السلام عليكم ورحمة الله وبركاته،وبعد:
إخواني وأخواتي أعضاء المنتدى أرجو أن تساعدوني،لدي بعض الإستفسارات وأتمنى إنكم تساعدوني الله يجزاكم الجنة،لدي صديق تعرفت عليه قريب وعرفت إن عنده 3 أخوات معلمات وأعمارهم قريبة مني وتم حديث بيني وبينه عن الزواج وكلمته أني ابحث عن بنت الحلال فحسيت أنه لمح لي بأن اتقدم عندهم ،وأنا الصراحة ارتحت لكلامه وهو بعيد عن مدينتي يعني في البر،فكيف هي الطريقة لكي اتقدم عندهم ،وكيف أختار من بين الثلاث،أم أفاتحه بالموضوع،مع العلم بأني مطلق ولدي بنت صغيرة عند طليقتي، وأنا موظف ميسور الحال ولله الحمد، ساعدوني الله يوفقكم دنيا وآخره

اتصل على الرجاااااال وقوله بتقهوا عندك

واخذ امك واختك وودهم معك تقهوا وعينوا من الله خير عندهم وسمروا لاكن خل المده طوويله اشوي اقل شي 3 ساعات

وود معك اخت في سنهم ووحده فرفوشه وتسوولف لاجااتك عند الوحده تقول كنها تعرفهم من زمااان

علشاان تقدر تجيب لك من الي تصلح لك ومن الي تصلح لها

والحريم يفصفصون لك المووضوع تفصفص

وانتم رااجعين بيقولون لك كلشي وش الي دار ومن الي تصلح لك ومين الي ماتصلح لك وانت بعدين قرر

واذا قررت اتصل عليه واخذ معه موعد ثاااني وقط الي ببطنك بدون حيااااء واذا كان لك نصيب من عندهم الله بيووفقك

الوزن الثقيل
كفيت و وفيت !

__________________
## مهم ##
هل تتعرضين للابتزاز في الانترنت؟


هنا من ينقذك

يا أخي

أنت تقول البنات أعمارهم قريبه منك

أنت كلم زميلك وعادي قل

بخطب وحده من خواتك لكن ياليت تقول عمر كل وحده عشان تكون القريبه لعمرك

\أو أخطب الكبيره لأنك تقول مطلق

لكن يا أخوي نصيحه

قبل لاتتقدم أشرط أنها تحافظ على بنتك

لاتقول أنها عند أمها

أمها راح تتزوج وتترك البنت فنصيحه أشرط أنها تربي بنتك


والله يوفقك

__________________
الله يصبرني على فراقكم يا أهلي
الله يجمعني معكم بالقريب العاجل

أنا أوافقك الرأي

__________________

	رأيي يحتمل الخطأ

نعم لابد انك تصااارحها في كلشي قبل ماتقدم على اي خطوووه

والبنت بتعيش معك اليوم بكره بعد سنه سنتين يعني خلك واضح وضوح الشمس

والله يووفقك وان شاء الله نبااارك لك عما قريب