مساء صباح الخييييييرات


ابي المملكات بكلمه تعالو كلكم ........

اللي تعاني

واللي متضايقه

واللي مو عارفه وش تسوي


ابيكم تساعدون بعض ... ابي كبيركم ينصح صغيركم ... ابيكم تساعدون على بنا راحتكم بأنفسكم

هنا خصصت صفحه اللي حابه تجي تشارك ؟

دائما ما نتذمر من خطابنا ( أزواجنا ) ونشتكي منهم ونربط حياتنا بهم لو راحو عنا زعلنا ولو اقبلو علينا فرحنا .. ركزنا حياتنا عليهم .. جعناهم شغلنا الشاغل ... طيب وين شخصياتنا .. كيف كنا ؟ وين راحة بالنا ؟

نحن هنا لنصلح من حالنا لا يوجد إنسان كامل
كل شخص يوجد به ما ينقصه ..

هنا خصصت لنا صفحه لنبتعد قليلا عن ازواجنا وننظر لأنفسنا ما هي عيوبنا ؟ كيف نصلحها ؟ وكيف نعدل منها ؟
جد ياجماعه ترى الخطاء مشترك مو كل اللوم ع الزوج يمكن توجد فيك أشياء تضايقه ؟

فتشي في نفسك ؟ أكتشفي أخطائك ثم عدليها

هنا نحن الفتيات نتكلم فقط ولا أمانع من دخول الرجال ( مالنا غنى عنهم ) بس لقيمون هل نحن صح ام خطاء ؟

اتمنى الفكره تعجبكم ؟



وانا راح ابداء
....

عني أنا مره هاديه موعصبيه ومو كل كلمه اتحسس منها فيني ثقه بالنفس طغت علي وصلتني لدرجه (الغرور) وهذا ( عيبي الاول ) صح الواحد لازم يثق بنفسه بس مو لها الدرجه ...
صبوووور لأبعد درجه لدرجة الناس يقولون لي انتي غير مباليه ( انا جواتي مو اي شي يهزني حتى خيانة خطيبي حسيتها قهرتني بس ما افقدتني قدرتي على استرجاعه ) .. ( صمتي يقتلني أوقات اتضايق من اشياء بس اخجل اكسر خاطره واهاوش ارجع اسكت ) ( وهاذا عيبي الثاني )

غيووووووووووووره موووووووت بس ما ابين له لأنه من النوع اللي يستغل غيرتي وقت الزعل يسوي الشي اللي يقهرني
لما يعصب الزم الصمت مو خوف منه لا .. بس عشان المشكله ماتكبر بعد ما سكر ما ارد عليه لو يموت اتركه يومين ثلاث ويمكن اسبوع اوقات اجلس جنب التلفون ابكي بس ما اتصل يوحشني الدبااااههههههـ عنيده مع ذاتي وهالشي يتعبني ..

احب السوالف والضحك والفرفشه بس اضحك بحدود طبعا ...

اكثر شي اكرهه بنفسي إني ملول بسرعه أمل من الشي أكرهه الروتين ...


يمكن بس هالاشياء الاساسيه ....... أقبل النصايح واقبل النقد ......... كلي صدر رحب .........

اتمني منكم ما تبخلون بردودكم ...

سوري موضوع ماله داعي اما اقول ايجابياتي وسلبياتي لاتنسين مملكات يعني ع ذمم رجال

__________________

أعتقد أنو أهم من كثير مواضيع تتهمون فيها الخطيب او الزوج او تتشكون فيها وتتضايقون ..
وقمة القوه ان تعرف سليبياتك وتعالجها ...
وبعدين أنا ما قلت دوري خطيب غير خطيبك عشان تقولين نحنا مملكات وعلى ذمم رجال ... انا اقول عالجي مشاكلك عشان ما يطير منك الرجال اللي انتي على ذمته ... واعتقد مو خطاء

لو عجبك الموضوع شاركي وياهلا فيك ولو ما عجبك الله يستر علييييك .........

بصراحه موضوع حلوو ..

اذا حلينا مشاكلنا واهتمينا فيها بنحل مشاكل غيرنا ...

نحنا نحتاج لاعادة تأهيل .. لانه احس البنت تتغير بطريقتين بعد الخطبة
الاتجاه الاول او الطريق الاول .. هيا انها تفرح بنفسها كثير وتزيد ثقتها بنفسها اذا كان خطيبها مقنعها ومتقبلته
اما الاتجاه الثاني ..الي تحس نفسها انصدمت وكانت تخيلاتها شي ثاااني والنصيب الي انكتب لها شي ثاني ..وبما انه نصيب لازم تؤمن فيه وترضى فيه ..بس بتقل ثقتها بنفسها او تشوف انها تستاهل احسن من هذا الخطيب ويمكن تتولد لها صراعات ومشاكل ((( وهذي بالذاااااات يبغالها حل لازم ناخذ بيدها ونعرفها باولويات الحياة الزوجيه الى ان تتقلم مع الوضع ونخلي الانفصال اخر الحلول اللي للاسف الان صار اول الحلول ))

تقبلي مروري

رجال بس مشارك مشارك الله لايعوق بشر

اللي اتمنى تعرفه كل وحده عن خطيبها من ناحية اخطائها ...

1- فترة الخطبة الرجل عادة يجامل ومع كذا يكون اصرح من الفتاة فاحيانا يصرح ببعض العيوب او يلمح اللي لازم تعرفه البنت انه مالمح او صرح الا لانه متضايق مره من هالشغله واللا في شغلات كثير يسكت عنها لانها ماتستاهل فاذا تكلم بشيء افهمي انه مهم انك تعدلينه فيك ...

2- الرجل يحب المراه اللماحه لانه مايحب يصرح ويحرجك ولا يحب يلمح ولاتفهمين لانه بهالحالة يحس انك غبيه اوانه هو الغبي اللي ماقدر يوصل لك المعلومه (لاتقولون كيف تجي هي كذا ههههههههه)...

3- اذا قال الرجل انا احب الشغله الفلانيه وانت عكسها تراه يلمح لك غيريها لكنه من باب احترام مشاعرك حب ينبهك باسلوب غير مباشر ...

4- بشكل عام طريقة الرجل بالكلام تختلف عن المراه الرجل يعني كل كلمه يقولها مثلا اذا قال لك انا مشتاق لك لازم اشوفك اليوم يعني انه يبي يشوفك اليوم بينما المراه احيانا تقول الجمله هذي وتقصد اني احبك وارتاح لشوفتك فيجيك الرجل على وجهه يقول خلاص الساعه كم اجي والبنت ماقصدت انك تعال فتحرج خصوصا اذا كانت مشغوله او اي شي يمنعها وصعب انها ترده ...
5
- من الاشياء الجميله جدا واللي سويتها انا وخطيبتي مسالة تعزيز الايجابيات يعني كل بعد فتره نجلس ولو بالتلفون جلسة مكاشفة كل واحد يجيب ايجابية لصاحبه او موقف حلو شافه من صاحبه هذا يبين للشخص وش الاشياء اللي تجذب الطرف الثاني ويحبها وبنفس الوقت تقدر من خلالها تعزز جوانب تعجبك فيه ..

مثلا لو افترضنا ان امراه تحب ان يقبلها خطيبها لكنه مقل من هالشيء فعندما يبدؤون بالاشياء الجميله اللي شافوها من بعض تقول لما تقبلني او لما قبلتني اول مره هي وطريقتها ...

6- اذا يحبون المكاشفة تكون اضافة لباب الايجابيات في باب السلبيات ماعندهم مشكله لكني احبذها فقط للي فترة الملكه عندهم طويله ..

7- وفيه طريقة اخرى للتنبيه على بعض الاخطاء ان كل من الطرفين يقول اللي يحب ان الطرف الثاني يسويه وبهالطريقه يقدر يوصل له وش يبي ومايحسسه انه ينتقده ..

8- اخيرا الرجال ماينتبهون ان البنات حساسات بالمره النقطه هذي لازم ينتبهون لها حييييييييل حاول انك ماتمزح باي شي يطعن بانوثتها كما انك لاترضى انها تمزح معك وتقول لك انت بزر ...
والله يوفق الجميع ...

ياعزيزتي مو بلازم تكتبينها بالمنتدى عالاقل فكري فيها بينك وبين نفسك تحياتي ......