اللهـ يسلمكم اخـواني وخواتي ابي مساعدتكم ومشورتكم
انا و خطيبي صار لنا تقريبا شهر من تكلمنا مع بعض وحنا مو تو مملكين يعني صار لنا فترة من ملكنا المهم حسيت انه انسان اولا مو ملتزم بالصلاة ( يكلم وقت الصلاة ) وحسيته انسان غير مبالي ما يفتح معي موضوع زواجنا وما يناقشني فيه واذا عطيته راي بحاجة ما ياخذها ابدا مع انها تخصني ويستمر على موقفه وما يغيره مع ان رايه مو لصالحي انا , احسه مو مهتم فيني ولا برايي وبس يحس ان لي رايي مختلف عنه يغير الموضوع علشان ما اقول رايي بالموضوع (هو يقول احب الكل يقتنع برايي ) واذا ما اقتنعت بارائه يتضايق
اسلوبه جاااف معي ويحب نفسه بشكل فظيييع وما يعطي رايي اي اعتبار وصده الكثير اعدم الشعور في قلبي ناحيته هو يكلم وين ووين ولا على قلتها يوم اختلفت مع رايه قطعني اسبوووووعين وقبلها اسبوع ( هذا كله في شهر واسبوع )
والله حتى اهلي مستغربين حركاته وتطنيشه الغررريب
هل هذا الرجل أجبر على الزواج اوهو هو رجل جاف بطبيعته ؟ وهل الشخص المتعالي بنفسهـ الوحدة تعيش معاهـ براحهـ ؟
ادعـــــــووا لي بالتوفيق

أختي الكريمة الحكم عليه بأنه لا يصلي يحتاج الى اثبات من وجهة نظري و ثاني أمر هل ممكن تذكرين بعض الأمور التي تمت مناقشتها بينكما؟

اختي العزيزه

انتي لازم تدرسين الشخص في وقت الملكه دام انتم بالبر

واي حركات تعالي بدرت منه او اي شي لابد ان تتناقشي مع ابووك في المواضيع لان هذي عمر ماهو يوم او يومين

لا نتمنااك ان ترجعي بيت اهلك بعد ماتطلعي منه

درسي الرجال وفصفصيه وخلي تواصل مع ابيك ولا تخبري احد حتى امك لان الرجل دائما يكون اثل وافهم في هذي الامور وياخذها بالعقل اما الام او المره تاخذ الامور بالعاطفه

الله يووفقك ويسعدك بالدنيا والاخره

يا بنت الناس انتي قلتيها ما يصلي
يعني ما وفى حق ربه تتوقعي يوفيكي حقك
لو مئكدة واهلك تئكدو انه ما يصلي
لا تتزوجيه لا تتزوجيه لا تتزوجيه
قال تعالى ( انما الصلاة تنهى الفحشاء والمنكر والبغي )
يعني لو مافي صلاة توقعي فحشاء او منكر او بغي
صلي صلاة استخارة واتركيه على طول
وتذكري بأن الخير فيما سوف يختاره الله

الله يجزاكم خير
ليفربول من المواضيع دراستي يحن اني اتركها او أأجلها وانا شارطتها عليه بالعقد وموعد الزواج ما ناسبني وقلت له وراح عزم وثبت الموعد ولا كاني اقوله عندي ضغط بالدراسة .
بالنسبه للصلاة مرتين مو مرة مرة ما سكر الا بعد ما طلع وقتها ومرة كان عندنا ونسمع الاذان والاقامه ولا قام
وبالنسبة لامي وابوي هم من النوع اللي يقول مهما كانت عيوب الزوج راح تقدرين تعيشين معه مع ان امي بدت تفكر في الموضوع بجدية اكثر بعد ما شاورنا اخوي وقال هذا واااضح انه انسان متعب ومسحوب للزواج من سمع عن حركاته
الزمن الغايم قلتي هذا وتوكم خاطبين وصاير مشاكل اجل لو تزوجتوا كيف؟؟
افهم من كلامك ان وضعه طبيعي ؟؟ انا وحده تكره المشااااااكل واتجنبها بس ابي اعرفه ابببيي اعرف

لا طبعاً يا عزيزتي .. ليست كل العيوب يمكن التأقلم أو التكيف معها.

حقيقة فيما يخص الصلاة فما قلته لا يبشر بخير .. ويبدو لي إنه متهاون في الصلاة.

أما أنه يسعى للرجوع فيما اشترطته عليه (دراستكِ) فهذه لا توحي بأنه شخص مؤتمن أو يحافظ على وعده .. يعني شرط مكتوب في العقد ويرغب في الرجوع عنه فكيف إن كان شرطاً أو وعداً شفهياً بينكِ وبينه مثلاً؟

وأما أنه يتجاهل آراءكِ ويطالبكِ بالاقتناع كلياً بما يقوله فهذه أمرها صعب للغاية يا عزيزتي .. ولن تكوني سعيدة بالتأكيد وأنتِ تعيشين حياتكِ كلها (مسيرة) في كل شيء.



على كل حال .. خذي وقتاً أطول حتى تتمكني من الوصول إلى حكم أدق .. ومن ثم قرري .... وضعي كلام الأخ الوزن الثقيل في ذهنكِ.

__________________


اللهم طِيبَ الأثر .. وحُسْنَ الرحيل.

حبيبتي من راي ان لازم تدخلين اهلج في السالفة وتخلين احد اخوانج او ابوج يكلمه
شلون يتهاون بوقت الصلاة ويصليها قضاء هذي مشكله صراحه ومااصور تقدرين تعيشين ويه رجال مايذكر ربه وانتي تحافظين على وقت الصلاة مايصير
الله يوفقج ويعطيج الخير وان شاء الله يهديه يارب

أختــــي مهرة اللهـ يسعدك ويجزاك خير
والله خايفهـ اخذه على ما فيه واننننندم واكره الانسحاب من غير محاوله بس هو قاطع يعني هو ما يساعدني على فهمه واللي بين لي خوووفني من الاستمراااار اللي اتمناه لانها حياتي بعد ويهمني نجاحها
الله يعيني ويرضيني بما قسمه لي
انا الحين استخير في موضوع الانفصال لاتنسوني من دعائكم
اللي عنده رأي لا يتردد ويقوله وله صادق الدعاء

عمري ما انساك الله يجزاك الجنه
هو انساان ما اتوقع تدخل اهلي بينفع معه ابددا دائما يقول تدخل الاهل هو اللي ينهي الزوااااجات ويفرق الزوجين
ما اقول الا الله يهديه لنفسه ...