انا وحده متزوجة لي سنة زواج سري ماهو مسيار شرعي بس بالسر ظروفي صعبه وغير اجتماعية ولا اهلي حتى وانا يتيمة وامي اللي تعبت علينا يعني ماعندي احد اشد فيه الظهر اضطريت وقررت اتزوج عن طريق مواقع الزواج موقع مشهور ماكانت لي شروط غير مهر اربعين الف فقط لا عرس ولا غيره ولا خلافه اهتميت بالرجال الصالح اللي يقدر المره ولا تمسكت بالقشور لانه دقق حتى على المؤخر وحاول يخفضه او يخفض المهر حتى شبكة ماجاب غير قارورة عطر ماشفت منه هو ادعى انه محتاج عاطفة وراح يعطيني اللي اتمناه عجبني التزامه بالخلق رفض نتكلم او نتواصل الا عبر المسن وحتى هذا كان بتحفظ تزوجنا رغم الصعوبات هو عسكري وانا خليجية وهالشي ممنوع واهلي خافوا من هالزواج بس اقنعتهم بس اتركوا لي حرية القرار رغم رفضهم وخوفهم طبعا متزوج وعنده اعيال من عشر سنوات عنده ثلاثه في يوم النظرة كان طاير من الفرحة حمد ربه من طلع من بيتنا الى وصوله للمطار حسب كلامه يحلف بجلال الله انه ماعرف ولا عاش الحياة الامعي ولا عرف الحب وعرف المراة الا معي بدون ما اطلب طبعا هذا قبل الزواج وبعد وكان مسميني القمة تزوجنا من اول يوم ومن ايام الخطوبة بعد الملكة مباشرة بدت قلة الاهتمام اتصال ما يتعدى الدقيقة وكل العاطفة صارت برود من اول يوم رغم اعجابه فيني وبشكلي وبطيبتي وحناني كل المبادرات العاطفية كانت مني كل التسهيلات قدمتها له حتى بالوقت ماكنت اشوفه الا ساعتين باليوم تنقص تزيد احيانا كانت راحته اهم اولوياتي وحناني وعاطفتي اكبر بكثير من كل شي مرت السنة وحملت رغم رفضه ومعارضته حملت لان صارت مشكله ثاني شهر ارسلني لاهلي شهر!!!! لان عنده دورة ولاهو فاضي يجيني تاثرت وقررت احمل رغم ان حنا متفقين ناجل ولان بعد يوم صممت يجلس معي اربع ساعات ماتنقص اصر على الرفض وقال الوقت اللي يسمح فيه ظرفي فقط قلت طلقني وافق بس ارجع له المهر المهم رحت لاهلي ورجعت وتعوذت من الشيطان وصبرت وقررت الحمل وحملت بعد هالمشاكل اللي كانت من البداية ماكنت ابي ننفصل حبيته من كل قلبي راعيته وراعيت اهله وزوجته وطلبت يخفي الزواج لاخر يوم في عمري اقسم بايات الله عشان مشاعر زوجته انا مش موظفة لكن اتاجر وقبل ما اتزوجة كانت لي تجارة اجيب بضاعة وابيعها على قدي وسالني قبل الزواج وقلت له كان دايم يردد زواج وتجارة اصر بعد الزواج اكلم اهلي بتجارتهم ونتاجر سوى طبعا هذا بعيد عن تفكيري لان اهلي بيحسون انه يبي استغلالي ولا يبي يصرف علي الح وقلت له يقدم قرض قدم حاولت وبذلت للاسف كل اللي يطلع يصرفه ويلومني ليش ما صار لي مشروع ثابت وقوي مع اني ماخسرت الفلوس بس صرفها بس لامني ليش تسببت بالقرض ولا دخلت من البداية بمشروع ناجح المهم كنت اقتر على نفسي مصروفي خمس ميه كنت اصرف فيه على اكلي وشحن الجوال من تزوجت ما اشتريت ملابس وانا ملابسي كلها ماركة قبل الزواج وكل فلوسي اصرفها على نفسي بس تحملت علشانه امرض واصيح لحالي ما ازعجته برساله من تزوجنا ما وداني عمره وزوجته ثلاث مره خلال سنة ويحجز لها قدام الحرم وانا ساكته وقدامي بالعيد حتى ما طلعت اليوم لو نروح ينحسب علي المهم تضحياااات كثيرة لا لها اول ولا اخر رحت اولد وطول الوقت يلومني على الحمل ويبيني اولد في وقت فراغه ويقول انتبهي تولدين هالاسبوع مشغول وكنت اقوله بدبر نفسي واهلي معي لا تشيل هم ولدت ولا جا وجا بعدها بيوم ساعتين وطلع الفجر وقال بجي على رواق بعدين وبعد قال بعدها ترى ساعتين واروح بعد غيبة شهرين وفي يوم ولدتي كاتب لوحده بايميله ابي اقابلك لانه بيجي لمنطقتنا وهي في منطقتنا فراح يستغل الفرصة ويوم رحنا عمرة لان عنده دورة مواعد له وحده بس كلهم ماعطوه وجه الظاهر مع انه يوم جاني طلع ثلاث ساعات المهم جيت بيتي بالقوة بعد اربعه شهور كل مره عنده عذر برد غبار مشغول مريض وهو طول هالوقت مفضي نفسه للبنات والمسن لان كل ايميلاته مواعيد كنت استجديه الكلمه الرسالة تصبحين على خير يقول انتي فاضيه وتبين رومانسية وان افكر بمشكلة الطفل اللي جبتيه وهي مسطر لها ايميل اعتذار ماقالها تصبحين على خير طبعا خويته المشكله ان اهله وعائلته محافظين وهو يدعي الالتزام ولو كان مش مطوع يقسم بالله انه عفيف والظاهر قصده الزنا والعياذ بالله انه ما ارتكبه بس اعرفه ضعيف كيف يقابلهم بدون ....؟؟؟!! لقيته مسجل في مواقع الزواج والمسيار الخ معلوماته غير صحيحة قلت اكيد مش قصده الزواج طبعا الرقم السري حق ايميله عندي حصلت عليه بطريقة ذكيه مايدري هو طبعا ممكن اسامحه وابعده عن خياناته بس زواج بعد التضحيات وفي وضعي انا ما اشوفه كل الوقت يقول طاير واعيالي مقصر عنهم سنة ونص ماشفته ولا شبعت ولا بعد شبع مني كيف يتزوج علي مغرقته حب ورومانسية ودلع كل اللي يتمناه الرجال موفرته وكلامه يدل على هالشي لقاءتنا مثل العشيق لعشيقته والعياذ بالله في قصرها تزوجني على الاولى بعد عشر سنوات بس انا ماصار لي سنة ووضعي غير مستقر وطفلتي ما اضافها وفلوس القرض يحاسبني عليها الخ المهم سجلت بموقع الزواج ارسلت له قال انا جاد ونتفاهم اضافني على المسن تفاهمنا اووووووول دردشة مصر على الزواج وجاد جدا واتفقنا على الخطوط العريضة وبيكلم اهله بعد يومين ويرد علي وبيخطبوني وفعلا كل كلامه اكتشفت انه صادق فيه سالته متزوج قال وحده فقط وذكر عدد اعياله من زوجته الاولى طبعا انا انكرني وبنته سوى لنا دليت المصيبة حدد لها الاوقات اللي بيجيها فيها طبعا كل الاوقات اللي ممكن يجيني فيها هي لها وبيخلق لها زيااادة طبعا لان تعرفون لو يبي فعلا راح يتوفر الوقت خصوصا انه يوم يستلم وثلاثه ماعنده شغل ويوم استلامه عندي والباقي فاضي ورغم كذا يمرني او مايمر مع ان تناقشنا كثير بهالموضوع مصر ماعنده وقت مصروفها 2500ريال !!!! وانا خمس ميه مصروف ولدها عليه لان ذكرت اني مطلقه وعندي ولد شقتي غرفه وصاله وبيحط لها ثلاث غرف وصاله علشان ولدها قمة الظلم قال يبيه سري لمدة سنتين بس اهله يدرون بيعطيها الحب والعشق اللي مابعد عاشه واللي كان يحلف انه عرفه معي وعاشه الوقت العاطفة الفلوس كلها لها ولزوجته الاولى طبعا وحقها محفوظ انا ضعت شوروا علي وش اسوي قررت انتقم منه واطلب الطلاق بعد ما اسحب فيه بالدردشة واخليه يعشق زوجته !!!! وارجع كرامتي المهدرة وحقوقي انا حامل حملت بالاربعين والى الان مايدري لانه ليل نهار يلومني على حملي من بنتي وهي عمرها اربعه شهور!!!! الرجال جااااد لا احد يقول يلعب لالالا عطاها اسمه ورقمه ويبيها تسال وبيرد عليها بعد يومين خلال اسبوعين بيخطبها طبعا اللي هي انا انا راح اخليه يكلم اهله فعلا وبعدين تبدا خطة الانتقام وراح اخليه ياخذ قرض وراح اخذه وبوهمه بمشروع ناجح وهو يتمنى هالشي ويوقف على رجوله بالتجارة جعلها الكسر راح ارسل له على اساس انها هي في وقت جلستنا طبعا بعدين واحسسه بالخوف ارجوكم اللي عنده شور ثاني يشور علي ارجوكم اعتبروني اختكم ما ابي ردود غير الحكمة اللي حاس انه مش قادر يعطيني حل فقط يدعي لي دعوة اخ لاخيه المكروب عسى ربي يفرجها علي عشت اليتم والحرمان والفقر وخايفه على اعيالي من هالشي بس ما اقدر اصبر على الظلم هذا لو ماخذ هندية ما صبرت ولا نكر عليها حقوقها كذا لا احد يقول من حقه لان التعدد شرطه العدل انصحوووني ارجوكم

__________________

الله يفرج عليك كربتك
مواقع الزواج لا اثق بها ابدااا
واحس اللعبه الي قاعده تلعبينها عليه الان ممكن تنقلب ضدك
الله يلطف بحالك

__________________

ابنتي الكريمة جريح عميق
وعليكم السلام ورحمة الله وبركاته
نسأل الله عز وجل أن يفرج همك ويبعد حزنك وأن يختار لك الخيرة من أمرك
الموضوع من جانبين
1- من جانب زوجك:
زوجك من النوع المذواق, وهو من يكثر الزواج الحلال وبعدها يكثر الطلاق , ولعدم قدرته على أموره بشجاعة يلجأ إلى السر والبعد عن مركز عائلته الأولى ومن حولها من أهل زوجته وأهله, وسيستمر بفعل ما فعل معك مع غيرك ومع الجديدة وهكذا, وفي الغالب يحرص على أقل قدر من الصرف في كل زواج وتدوير المبلغ بأكبر عدد من الزواجات.
2- من جانبك أنتِ:
رضيتي بشروطه وشرطتي عليه فالتزمتي وضحيتي ولم يلتزم ولم يضحي وأنجبتي منه مرتين, ولما بحث عن زوجة ثالثة تملكتك غيرة حب التملك أو نحوها ولا تريدين أو يكون مع غيرك وقد كان مع زوجته الأولى غيرها وهي أنتِ, وسيتزوج على الجديدة إن دخلت وهكذا كما أتوقع, وهذه سنة الحياة أن لا نرى إلا ما يهمنا وقليل من ينصف من نفسه.
العلاج:
بعد ما سبق إيضاحه
أنصحك ابنتي بكتابة ورقة عمل لاتخاذ قرار حازم في الموضوع بنفسك فأنتي لا تحتاجي إلى رأي بقدر ما تحتاجين إلى تقرير ما ترين أنتِ أنه الاصلح لك ولكن نساعدك هنا باتخاذ القرار المناسب.
كيف يكون إعداد ورقة العمل:
غالباً أنصح طالبي الاستشارة عندي هنا وفي النت بإعداد ورقة عمل وهي ملف بالحاسب يتم إعداد لاتخاذ قرار حازم فيمجرى الحياة: وتكون على النحو التالي:
قرار نهائي بيني وبين زوجي
أولاً: قرار البقاء معه:
أ- الايجابيات:
1-
2-
3-
وهكذا
ب- السلبيات:
1-
2-
3-
وهكذا
ثانياً: قرار الانفصال
أ- الايجابيات:
1-
2-
3-
وهكذا
ب- السلبيات:
1-
2-
3-
وهكذا
ثالثاً: القرار النهائي
قررت الأـ..... الاستمرار.... الانفصال:
رابعاً:
ما يترتب على هذا القرار عملياً وما يجب أن أعمل لتنفيذه:
- أذكري في كل فقرة كل ما تعلمين من الايجابيات أو السلبيات
- أكتبي الفقرات بشكل عقلاني لا عواطف ولا ردود أفعال لمواقف طارئة أو من الذاكرة.
ستجدين في النهاية كل جوانب الموضوع بين يديك وستجدين القرار المناسب يطرح نفسه.
أسأل الله لك وللجميع التوفيق والسداد.
المستشار / رجل الرجال

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

زواجي مش مسيار سري فقط وجزاكم الله خير

هالحين يااختي في الله متزوجته ومخذته من زوجته الاولى وبسر (يالله كيف بتكون مشاعر زوجته الاولى لما تكتشف )
وسبحان الله ياما جاء يتزوج وحده ثالثه ترفضين وتبين تنتقمين منه بعد ( بدال ماتلجئين لربك وتدعين ان الله يسخره للك تقومين تقلبينها ضدك احسني نيه علشان ربي يوفقك)
وليش ياااختي من البداايه تو افقين انه يتزوجك بسرر انتي عارفه انه يقدر مثل مخذاك بسر بيطلقك بسر وشكله من البدايه لاعب واكبر دليل يوم حملتي حط اللوم عليك وبدء يسحب عليك
يااختي لو انك رضيتي وتزوجيتيه بالعلن وقدام كل الناس كلهااا
مكان صار للك اللي صارر
[COLOR="Red"]اختي احسني نيتك ولاتنتقمين ابداا الجئ لربك وادعيه ان الله يسخره للك
انتي رضيتي تاخذينه وهو متزوج وعارفه ان المتزوج ماينضمن وبالخصوص ان زواجك منه بسرر
مقدر اقول غير ربي يفرج همك ويجمع شمللك معه

__________________

انا اشوف خطـتك مناسبه ..

لازم تعطينه درس .. عشان مايحسب بنات الناس لعبة
لاصار مديون وحالته حاله رح يتأدب ويتوووب ..
هذا هم العساكره اغلبهم كذا ..
اما خوان مع خوياته او مزواج ..
بس هذا جامع الاثنين ..

بصراحه انا اشجعك تستمرين على خطتك وتعلمينا اول بأول..
وانا حاسه ان زوجك بالاخير رح يطلقك .. بس يبغاك تدفعين له
لانه يبي يستفيد بهالفلوس حق زواجات وعلاقات ثانيه

اختي جريح عميق..مااقول الا الله يكون في عونك من البدايه كان ترفضين ان الزواج يكون سري وبعدين انا مع راي اختي ملاك يونا كملي خطتك لانه في النهايه يبغى يتركك ودام الزواج شرعي ارفعي عليه في المحكمه عشان حقوق النفقه لك ولاطفالك .....الله يساعدك وييسر امرك

قررت الاتي
اولا القرض ضروري وراح اخذه
الخطوة الثانية بتواصل معه بالدردشة والحين يومين وذاب وراح يخطبني ويقول لاهله بخليه يقول لامه وتكلمني برقم جديد على اسااس الزوجة الجديدة بعده
راح اسوي ايميل رجال واراسله عبره انا اعرفك ومن زملاءك من الايميل وش علاقتك بالبنت لاني شفتك ايميلك مضاف لها وراح ابين له ان هالبنت وسخة لابعد درجة وبعطيه معرفي والباسورد عشان يدخل عليها منه ويتاكد هذا طبعا بعد ما بدا يحس انه قريب من حلمه فيها والزواج
خلاص راح ياخذ درس عمره ماينساه من المواقع والبنات
والخطوة اللي بعدها راح اقول له راسلت البنات اللي في ملف تعريفك بالنت لانه مش منتبه ان الكل يشوفهم من غباءه
وبقول هالبنت بتتزوجها وارسلت لي كل دردشاتكم طبعا بعد مايكون تهاوش معها لان عرف معدنها وهي من باب الانتقام ارسلتها لي
راح اطالبه يعلن الزواج واتشرط لان رقبته بيدي وممكن افصله من عمله واشرده ولا انا بكلم اهله بنفسي وزوجته
هذا حاليا اللي طلع معي