السلام عليكم



راح ادخل بالموضوع .انا مملكة وطبعا ماوافقت عليه الا بعد اكثر من عشر استخارات
المهم ملكت ولي فترة كم شهر وادخل سنه .ولاحظت دائما اهله يكرفونه ومصاريف ووووو
لو هو وحيد اهله كان قلت عادي مو مشكله بس فيه اخوان اكبر واصغر منه وش دورهم بالحياة؟
ثانيا :مصاريف يصرفها بالهبل الي بجيبه مايمسكه انا صراحة ابغاه يجمع لان ورانا زواج وتكاليف وقاعه ومن امور الزواج ويجي احيانا يشكي من وضعه المادي ويتكلم عن ايجار شقه وامور كثيره
طيب ليش ماتمسك فلوسك وتجمع؟؟؟؟ قهرني صراحه يعطي الي وراه وقدامه لاهله واخواته والمشكلة ان خواته متزوجات يعني عندهم ازواجهم يصرفون عليهم
اهله احس معتمدين عليه بكل شي اوك ماهمني الحين انا افكر بعد الزواج اخاف يكون باله وعقله مع اهله ويخليني على جنب حتى انا لي حقوقي ولي استقلاليتي
ثالثا: اهله بيئتهم تختلف عن بيئتي يعني احس انهم ناس معقدين وشوي متخلفين خطيبي هو بس الي من بينهم فاهم ومتعلم ونفس تفكيري وخايفه انا مااتأقلم معاهم بعدين لان انا من النوع الي البس واكشخ واروح واجي يعني اهلي منفتحين وفاهمين
فخايفه من هالناحية بيئتهم!!!
طول حياتي مع اهلي بدلال وعز فخايفة اصتدم بعدين!!!

اعطوني الاستشارات المقنعه يااعضاء

مرحبا فيك أختي والله يتمم عليكم بخير يارب , بالعكس اختي بدال ماتفرحين أن زوجك مهتم لآهله واللي بابه خير لآهله مابه خير للناس وتراه حياته الحين تختلف عن حياته بعد الزواج و هذا ماشاهدته بأخواني قبل الزواج وبعد الزواج وهذا شي طبيعي ,, اما مسألة انهم متخلفين وانتم متفتحين الكلمات هذي غريبه عجيبه وليس لها أي معنى إلا بمفهومك انتي وبس ومسألة اللبس كل بنت تحب تلبس افضل ماعندها ولكن لابد ان تكون متحشمه إلا مع زوجها .. ومسألة الدلع والدلال اللي لقيتيه في بيت أهلك إذا كان عاجبك ماتقومين إلا العصر لا شغل ولا مشغله اوكي خليك في بيت أهلك لين ماتتنازلين عن هذا الدلال اللي للأسف خرب طبع البنات عندنا ,, ولو تسألين امك اول ماتزوجت أبوك وش كان وضعهم المعيشي أكيد كان قاسي جداً ولكن مع مرور الوقت تحسن الحال من جميع النواحي الماديه وغيرها ,, عموماً الله يوفقكم ويسعدكم

ونتي وش عليك يصرف على اهله ولا مايصرف
ماللك دخل في علاقته باهله هاذا ولدهم وبكيفه فلوسه وبيعطي خواته واهله
انتي ماعليك من علاقته باهله هاذا ونتي توك مابعد تزوجتي وتراقبين تصرفاته مع اهله اجل اذا تزوجتي وش تسوين
اتركيه وعيشي احلى ايام خطوبتك معه
ومن ناحية الاهل انهم متخلفين ؟؟؟؟ مو عيب عليك تقولي عنهم كذا اذا كنتي تبين تتزوجين اعرفي واكسبي اهل زوجك علشان يحبونك ويقدرونك
وان كنتي ماتبين تروحين من بيت اهللك فجلسي في بيت اهللك على العز والدلال الي تقولينه
؟؟؟؟؟؟؟؟؟؟؟

__________________

من الحين اقول لك يالغاليه اياك واحتقار اهل زوجك

اقتباس:

انهم ناس معقدين وشوي متخلفين خطيبي هو بس الي من بينهم فاهم ومتعلم ونفس تفكيري

تفكيرك هذا راح يخلق فجووه بينك وبينهم وكره منهم لك لانه حتى لو ماتكلمتي بيبين من حركاتك وتعاملك
ومن البدايه بيني لهم ان غلاهم مثل غلا اهلك واكثر وبتشوفين الكل راح يتعلق فيك ويقدرك

__________________

اليوم انت فوق الارض
وغدا تحت الارض فماذا اعددت ليوم العرض

الله يتمم لك على خير
بس حبيبتي مو حلوة لابحقك ولابحق زوجك تقولي متخلفين مهما كانت طبقتهم الإجتماعية وهم يعتبروا أهل عيالك في المستقبل
بالنسبة لسالفة الفلوس حاولي تلمحين لزوجك عن المصاريف وانكم بتحتاجون الفلوس يعني بلاش بعزقة
وقولي له مثلا الصالة الفلانية تكلف والحاجة الفلانية تكلف وكذا بس لاتثقلي عليه
ونبهييه إنه يمسك يده شوي بس برضو لايبخل على اهله لإنه واجب عليه يصرف على والديه فقط اما الخوات فكل وحدة عندها زوج ليه يثقلون على اخوهمم ووراه زواج ومصاريف
والله حرام مايحسون فيه

بالتوفيييق

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

أختي الغالية
أولا مسألة أنه يصرف على أهله و على أخواته..هذا شيء إيجابي و ربي راح يجازيه بالخير على حسن معاملته لهم .أقول لك تخافين لو كان بخيل معاهم بس هو فيه خير لأهلك أكيييييييييد بيكون فيه خير لزوجته وحبيبته
ثانيا لا تدخلي في مشاكل احتقار و نظرة تقليل شأن أهل زوجك من هالحين...حاولي تكسبيهم و تبيني لهم أنك بنت أصل مو مادية و لا تقارنيهم بأهلك ,عمرك ماراح تلاقي مثل أهلك ,حاولي تفكري بمرونة و تقبلي الأشياء بإيجابية
ثالثا الدلال في بيت أبوك , انت لقيتيه بسهولة بس لو سألت والديك كيف شقوا و انحرموا عشان يوصلو لك هالدلال ,كنت عرفت قيمته.
يعني حبيبتي انت داخلة على زواج ,لا تنتظرين بس تاخذي ,عشان تاخذي لازم تضحي و لازم تعطي...
و الله يتمم لك بالخير