إرضاء زوجي غاية مستحيل أن ادركها ... - منتدى عالم الأسرة والمجتمع

25-04-2004, 01:01 AM

آهات ندم

عضو جديد

تاريخ التسجيل: Apr 2004

المشاركات: 16

إرضاء زوجي غاية مستحيل أن ادركها ...

في البداية أحب أن أشكركم على هالمنتدى الأكثر من رائع وبصراحة ترددت كثير قبل كتابة مشكلتي لكم... بس بعد ان فقدت الأمل قلت يمكن تقدرون تساعدوني في المشكلة اللي كل يوم تكبرني سنة ...

بصراحة وباختصار تزوجت عن حب من ابن عمتي والكل كان يشكر في تصرفاته ويمدحه ... عشت معاه أول كم شهر بسعادة والله ماأكذب عليكم كان يموت فيني ومايقدر يزعلني أبد لدرجة إنه لوكنت أبكي .. يبكي معاي ...

ومرة من المرات صار زعل بينا وخرج من البيت بس رد لي مو مثل ماطلع !!!!!!

تدرون اني اكتشفت ان في هالمرة انه خانني ولما سألته مانكر لأنه كان من كثر مايحبني مايقدر يخبي علي شي مهما يكون وتتصورون مدى الصدمة اللي عشت فيها :confused: :confused:

وعدي انها راح اتكون اول وآخر مرة وصدقته بس اللي ذبحني اني كنت اكتشف خيانات مع الساقطات اللي في الشارع يروح ويقول لي عندي طلعة مع الربع ومن هالكلام عشان يعيشني في حلم وردي بس لسوء حظه او حظي اني بالصدفة آطيح على اشياء تكشفه لي ...

حاولت اكلمه مافاد .... حاولت آصارحه بعد مافاد ... حاولت انصحه مافاد ... حاولت ابتعد عنه مافاد ... قولوا لي ايش اسوي ؟؟؟؟

مع العلم ان في عمري ماقصرت عليه ولا في شيء وبشهادة منه ... دلع ليل ونهار حتى وانا عارفة بخيانته لي لأني كنت دوم اسمع ان الزوجة لازم تصبر والزوح لازم بيجي يوم ويتأثر ولأني اسمع ان طوله البال تهد جبال بس اللي صار ان طوله البال هدتني انا !!!
اهتم في روحي من كل النواحي عمره مادخل البيت إلا ويشوفني على اكمل وجهه وماتمت فكرة او طريقة إلا وسويتها له والله ماتتصورون قلبي محترق لأي درجة لأن على اهتمامي فيه جازاني بأكثر شي ممكن يجرح فيه الزوج زوجته ...

كنت اقصر على روحي عشان يكفينا الراتب وفي المقابل يصرف على روحه وعليهن بالهبل ...

حاولت أطلب الطلاق بس اعرف ان اليوم اللي بيصير فيه لازم الوالد بيصير له شي ترى الوالد فرحان فيه وايد ويفكر انه يعيش بنته في دلال وانا اللحين حامل قلت يمكن الطفل يغير فيه شي بس اللي صدمني فيه اكثر انه زااااااااد في فترة الحمل بدل ان يهتم فيني .....

حاولت اقوي عنده الوازع الديني بس ماآظن في فايده ... خبروني ... نصحوني ... هل أذنبت ... إيش أسوي ... هل استاهل مايجيني منه ...

25-04-2004, 01:21 AM

mlk 01010

كبار شخصيات المنتدى

تاريخ التسجيل: Mar 2004

المشاركات: 719

اختي اذنبتي حينما تحدثتي معه ولم تجدي تغير منه واستمريتي معه ,عليك بالحديث مع والدك بكل صراحه وان تذكريه ان ما يفعل زوجك حرام وزنى وانك يا والدي ان كنت تحبني وتحب الله عليك التدخل, وان زوجي ان عاد وخان وزنى لن اعود اليه , ولابد ان يكون موقفك واضح مع نفسك.

__________________
امك واختك وابنتك وزوجتك وامراة لاانثى فقط

25-04-2004, 01:22 AM

دبدوبه

كبار شخصيات المنتدى

تاريخ التسجيل: Mar 2004

المشاركات: 3,310

سهام الليل لاتخطئ اذهبي الان وصلي وادعي ولن يخيب
من رجاه سبحانه وابكي بين يدي الرحمن ولن يخيبك سبحانه

((((((((((((((((((((((((( امن يجيب الضطر اذا دعاه))))))

25-04-2004, 01:45 AM

سحابة

عضو جديد

تاريخ التسجيل: Jan 2004

المشاركات: 5

صارحي اهلك بالحقيقة

احب اني اشاركك يااختي اهات ندم واقول لك يااختى طالما انك كلمتيه ومافادفيه والحين حامل بولده روح لابوك وكلميه وقولى له الحقيقة وانه يسوى كذا وكذا وبيني له كل تصرفاته واموره قول له انا ماابغى يطلع ابنى على هالدنيا ويشوف تصرفات ابوه ابغى اربى ابنى على الصح واعيش انا بطريق الصح انتم زوجتوني له واتمانتوه على وهو خان هالامانة للى عنده قول لابوك يااهات كل للى بداخلك هدك وربي مافيه اوسع واطيب من قلب الاب والام ومايرضوا يشوفك عايشة بالجحيم لو على حساب حياتهم والله ومااقول غير الله يهديه لكي انشاءالله ويبعده عن الحرام ويوفقكي يارب

25-04-2004, 06:31 AM

دمعة السنين

عضو جديد

تاريخ التسجيل: Apr 2004

المشاركات: 20

احيانا يا اختي الرجل يكون كالطفل لازم لمن نعاقبه ما نعاقبه بالكلام بس لازم نعاقبه بالهجر والترك ولا اقصد الطلاق بل التخويف واذا قدرتي فهمي ابوك بهدوء وقلبي معاك ربي يريحك

25-04-2004, 09:10 AM

وسام الحب

عضو نشيط

تاريخ التسجيل: Apr 2004

المشاركات: 197

انا مع دمعة سنين في راييها وبعدين الدعاء يغير القدر ادعي ولا تياسي من رحمة الله يغير من حال الى حال يا مقلب القلوب ثبت قلبي على دينك وبعدين على قولتهم تخافي من الي ما يخاف الله اللله يعينك ويهديه ليكي

25-04-2004, 10:24 AM

hagy

كبار شخصيات المنتدى

تاريخ التسجيل: Dec 2003

المشاركات: 3,308

الله يهدي زوجك

اكثري من الدعاء واسالي له الهداية

( تدرون اني اكتشفت ان في هالمرة انه خانني ولما سألته مانكر لأنه كان من كثر مايحبني مايقدر يخبي علي شي مهما يكون وتتصورون مدى الصدمة اللي عشت فيها )

لكن المش قادر افهمه كيف بيحبك لهذه الدرجة ويخونك تقولي من كثر ما يحبني ما يقدر يخبي علي شي
وتقولي لما سالته ما نكر كيف الرجل يخون زوجته ويعترف لزوجته بالخيانة وبيحبها

__________________
لكم تحياتي ...أخوكم حجي

25-04-2004, 11:20 AM

mona777

VIP

تاريخ التسجيل: Feb 2004

المشاركات: 4,123

انا اتفق مع راى البعض انك تعاقبيه بتغيير معاملتك له واذا تطلب الامر ان تقصدى بيت اهلك فاما انا يكون له درس او ان تفترقى عنه وتكسبى راحه بالك والله يعوضك عنه بالرجل الخير

25-04-2004, 05:29 PM

آهات ندم

عضو جديد

تاريخ التسجيل: Apr 2004

المشاركات: 16

في انتظار باقي ردودكم....


	اشكركم اخواني واخواتي على الردود وانا في انتظار ردود الباقين ... بالنسبة حق اللي قالوا اني لازم اخبر الوالد .. أقول لكم صعبة وايد لانه الوالد مريض واخاف يزيده لو عرف وتراها بتكون صدمة له وحق الوالدة لاني مابينت لهم شي واللحين صار لي سنتين متزوجة وحامل بعد وبعدين ايش يقدرون ايسوون له ؟؟؟؟ كلمت والد ووالدة زوجي بس ماحسيت انهم مهتمين او حاولوا تغيير ولدهم وبالنسبة حق الدعاء والله اني ادعي ربي ليل ونهار يهدي زوجي ويبعده عن طريق الحرام والله كريم وانتوا بعد لاتنسونه ادعوا له عسى تكون ساعة استجابة ... حاولت آغير طريقة تعاملي معاه بس حسيت انه يبيها فرصة عشان يبقى خارج البيت فترة اطول ... وبالنسبة حق اللي قالوا لي كيف يحبك ويصارحك بالخيانة ،،، لما كلمته وقلت له كيف الواحد يحب زوجته ويخونها قال اللي وحلف اني انا في قلبه بس الموضوع صار مثل الادمان مايقدر يبتعد عنه وكل مرة يوعدني انه يتغير بس ماأشوف منه إلا الكلام !!!!! وينكم يالأزواج نصحوني ايش اسوي والله محتاجة حق آرائكم وانا بالإنتظار

25-04-2004, 06:33 PM

#10

خيول الفجر

عضو دائم

تاريخ التسجيل: Jan 2004

المشاركات: 53

اختي اعرف بنت كانت بنفس موقفك بس الفرق بينها وبينك انه هو كان مايعترف ويحاول يبرر اي شيء ويحاول يقنعها هي كانت تطنشه وماترد عليه وكانت عارفه انه بيكذب وكانت تطنشه وهو كااان يموووت فيها ولو يستغني عن عمره عشانها مايقول لا وكان اول مره لما كشفته قالت له خلاص اتركني وكان بيتجنن عليها وطلب منها اي شيء الا انه يسيبها بس فعلا الرجال اذا مانهدوا من نفسهم مافي شيء يهديهم وماتب رجع واكنت تكتشفه وتساله يحاول يبرر الموضوع وعلى هذا الحال اخر شيء صارت ماتصدقه وصارت تسمع اي شيء بتصدق والشك بينهم واصل طبعا كل ماسمعت شيء عنه صدقت حتى لو كان معاها وقالت لها واحده زوجك كان واياي كانت تصدق واول شيء تسويه تروح تساله ويجلس يبرر لها واخر شيء تطنشه وهو يعرف انه هي مو مصدقته بس بالاخير هو الي طفش من قله ثقتها وصار يحلف لو عشرين بنت قدامه مايعيدها ابدا بس خلاص تبطل من شكها شوي قبل فتره تكلمني كان يمزحون يقول لها افكر اتزوج قالت انت بتخليني اشك انه بتتزوج على طول رد لا واللللله مابسويها بس روقي وبطلي شك تقول وقتها تطمنت طبعا هو كان يبرر لها ويحاول يكذب عليها عشان ماتسيبه
واخير الرجال انواع يعني في نوع ينفع معاه هذا العلاج وفي نوع لا
على فكره لاتسكتي الين مايجي الولد لانه كانت واحده بمنتدى تشتكي انه زوجها كان مثل زوجك وكانوا متزوجين عن حب وكان دائما يراضيها لكن بعد الولد صار يستغل الولد اذا بتروحين بيت اهلك خلي الولد عندي وهي توها والده انتبهي اختي والله يوفقك ويريح قلبك عموما راح احاول اشوف لك رابط هذا الموضوع

التعديل الأخير تم بواسطة خيول الفجر ; 25-04-2004 الساعة 06:38 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه