بسم الله الرحمن الرحيم

والصلاة والسلام على أشرف الأنبياء المرسلين

السلام عليكم ورحمة الله وبركاته

أنا عمري 26 سنه قبل فتره تقدمت لوحده اختي كلمتهم وقالت لآمهم يعني الأمور الموهمه وبعدها قالت خلاص يومين وكلميني وفعلآ يومين وكلمتها اختي على أساس أن أم البنت قالتلها وقالت ام البنت خلي الولد يكلم الأب وانا بدوري كلمت أبو البنت اللي قسم بالله تقل أشحذه موب اخطب بنته وعرفته بنفسي وسألني بعض الأسئلة اللي كان الأجدى منه أن يسألني وجه لوجه موب بالجوال و قالي انتظر يومين ((وانا أدق عليك)) انتظرت ثلاث أيام ولا دق انا بدوري حبيت أشوف وش سبب التأخير يمكن جواله مقطوع او ضاع رقمي من جواله ومن هالأحتمالات اللي وضعتها في جمجمتي دقيت عليه هلا أبوفلان انا ماجد اللي كلمتك قال مين ماجد و وش تبي قلت يابن الحلال انا اللي خطبت بنتكم المصون قالي اهاا تذكرت قال معليش والله اني مشغول بالحيل لكن يومين بس واكلمك وعدى أسبوع كامل وخليت اختي تدق على الأم قلت شكل الأب يشرب ويأجر الدور الفوقي وينسى كل شي , طلعت الأم نفس الشي تقول لآختي مين ماجد وقالتلها اختي نفس كلامي مع أبوها >> الله يعين ماندري وش تاليتها معاهم ,, دقيت عليه قلتله يابوفلان انتم ناوين تزوجون بنتكم وإلا وشلون لآني سمعت انه مايجوز ان الواحد يخطب وهو خاطب فأنا دقيت عليك عشان هالشي قالي اصبر قلتله لك 24 ساعة ان مادقيت كنسل الموضوع والله يعين اللي يخطب منكم لآن أشوف أب بليد وأم أبلد >> طبعاً أبلد من القهر قلتها ,, وعدى 24 ساعة وارسل رساله يقول ماجد ماحصل نصيب انا مادري هو شافني بالحلم والا سولف معي بالحلم عشان يقرر انا أنفع وإلا مانفع .. مع العلم ان واحد من جماعة المسجد خطبني لبنته ويوم شفتها واستخرت مارتحت وقلتله انا ماجامل ولا احب المجاملات بالامور هذي وقلتله اني استخرت ولا ارتحت والمعذره وقالي الرجال بالعكس كثر الله خيرك على هالكلام والله يرحم من رباك ... نرجع للناس اللي لمن الواحد يخطب منهم تقل يشحذ والله مع العلم ان الأب أول اهتماماته كيف يستر على بنته ويزوجها لواحد الكل يشهدله بالتعامل الطيب والأخلاق الرفيعه لكن بعض الأباء هداهم الله غريبي الطباع أو أن الأمور كلها بيد حريم وإذا صار الموضوع كذا فعلى بناتنا السلام , ..
حبيت اقولكم ماصار معي في ثاني بنت أخطبها , والله يوفقني يارب بزوجه صالحه تعيني على طاعك

هي الخيرة ان شاء الله ..

الخيره فيما اختاره الله

ماشاء الله عليك أخلاق

وعسى أن تكرهوا شيئاً ..
لا تأزم نفسك تأكد بأن صاحبة النصيب لن تأخذ غيرها .. وغيرها لم تكتب لك
وصدق نواياك ستقودك بإذن الله إلى ما يشرح بالك .. فخلي إيمانك بالله قوي
وأدعوه دائماً بالزوجة الصالحة ..
"اللهم إنا نسألك في الدنيا حسنة وفي الآخرة حسنة وقنا عذاب النار"
أكثر من هذا الدعاء .. وأدعيلي .. تجد مرادك بإذن الله.

ليس أمامنا إلا الصبر,,,
صاحبك شبع من مثل هذه المقالب....واكثر.. لكن مين انا وراء هذا الموضوع لحين يتحل

ربي يساعدك ...

والله خيره اعوذبالله هذولي ناس ماعندهم ذره تقدير حتى لومايبغون عيب مايردون بطريقه مؤدبه انا اقول الله يعوضك خير وطالع قدام ولاتفكر ابدآ فيهم

خيره ان شــآالله

الجانب الأخر
بارك الله فيك اخوي الجانب الأخر


عازف الأوتار
هذا من طيب أصلك . الله يرفع قدرك

انا مندهش
.
الحمدلله أخوي ولم أجزع ولكن عتبي على التعامل وطريقة الرد مع العلم انني مقتنع أن المملك بالسماء
اللهم أمين ,,, جزاك الله خيررر اخوي انا مندهش

M.S
غريب والله يعني موب بس انا ,, الحين بدال مايذبح ابو البنت كل سنه ذبيحة لزوج بنته
يسوون كذا لا ويقولون ليه بعض البنات تلتجأ لمكالمة الشاب او فعل امور اخرى !!!!!!!


alabriii
امين يارب ويساعدك


فاقده شيء
امين يارب ,, ايه ياربي لك الحمد يمكن الله بيعوضني بوحده احسن منها ,, والله صادقه هذا اللي قاهرني ليه تقولون اصبر اصبر بالاخير ماحصل نصيب لا واللي قاهرني ماشافني ماغير ضيع وقتي بمطاردتهم تقل اطلبهم فلوس لابارك الله فيهم

الله يرزقك الزوجة الصالحة

وكل شئ في الدنيا نصيب