السلام عليكم ورحمة الله وبركاته

اللهم اكتب ما فيه الخير والصالح لي ولها و ارض كل منا بما قسمته لنا برحمتك يا الله

و ارجوكم ان تدعوا لنا بالخير والصالح وان يكشف الكربة والغم والهم
----
المشكلة

خطبت فتاة ((ملتزمة)) وهي فعلاً كذلك و أهلها دعاة -- سألتها بالشوفة الشرعية ان كانت تكتب بالنت-- قالت لا ما اكتب --امها قالت طيب قولي له عن الموقع اللي تعلمتي فيه كذا وكذا -- قالت هذا موقع امريكي او بريطاني --- بينما هو منتدى وامها تعرف عنه !!!

بعد الملكة انصدمت بجرأتها من حيث الكلام و السوالف والضحك من البداية -- بعدها قالت لي انا ضد الحواجز بين الجنسين !!! و صارت تتكلم عن العمل المختلط اللي عملت فيه لشهرين و مدحت دكتور سعودي معهم وقالت سالفة جانبية عنه !! وانا متوقعها ملتزمة مثل ما قالت امها وقت الخطبة فمتوقع انها ما تسولف سوالف جانبية مع رجال !! -- بصراحة كانت قاسية شوي معي وانا رومانسيييي فـمشاعري راحت للأسف -- بعدين عرفت انها تكتب بمنتدى و فيه ميانة و مزح بينها و بين الاعضاء بالمنتدى و تقبل باضافة بعضهم للمسن ((لأنها مشرفة في المنتدى )) -- بس اذا المزاح في المنتدى غير مقبول كيف بالمسن!! واستمر التواصل بينهم اكثر من سنة و نص !! --- قهرني موضوع الجرأة و ثم موضوع انها كذبت علي يوم الشوفة ثم انها تضيف رجال بالمسن !! بينما انا وانا خاطبها ما حصل لي هذا الشرف ! و خلوني انتظر ردهم خمس شهور وبعدها نص ساعة شوفة ثم ملكة !!

سألتها عن رأيها بكون فيه رجال بالمسن بعد الملكة((بس من حيث المبدأ)) -- قالت مافيه مشكلة اذا فيه حدود و بعدين غيرت السالفة - سألتها عن رأيها بالمنتديات قالت انها مضيعة وقت و كذا وانها ما تشارك فيها !! مع اني ادري


كتمت الموضوع في صدري و حاولت إني أنسى و أحبها طول هالفترة (ثلاث شهور)

خلفية عني قبل الزواج

* في حياتي ما كلمت بنت (أقصد التعارف والمسن وكذا ) و ضد المبدأ هذا بشكل مجنوووون رغم اني بالنت من التسعينات اول ما طلع

* مركزي الاجتماعي ممتاز و وظيفتي رائعة - ادرس في الخارج من سنة و نص(( وحصلت لي أجمل بنات الدنيا و رفضت اني ادخل في هالعالم والحمد لله ))

* كنت دائما ً أقول بأخلي زوجتي اول وحدة تتملك قلبي و عقلي و راح اعيشها بسعادة ووو

* رفضت الزواج من بنات كثيير لأسباب كثيرة و منها عدم معرفة أي شئ عن البنت !!! احسها مغامرة و بنفس الوقت ابي اتطمن انها ما كانت تكلم شباب او كذا



ا[/COLOR]شفت لها ردود كثير بالمنتدى و اختصاراً

البنت فعلاً ملتزمة من حيث انها ما تسمع موسيقى و لا تشوف تلفزيون و محافضة على الاذكار دووووووم و حافظة القران ((((بس بالله كيف تقبل بالشباب بالمسن !!!))) وليييييه تكذب علي في الشوفة وبعد الملكة!! مو كل واحد منا يعرف هو وش يبي وش ما يبي ؟؟
- الأم تشارك معها بالمنتدى و عندهم حدود البنت عادي لانها واثقة فيها
- هم عائلة منفتحة و في مدينة منفتحة بس الالتزام يقتضي اشياء - وغير كذا انا سألت و كان لازم يعطوني الاجابة الصحيحة
- البنت ماهي ضد وجود الرجال بالمسن بس بحدود على قولها
- ممكن هي تكون حبت أحد بس ما تبين له مشاعرها و ما تتمادى فيها
- ماهي ضد الصداقة بين الجنسين في المسن
- بس دائماً تحذر البنات في المنتدى من العلاقات الغرامية !! و تذكرهم بالله و بنهاية هالعلاقات !!

مشاعري قتلت في مهدها و ما عطتني فرصة أطور مشاعري تجاهها....بس قلت بأعطيها فرصة يمكن احبها وانسى......


* صبرت ثلاث شهور و انا كاتم الموضوع و حاولت احبها واجيب هدايا

* اذا قالت لي كلام حب أحس عادي --- لأن فيه حاجز ما انكسر بيني وبينها وصدمة عنيفة


* لي شهر ما قلت لها أحبك أو اني ادلعها ((ما ابي ازيد حبها لي في هالفترة و أوازن بين الأمور لين أتخذ قرار)) ومع ذلك ما اشتكت وقالت مقدرة ضروفك وانشغالك بس حسسني اني معك (( الله يديم عليها عقلها ماشاء الله عليها))


* هي كانت متجاوبة و رائعة جدا جدا جدا طووول هالفترة بشكل خيااااااااالي


* بس موت الأرواح ولا موت المشاعر !! و متى ...في عزززز فرحتي !!

* المكالمات من البداية الى الان ما تتجاوز ساعة او ساعة ونص !!

* أنا ما أكرهها أبداً.... أحترمها بشكل كبيير و أقدرها بس ما عشت الحب !! أحس اني مصدوم و متحطم وبنفس الوقت أعزها -- بس مو متقبل ان زوجتي كلمت احد

* أظن انها حبتني في هالفترة و هذا شئ مخوفني .... خايف أكسر مشاعرها... بس وش أسوي سويت اللي ما احد يسويه و صبرت و حاولت بكل ما اقدر و حتى شعر كتبت وووو

* لما أتخيل أحد يكلمها مسن و يسولف معها خاصة أربعة كانو يقطون عليها كثير بالمنتدى -- مررة اتنرفز و اتضايق و حتى الليل ما انااااااااااام ---- و هي ما تدري و ما قلت لها عن هالموضوع

* أنا ما جربت التعارف والحب ((بس الدنيا تلف فيني لما اسمع صوت بنت)) و كان ودي أجرب الحب مع زوجتي وبس... بس هي عيشت اللي معها بالمسن جو التعارف و أنا للأسف ما خلتني أتعرف عليها حتى من المنتدى (يوم اني سألتها بالشوفة) -- ساعات احس برغبة في الانتقام أستغفر الله

* المفروض الزواج بعد شهرين

* أعرف إنو صعب جدا جدا جدا احصل وحدة بمثل عقلها و مواصفاتها ماشاء الله عليها -- مشكلتها قتلت المشاعر و انها تقبل بالرجال بالمسن !! وأنا لو كنت ادري كان بيصير كلام ثاني

الآن احس بحيييييرة من أمري

----

أسئلتي

1- وش راح تسوي يالرجل لو كنت مكاني (أنا طبعي غيوور جداً ) ؟؟ الأخوات وش تقترحون ؟؟

2- هل لا سمح الله لو اخترت الفراق راح يكون مؤلم بالنسبة لي و هل لفترة طويلة ؟؟ و هي لو علمتها بغلطتها معي هل راح تعذرني ؟؟ وهل راح تنساني ؟؟ أقصد تعيش حياتها طبيعية ؟ المسيكينة يتيمة

أنا الان بعيد عنها - احن لها ولبعض صفاتها الشخصية لكن مووو حبببب و ذوبان وجو -- دايماً افكر بالقهر اللي فيني من اللي صار

أنا ما أبي اتزوجها و بعدين ما أصير ذايب فيها واتركها أو إني ألعب عليها و أكلم من وراها!! قلت أقول لها قبل الزواج احسن من بعده

3- هل التفكير في الفراق اعتراض على قضاء الله علماً بأن فيها اغلب المواصفات اللي ابيها اذا مو كلها -- باستثناء الجرأة وقبول الرجال بالمسن و الاحاديث الجانبية وانها ما عيشتني الجو اللي عيشته الشباب !!
غير اني انا وهي مستخيرين بالحرم !!!! بس كل واحد لحاله ومع ذلك انا احس اني متنرفز من هالموضوع

وجزاكم الله خيراً

ارجوكم ادعوا لنا الله يكتب اللي فيه الخير والصالح و ان الله يكشف الكربة والهم والغم

فديتك يااسد السنه