول صلىى الله عليه و سلم
و التفرقة بين البنت و الولد ما شفتها غير هنا في البلدان الإسلامية أكثر شئ مع إنه المفروض العكس ..

المهم ..
زوجك مثل زوجي ، أحس لو أجيب ( بنت ) فراح يفرح بها كثييييير ..
و دحين أنا حامل بس لسى ما عرفت إيش فيه في بطني ^_^
و أمي نفسها أجيب أخ لولدي ..

فزوجك متعطش بالفعل لإنجابك لـ ( بنت ) لإنه ما عنده أخوات ..
و تصرفه بالإهتمام بملابس البنوتات و كذا ، برضو طبيعي لا تشيلي هم ..
أعرف وحدة بعد ما جابت 4 أولاد ،، صارت تلبس ولدها اخر العنقود ملابس البنات
و تطول له شعره ، من كثر ما كانت تتمنى إنه يجيها ولد

و هي دحين ( جدة ) و عندها أحفاد .. و دايم تقول لو عندي بنت كان عملت لي و عملت
لو عندي بنت .. إلخ و تجلس تبكي


و اللي زاد من حالة زوجك إنه أمه ( ميتة ) من يوم كان صغير ..
و تعلقه في والدتك ، لإنها بتعوضه عن حنان ( أمه ) ..

.
.

ليه ما تحاول حبيبتي ، إنك تعامليه كأنه ( طفلك ) مرات ؟؟؟
زوجك بداخله ( طفل ) .. و حكايته فكرتني بحكاية أخ معنا هنا اسمه ( زيتون ) ..
مرررررة مفتقد لحنان أمه و زوجك مثله

.
.

مشكلة إنجاب ( البنات ) ما نقدر نعالجها
مثل اللي يتمنى يجيه ولد ، و ربي يرزقه بنت .. و الشئ هذا بيد ربنا

لكن تعلقه في والدتك .. فحاولي تشوفي زوجك إيش النقص اللي هو بحاجة له
و حاولي مثلا تأكليه مرات ، و أولادك لا تظهري اهتمامك بهم أمامه ( أبداااااااااااااااااااااااااااااااااااااااااااا )

و الله يوفقكم

يالله

من جد عورني قلبي للدرجة هذي....

انا ماالومة...البنت نعمة من الله....ورحمة....بس زوجك واضح انة شفقان حييييييل انة يكون لة بنت

طيب ماوضحتي لة ان هذا مكتوب ...وهو توة شباب يعني مو شايب بالسبعين يخاف انة مايخلف بعدها ابد...
وانا اقرا كلامك اقول في نفسي مافي احد راضي....

ناس تبي بنات
وناس تبي اولاد

وانت احس صعبة عليك ورا بعض(ماشاء الله مسؤلية)

عطي نفسك راحة...

وهذا شئ علمة عند رب العالمين....

كلمي زوجك وبيني لة ان الصحة والعافية اهم من اي شئ...
والحمدالله اولادكم سليمين...ومتعافين....
والبنت والولد كلهم من الله....
اهم شئ صلاحهم....
اللي رزقكم بالاولاد....يرزقكم ان شاءالله بنات....

لازم تنبهينة للنعمة اللي هو عايش فيها(لان الاكتئاب مايخلية يشوف و عندة من اشياء الله معطية اياها)

خوفية من انتقام الله....
الحمدالله
زوجين متحابين
اولاد يحملون اسمك
ويبرون فيك...
الله عوضك عن حنان امك اللي فقدة في صغرة...بطيبة امك وطيبتك...

مافي يديكم الا الدعاء...
الله الواهب والرازق.....

والله يرزقكم باللي يسركم ويسعدكم....

عزيزتي..

ماشاء الله .. زوجك احساسه مرهف كتير..
وشكله لفقدان والدته حاسس أنه يبغى يعوض.. في بنته الي يحلم بيها وفي والدتك الله يحفظها ليكم..
وأكيد هو انسان عاقل وفاهم.. انه جنس الجنين مو بيد البشر ولكن بقدرة الله سبحانه وتعالى..
اتكلمي معاه من هذا الجانب.. وقوليله أنا بنتك ودلوعتك.. دلعني زي ماتبغى..
الله يجمعكم على خير..

__________________

>> لا إله إلا أنت سبحانك إني كنت من الظالمين <<

ماشاء الله تبارك الله ربنا يقر عينك بعيالك يارب وبالنسبه لزوجك إعذريه مسكين عاش حياته محروم حنان الأم والحين سبب محبته لأمك وإهتمامه فيها أنا أقول لك ليش أول شئ شاف أمك تحبه وتعامله بكل طيبه ووجد عندها حنان الأم إللي كان يفتقده وثاني شئ حس بأنه أخذك من أمك لما تزوجك وشغلك عن رعايتها وإهتمامك وسؤالك عنها فحاول يعوضها عنك علشان ماتحس بفقدها لك ومايكون هو سبب في بعد بنت عن أمها وهاذا بسبب مشاعره وحنانه الزائد
فهو بيحسس أمك بأن بنتها وزوج بنتها حولها ومهتمين فيها
فأتوقع بسبب حنان الأم إللي ماوجده وسبب مشاعره الرهيفه وإحساسه بأنه أخذك من أمك قام يعامل أمك بهاذي الطريقه لوجود تلك الأسباب يعني أ كيد يسمع إن البنت لما تتزوج وتطلع من عند أمها إن أمها تحزن عليها وتفتقدها وتجلس تبكي عقب طلعتها من البيت وهو يسوي كذا ما يبغى يحسس أمك بفقدانك .

بالنسبه لرغبته بإنجابك لبنت فهاذا نابع عن حاجته بحنان بنته
وعطفها ودلالها له طبعا البنت أشد حبا لأبيها من أمها وهاذا شئ مجرب فأنا أنجبت أول طفل وجاء ولد والثاني كمان ولد والثالث ولد وزوجي يحتري الملكه تشرف كان يحلم بالبنت بعد الولد الثالث قال ومتي تجيبين لنا بنت وأنا مليت هالأسطوانه منه رديت عليه ولايهمك حبيبي الحين أرو ح أجيب عجينه وأعجنها وأخبزها لك بالفرن وتطلع لك بنت إنت الظاهر تحسب إني أنا حطيت جنسهم أولاد كلهم هاذا شئ من رب العالمين مكتوب من عنده قال لا والله أنا ما أقصد كذا وأنا توني طالعه من المستشفى ولاده على الولد الثالث حتى ألآم الولاده باقي ماتعافيت منها وكلنا نعرف كيف الألم بعد الولاده ويجيك ويقول آه نفسي المره الجايه في بنت
بس الحمدالله الحين عندي بنتين وأبوهم شايلهم فوق راسه
الأولاد صاروا عنده ولا شئ طفشنا بناتي بناتي بالطالع والنازل لا أشوف أحد يزعلهم ولا يضربهم ولا يضايقهم لدرجة إني لو سيرت عن ناس وضربوا وحده من بناته يزعل عليهم ويقول المره الجايه بوديك عندهم لحالك والبنات بشيلهم معي أوديهم الألعاب حتى تخلصين زيارتك ولاتنسين ذيك المره ضربوا بنتي قلنا ياالله الفكه غنيمه من بناتك . و زوجك لاتلومينه في وضعه حاولي تهتمين فيه أ كثر وتراعين مشاعره وأحاسيسه بالنسبه للبنت بإذن الله تعالى ربنا يرزقكم من فضله ويعطيكم بدل البنت بنات ويفرح فيهم زوجك وتفرحي إنتي كمان نسأل الله لك التوفيق يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

زوجي أقولك حنووون لو ما أهتم بالأولاد يزعل ويتضايق , ويقول عني قاااسية لأني مرة رفعت
صوتي على واحد منهم ..
ويقول لا تعقدينهم , ويخليني أجلس جنبهم واحضنهم وقت بينامون ..!
وقت حطيتلهم غرفة لوحدهم تضايق يقول قلبي مو مطاوعني أبعدهم ..
وجلس يبكييييييييييي ..! وانا هنا خلاااص احزن عليه ويقطع قلبي .. !

جزاك الله خير

صحيح إحساسه مرهف لدرجة مؤذية له وبشكل ملاحظ ..
أما عني مو مقصر ابدا , حتى شعري ما يخليني اقصه وصار طويل جدا , وملابسي
يختارها ويهتم بتفاصيل انا ما اهتم فيها ..!
وزي ما قلت كنت سعيدة بالشيء هذا , أما الان لا , لأني حسيته سلوك مرضي بجد ..

إن شاء الله ربي يعطينا بنات توائم ويفرح فيهم ..

الله يرزقكم بالبنت..الصالحه

فعلا البنات هم الي يحنون ويهتمون في والدينهم في الكبر...وهذا شي من الواقع

الولد بس خليه يتزوج ويادوب يشيل نفسه هو عايلته..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها