السلام عليكم ورحمة الله وبركاته

أتمنى من المشرفين عدم نقل الموضوع لأني متعوده عالقسم هاده وما الفلف على غيره

المشكله خاصه في اختي الكبيره
اختي من يوم عمرها 15 سنه والخطاب ما وقفت عنها بس هي دائما تتحجج وتطلع في كل واحد 100 عيب لين ما طافها القطار......
بالنسبه لها هي حنونه علينا ولامتنه كلنا ومحتويه الكبير والصغير بعقلها وحكمتها كانت لنا بمثابة الام ((الله يطول بعمر الوالده)) تشتري لنا ثياب وتدرسنا في المدرسه يعني قايمه بنا بالكامل حتى في زواجنا ونفاسنا(( وما انكر طبعا دور الوالده كان لها نصيب ))
خطبها واحد محسوب علينا من العائله بس من منطقه بعيده نسمع عنه بس ما شفناه
شافها في مناسبه عائليه وحبها وتعلق فيها وهي بعد حبته بس الوالد رفض لأن اكبر منها ب16 سنه وعنده زوجتين وموقادر يصرف عليهم شلون ياخذ الثالثه بس هي الله يهداها استمرت تكلمه في التلفون لمده خمس سنوات بالرغم ان الكل كا نرافض زواجها الا ان الوالد اضطر يوافق
واستمر زواجهم اسبوعين بس اتحجج هو ان في احد مسوي له عمل وموقادر يكمل الزواج و((طلقها))
ومرت بحاله نفسيه شديده ظلينه كل يوم والثاني نوديها المستشفى بس محد فينا قال لها هذا ما جنته عليش نفسش بالعكس وقفنا معاها وهي بنفسها تشهد لنا وتقول ما اقدر انسى وقفتكم وياي
المشكله مو في الي راح المشكله في الي جاي حاليا متقدم لها واحد اخلاقه زينه بس اصغر منها ب13 سنه ما يشتغل مجرد مخلص معاملات يعني ياحصل فلوس ياما حصل ما عنده مكان يسكنها يبي يسكن وياها في بيتها يعني بيت ابوي وفوق هذا كله الزواج مسيار بس مو في السر بيسون حفله بسيطه للأشهار مايقدر يدفع لها مهر هو عمره 31 سنه وهي عمرها 44 سنه
السؤال الي في بالكم ليش يرضى شاب ياخذ وحده اكبر منه بكثير؟؟؟؟ هو يعرفها من زمان في منتدى ويقول معجب باخلاقها والتزامها

احنا كلنا مو موافقين والوالده صارت مريضه بغت تروح من ايدنا وهي الحين زعلانه على الكل وتقول انتون مو حاسين فيني ما تدرون ان الوحده محتاجه الي زوج ووووو
واتقول انها تحس بالوحده احنه قلنه لها ما عليه بس هذا زواج مو متكافئ حاله حال الي سبقه
وان شاء الله بجيش احسن منه بس هي مو مقتنعه وتقول ذنبي في رقبتكم ومسؤلين امام الله
ابي اريكم يجماعه ما نبي نظلمها ومسامحه على طول الموضوع حذفت احداث كثير وذكرت الاحداث المهمه عشان تكون عندكم صوره شامله