حلمه سفر وفلوس وحلمي طفل - منتدى عالم الأسرة والمجتمع

09-07-2011, 09:44 PM

نوره المطيري

عضو جديد

تاريخ التسجيل: Jul 2011

المشاركات: 3

حلمه سفر وفلوس وحلمي طفل

الساعه 10 صباحا بتوقيت انديانا جاني اتصال من السعوديه ..

اختي : السلام اخبارك يانورهـ

انا : الحمدلله بالف خير وانتي ..

اختي : انا مالت علي ياشين حظي ..

انا : سلامتك وش فيك عسى ماشر .. ؟

اختي : ابد بخير بس دريتي فلانه سافرت برا و فلانه بكره بتسافر ..

انا : الى متى انتي تنظرين لغيرك ..

اختي : ياحظهم لاني مو مثل غيري ..

انا :الله يهديك احمدي ربك فيه غيرك حاسدك ؟

اختي : على ايش ياحسرهـ ..

انا : على كثير اشياء انتي ماتشوفينها شي مثل وظيفتك .. زوجك .. اطفالك ..

اختي : ضحكت مو شايفه اللي عندها شي ..

تيت تيت انتهت المكالمه ..

جلست افكر كثير وسرحت في بالي بعيد الى متى ؟

ثلاث سنوات وانا ف الخارج شفت كثييييييير بس زي عربنا ماشفت ..

ماااقول كلهم بس اكيد ثلاث ارباعهم ..

حلمه صغير عايش زين بس ماهو راضي عنده كثير بس ماهو شابع بس يبي ..

في غربتي شفت الكثير ياااكبرهم بتفكيرهم في احلامهم في عقولهم ..

يتعب علشان يدرس .. تخيلتوا علشان بس يدرس ويكون نفسه ويستقل ..

وحنا يدرس بلااااااش وع اهله معتمد بس وش طلع لا اقصد وش يبي ..

جلست افكر كثير بس ماطلع مني الا القليل ..

كلمات مني طلعت ابيها توصل للكثير ..
للي يبي يتعض وان شاء الله الكل يتعض ..

حلمك سفر وفلوس وحلمي طفـــــــــــــــــل ..
انا اريد وانت تريد والله يفعل مايريد ..

سفر فلوس ماركات حلمكم يابنـــــــــــات ..
سياره وظيفة زوجه جميله حلمكم يا شباب ..

ماقلنا لا تحلم الحلم يااخي بـــلاش ..
لكن لا تاخذك احلامك بعــــــــيد ..
ارضى باللي ربك لك كاتـــــــــــبه ..

غيرك يركب كدلك او همر يصرف في اليوم ألوف ..
يمكن تشوفه سعــــــــــــــــــــــــــــــــــــــــــــــــ ــــــــيد ..
غيرك تروح وتجي تلبس احلى مانزل وتشتري ..
يمكن تشوفينها ســـــــــــــــــــــــــــــــــــــــــــــعيده ـ ..

من خبرتي شفت الكثير ..
شفت اللي راكب همر وعايش وكنه امير حلمه بس طفل يحمل اسمه واسم ابوه ..
شفت اللي تروح وتجي تلبس كل ماتشتهي حلمها تحمل بطفل وتفرح هي وزوجها ..

اقولها لاني اعيش ب هالشعور ..
الكل يحسدني بكثير ..
في امريكا تدرس تلبس كل اللي تبي ..
ليه تزعل وش اللي بعد تبـــــــــــــــــــــــــــــــــي ..

تدري وش اللي انا ابيه ..
ابي طفل هذا الحلم اللي تـــــــــــــــــــــــــــــــشوفونه انتم صغــــــــــــــــــــير ..
انا اشوفه كبير و يمكن مستحيل وما على ربي مستحيل ..

الكل يحسد سفرتي ..
صحيح انا في امريكا عايشه ..
ولي اخت في قريه عايشـــــــــــــــه ..
هي ماتبي وانا ما ابي ..
شفتوا كيف الفرق واضح ..

كلن مو راضي بقسمـــــــــــته ..
كلن كاره عيــــــــــــــــــــــــــــــــــــــــــــشته ..
الكل لغيره ينظــــــــــــــــــــــــــــــــر..
ومايدري وش حلم غيره ..

كثير مروا علي ااشكال و الوان ..
كلن شايل في ضلوعه مدري حلم ولا هم ..
في عالم تشوفه هم وفيه عالم تشوفه حلم ..

فيه بنت تحلم بزوج غني تبي حلو تبي قصر تبي دلع تبي ولع
يالله قد ايش هي متخلفه / وفيه ولد مثلها ب احلامه غبي ..

وفيه بنت تحلم انها تزرع البسمه بوجه البشر تحلم تكون طبيبه
مو اي طبيبه تحلم تجمل اسنان البشر تجمل فمي البشر .. (الله مااكبر حلمها)
سالتها كم سنه بتدرسين قالت يمكن سبع .. تدرس سبع تتعب سبع والهدف بسمتكم يابشر ..

وفيه ولد ماهو اي ولد كنت ادرس معه ..
كان حلمه يكون شي كبير استشاري او وزير مو غريبه راح يصير ..
كل يوم يوم اشوفه يدرس ويتعب ودي اقوله راح تصير بأذن الله راح تصير ..
لمن اشوفه لربي يركع عند هالغرب يركع ومايهمه من يناظر من يصور مايهمه
اللي همه كله ربه راح يصير ..

شفتوا كيف الفرق واضح شفتوا كيف الكل في احلامه سارح ..
ارتقوا في احلامك انظروا للي تملكونه ..
اتعبوا راح توصصـــــــــــلون ..

انظروا للي اقل لا ترفعون ارقابكم بتتعبون ..

فلسفه مدري خربشه احب اوصلها لكل شاب وشابه ..

نوره المطيري ..

التعديل الأخير تم بواسطة نوره المطيري ; 09-07-2011 الساعة 09:58 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه