والدتي بـ تترك البيت ! - منتدى عالم الأسرة والمجتمع

23-06-2011, 01:08 AM

حنين بنت ناصر .

عضو جديد

تاريخ التسجيل: Jun 2011

المشاركات: 2

والدتي بـ تترك البيت !

بدون مقدمات .. بدخل بالموضوع ،

قبل فتره 6 شهور وصلنا خبر زواج أبوي .
زواجه صار له سنه و نص .. و امي كانت اخر من يعلم ..وصلها الخبرمن صاحبتها اللي بالداوم !
صدمتها لمن عرفت الخبر .. أثرت عليها بشكل كبير ..
لدرجه انها ببدايه أول 3 شهور تبكي و تنهار بسبب و بدون سبب !!
كان الوضع هستيري .. لدرجة اني اشوف أمي تبكي قدامي و تنهار .. و بأي لحظه ممكن يصير فيها شي ..و أنا حاطة يدي على خدي .. و أبوي مطنش و يطالع تلفزيون .. و ان بغى يراضيها 5 دقايق بالاسبوع !
من تزوج أبوي .. و أمي ما تبينا و بس تهاوش و تصارخ و تلعن و تسب بسبب و بدون سبب .. و تحسسنا ان حنا السبب بأنشغالها عنه و زواجه !
تركت الشغل ببدايه أول شهرين من الخبر .. و بعدها رجعت تداوم !

عني / وصلت لمرحلة من تبلد الاحاسيس .. مشاكل 24 ساعه حولي و ما احس بشي .. تعودت !
اصحي 4 الفجر من النوم اسمع صراخهم و هواش بالغرفه !
عني ، مو ضد زواج ابوي .. الشرع حلل 4 .. و راحته النفسيه مع الثانيه أكثر .. و راحة أبوي عندي بالدنيا كلها ..!
و لكنني ما عدت استحمل وضع امي .. بعيد الشر عنها .. و ربي احيان لمن اشوف حالتها .. احس لو يجي يوم و يصير فيها شي لا سمح الله لا سمح الله .. بجن !
بكره أبوي وقتها ..

هالفترة أمي كل همها أبوي .. !
صارت تتكشخ و تتزين و 24 ساعه معاه ما تفارقه ..
ما تتطبخ الا اذا هو بالبيت .. ما تاكلون الا اذا هو ع الطاوله ! .. ما تسوون اي شي الا برضاه !!
لا تسوون ازعاج دامه بالبيت ..
أمي .. تفتش غرفته كل ما دخل أو طلع من البيت .. تفتش سيارته .. لمن يطلع من البيت تنتظره عند الشباك لين يرجع ! .. أول ما يطلع من البيت .. تطلع وراه مع السايق تشوف لـ وين رايح !
الوضع صاير هستيري .. ! ..
معاه تضحك و تجامله و تقابله ..
و لمن تكون بغرفه لحالها .. تنفجر دموعها !
اول ما تعرف انه عند الثانيه .. تنهار !
أمي كل همها أبوي .. لدرجة أن تمر 3 اسابيع بدون أسمع منها أخبارك .. محتاجه شي .. ناقصك شي .. و لا ولالا !
من قبل زواج أبوي حتى ، ما عمري لقيت سؤال منها و لا حتى من أبوي ..
أمي تقضى يومها مقابلته ..
أبوي بالمقابل بس يصارخ عليها و ينفر منها و أسهل كلمه عنده .. طلعي برا البيت !
أخواني صاروا يكرهوا أبوي .. لدرجة أحيان يدعون عليه بالمرض ! ..
أنا ع قد كل اللي صار ما عمري كرهته .. أحسه كان محتاج زواجه الثاني لـ نفسيته لا أكثر .. !
أمي ما عندها أحد بالدنيا الا حنا .. مالنا أي علاقه بأقاربنا .. علاقتنا متفككه جداً .
أمي لسه صغيره .. لسه تقدر تعيش حياتها .. و بأحسن من وضعها مع أبوي .. و ما هي محتاجة أي ريال واحد منه !

احنا عددنا 6 و كلنا كبااااااااااااااااااااااااااار .. اصغرنا بالمتوسط .. بس محد متزوج بأخواني !
نقدر نقوم بالمسؤوليه .. ابوي ما عمره سألني محتاجه شي ؟ تبين شي ؟ ما يدري أنا بالبيت و لا لا ؟
من تزوج ابوي ما صرف على البيت ريال واحد .. الللهم مصروف اختي اللي بالمتوسط 200
اللي ما يفرق خذته و لا لا .. لاننا كل شهر نعطيها ضعف ما يعطيها ابوي 1000

المهم
1- أمي ناويه تترك البيت .. ( لأن لا سمح الله لو صار فيها شي .. أبوي ما رح ينفعها بشي .. و يكفي اللي ضاع من عمرها معاه ) !
2- بمجرد انها تترك البيت .. كلنا بنطلع معاها !
3- الشي الوحيد اللي اعرفه ان ابوي يحبنا حييييييييل و مستحيل يتنازل عننا بهالسهوله .. ( بتصير مشاكل و قلق ) .. و خايفه على نفسيته أكثر شي .. و أبوي عمره ع نهايه الخمسين ..
- أحيان أمي تدعي على أبوي بالموت .. تقول لنا ( اذا توفى ابوك .. بعد عمر طويل انشالله .. محد يحضر عزاه ) ..!
يعورني قلبي لمن اسمع كلامها و اشوف حاالتها !
وضع أمي جنوني .. تتكلم 24 ساعه عن طاري أبوي و زوجته الثانيه و تعيد السوالف بشكل متكرر .. زي اللي تبي تفضفض للعالم كله ..

*
راسي مشوش .. الأفكار على بعض !
أبي رايكم بهذا كله ..
أنا وصلت لمرحله من تبلد الأحاسيس و ما عاد يفرق عندي شي ..تعودت ع وضعهم .. أهم شي صحة الاثنين و رضاهم .. اللي صعب نجمعها !
عندي اختبار .. بعد شهر .. و من وصلت أمي لهالقرار .. ما مسكت كتاب !

23-06-2011, 01:22 AM

بدي اتزوووووووج

عضو نشيط

تاريخ التسجيل: Jun 2011

المشاركات: 185

انا لله وانا اليه راجعوووووووون ..............ترى المراهقه احيانا تيجي على كبر بس انا اعرف انه مو لهالدرجه .......انتي يا اختي الضحيه ........الأولاد دائما ضحية اخطاء الاباااء وتصرفاتهم الطايشه .............التهي الان بدراستك ودينك وارمي كل شي ورا ظهرك اهم شي مصلحتك الان .........روحي لامك او لأبوكي واشكيلهم عن صعوبة دراستك ......الهيهم بحالك
وما اقووول الا بالله انك تدعيلي الله يفك ضيقتي ويفك ضيقة جميع خلقه

23-06-2011, 01:31 AM

حنين بنت ناصر .

عضو جديد

تاريخ التسجيل: Jun 2011

المشاركات: 2

اقتباس:

المشاركة الأصلية كتبت بواسطة بدي اتزوووووووج

أحيان أحس أبوي مراهق .. بمكالماته بالسر .. بـ سرحانه .. بأالاغاني اللي يسمعها .. بأسفاره الغبيه معاها ! ( أبوي جالس يعوض شي ما عاشه بمراهقته ) !
أمي مو فارق عندها .. بالعكس تبيني أعيد السنة عشان أحسس أبوي بتأنيب الضمير : )

23-06-2011, 01:42 AM

بدي اتزوووووووج

عضو نشيط

تاريخ التسجيل: Jun 2011

المشاركات: 185

ابتعرفي شي انا عمري 23 سنه بس ربنا اعلم بالحااااااااال .............خبرتي كبييييييره بكل شي بس متل ما بحكو اللي ما اله نصيب لا يشقى ولا يتعب ..............المهم روحي لأبوكي واشكيله همك ...تانيا لاااتردي على امك واجتهدي وديري بالك على دراستك و دينك
دينك اللي بساعدك بهاد الوقت ............اشتري ابوكي وحاوليتلعبي على الطرفين

23-06-2011, 03:11 AM

المنصدمه

عضو نشيط

تاريخ التسجيل: Feb 2011

المشاركات: 178

اقتباس:

المشاركة الأصلية كتبت بواسطة حنين بنت ناصر .

أحيان أحس أبوي مراهق بأالاغاني اللي يسمعها .. بأسفاره الغبيه معاها !

!!!!

ياربي ترحمنا برحمته

حاولي تنصحينة بأي طريقة إنه يترك الاغاني عمره بالخمسين وش بقى من عمره الله يحفظة
لكن يا أختي والله مو سهله رجل بـالـ 50 يسمع أغاني !!

وأمك والله مدري وش أقول ما بيدي إلا الدعاء لها إن الله يصبرها ويسخر لها أبوك
هي صحيح زودتهآ بأهمالها لكم علشان زوج تهمل الابناء !!
لكن يا أختي هذي الدنيا يبي لها صبببببببر وتحمل الشكوى لله
بكرا إن شاء الله تتزوجين ويرزقك الله الذرية الصالحة اللي تعوضك باللي شفتية من مصائب
وماتدرين يا أختي يمكن هذا درس لك لبعديييين تحافضين على بيتك وعيالك وتكونين جربتي مرارة إهمال الوالدين لأبنائهم

__________________

لا إله إلا الله وحدة لاشريك له لهُ الملكُ ولهُ الحمد وهو على كل شيء قدير

23-06-2011, 03:14 AM

الوزن الثقيل

عضو نشيط جدا

تاريخ التسجيل: Mar 2011

المشاركات: 888

اختي وين الخطاااء من جهت ابووك لانه تزووج على امك

اين اامك عن ابووك من يووم هو محتااجها

واصلا حراام على امك انها تدعي على اابوك ولا تخطي على زوجن ااابوك لانها بنت ناااس ايضا وهي زوجت ااابوك

وحرااام انها تقوووول اذا ماات ماتحضروون عزااء ااابوكم

ابووك ليس بمرااهق بزواجه على امك هو له الحق انه يعدد

انا اابوي متزوج على امي 2 وحضرت زواااج ابوووي هذا نوع من البر الاب مافعل جريمه او زنى

امك وابووك ينجااازون لاكن انتم لا تدخلوون في مشااكلهم اذا هذي امك فهذا ابووك وانتم مااجيتوا الا من ظهره

الله يكون في عوونك امك ويصبرها والله يووفق اابووك في زواجه الثاااني

ومبرووووك

23-06-2011, 03:56 AM

ياجرح

عضو مميز

تاريخ التسجيل: Jun 2011

المشاركات: 194

يحق لابوك يتزوج اذا مالقى راحته ويحق لامك ترفض زواجه وتترك البيت مادام انتم كبار احترمو رغبتها وخلوها تعيش براحه قبل تتجنن والا يصير فيها شي من مقابلة ابوك وزوجته

23-06-2011, 11:18 AM

الإبنة الصغرى

قلم مبدع

تاريخ التسجيل: Sep 2009

المشاركات: 481

أمك منهارة مو من زواج أبوك لا ، هي منهارة خوفاً من نظرة الناس لها وخاااصة زميلاتها
الي وصلوا لها خبر زواجه ، حتى إهتمامها الآن بأبوك تطبيقاً لنصائحهم .! بدليل أنها تركت دوامها أول شهرين من عرفت
بزواجه هرباً من مواجهتهم .!

يبدو ان أمك وابوك شخصياتهم ضعيفة جداً " أمك شخصيه تسيرها آراء المجتمع من حولها ، ابوك شخصية تجنبيه تزوج
بالسر تجنباً للصدام مع امك وهربا من مشاكله بدلا من مواجهتها " ..

- حاولوا التوفيق بين أمك وابوك ، وضحي لأمك أولاً إن ابوك تزوج وانتهى الموضوع ومن الظلم أن يطلق زوجته الثانية بدون
سبب ، وممكن تدعي عليه وعليكم " ودعوة المظلوم مجابة " ، قولي لها إنه مو أول ولا آخر واحد يتزوج على زوجته .
وما تزوج إلا وهو قريب الستين وأنتم كبار وهي مو محتاجة له و لا متفرغه ، وكمان بالسر ..!

" كثير الي تزوجوا على زوجاتهم وابناءهم صغار وهم في بداية حياتهم الزوجية وجهاراً دون مراعاة لمشاعر زوجتة وفوق هذا كله
لم تسلم من شره " .. فأبوك في قمة الرقي الأخلاقي مقارنة بغيره ..

وضحي لأمك أنه من الأولى أن تهتم بنفسها وصحتها وفيكم وبإستقراركم كأسرة ، وتعيش حياتها زي ماكانت عايشتها وكأن شيء
لم يتغير - بما انه لم يلحقها ضرر - فلا شيء يستحق كل هذا الجنون ، و لا تلتفت لكلام الزميلات وخاصة تلك التى نقلت لها الخبر ، فهي تريد شتاتكم وتشعر بنشوة وهي ترى أمك تنهار وتتخبط بقرارات عشوائية ، وتواجه المجتمع بثقة فليس كل من تزوج زوجها دليل على نقصها ابدا ..

- ووضحوا لأبوكم أن هذه أمكم ولن يرضيكم أن يلحقها أي ضرر ، فلها كما للآخرى بالمعروف .
ثم اعقدوا جلسة صلح بينهما بحضوركم ، وأخبروهم أن لكم حق ايضا عليهم ، ولا يمكنكم الإستغناء عن أحدهما ابدا .
ومن يرفض الإلتزام منهم يكون الجميع ضده ..

- وزوجة ابوكم الثانية اقتربوا منها اكثر واعتبروها منكم ، فبإقترابها يقترب أبوكم منكم ، وببعدها يبعــد ..

__________________
إذَا هَاجَتْ أَمْوَاجُ الْفِتَنِ ، و تَمَزَّقَ شِرَاعُ الثَّبَاتِ ؛ فَتَأَرْجَحَ قَارِبُ الإيمَانِ مُؤْذِناً بِانْغِمَاسِ القَلْبِ فِي لُجَجِ الظُّلُمَاتِ
نَــاج ِ { لاَ إِلَهَ إِلاَّ أَنْتَ سُبْحَانَكَ إنّي كُنْتُ مْنَ الظَّلِمِينَ }

التعديل الأخير تم بواسطة الإبنة الصغرى ; 23-06-2011 الساعة 11:22 AM

23-06-2011, 03:16 PM

الملاك يونا

قلم وفي

تاريخ التسجيل: Jan 2005

المشاركات: 1,221

الله يعينها ويخليها لكم
نصيحه لاتمنعيها تطلع من البيت..
خليها تنفس عن غضبها

امي بغت تموت لما ابوي كان بيتزوج عليها وتزوج فعلاً
بس الفرق ابوي يصرف علينا شهرياً .. وامي تساعده

جاتها حالات مثل امك وانهيارات وتضرب نفسها وتنهار وتبكي حتى وهي تصلي وهي تقرأ القرآن
هي 24 ساعه عباده بس عشان ابوي تفرغ من وقتها وتهتم فيه وتطبخ له وتتدلع له
تخيلي الحين سنتين من تزوج وهي للحين على حالها صح خفت شوي بس كل شوي تتعب وتبكي وتنهار
جاتها .. كحه مع دم
وانا خايفه انه مرض السل ... وهي ماتبي تكشف وتعالج تخاف ابوي يتشمت فيها
وعلطول يجيها نزيف الانف والحلق مع الكحه ..
واقول بقلبي لو صار شي لامي ماسامح ابوي ابداً.....

الله يهدي الرجال ..يفكرون بمصلحتهم ولايفكرون بزوجاتهم وعيالهم
كل همهم وناستهم ويعيشون يومهم انانيين ..

23-06-2011, 03:44 PM

#10

نقآء الورد

عضو دائم

تاريخ التسجيل: May 2011

المشاركات: 63

لا حول ولاقوة الا بالله كان الله في عونكم على هذا الشتات..
احب اذكر لكِ انكِ قوية في عزيمتك ورغبتك في حل مشكلتكم وتحملك للمسئولية ، حاولي التقرب من امك وكسب ودها ومحاولة زيادة تعلقها بالله حتى لا تضر عقلها وصحتها و حاولي تبيني لها بأسلوب لطيف ان لا تخسركم ايضاً كما خسرت والدك بتصرفاتها ورغبتها في ترك البيت وانتم ايضاَ لا تريدون ان تخسروها و يبدو مثل ماذكرتي الوالد يريد ان يعيش حياته ويضايقة قرب والدتك لأنه يرى انها جاءت في وقت متأخر ..

نصيحة لك بأن تهتمي بنفسك وبأخوتك وان تحرصوا على نجاحكم في الدراسة وان لا تساعدوا في هدم أسرتكم اكثر ووالدتك مصيرها تهدأ نفسيتها وتطمئن ،لا تنسي الدعاء لوالديكِ ، اسأل الله ان يصلح احوالكم وان لا يضيعكم و يلم شعثكم .. انه على ذلك قدير وبالإجابة جدير

__________________

التعديل الأخير تم بواسطة نقآء الورد ; 23-06-2011 الساعة 03:46 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه